ಮನೆ ಅಂಗಳದಲ್ಲಿ ಆಟವಾಡ್ತಿದ್ದ ಮಗುವಿನ ಮೇಲೆ ಹಂದಿ ದಾಳಿ!

ಕೊಪ್ಪಳ: ಮನೆ ಅಂಗಳದಲ್ಲಿ ಆಟವಾಡುವ ಸಮಯದಲ್ಲಿ ಮಗುವಿನ ಮೇಲೆ ಹಂದಿ ದಾಳಿ ಮಾಡಿರುವ ಘಟನೆ ಜಿಲ್ಲೆಯ ಗಂಗಾವತಿ ಪಟ್ಟಣದಲ್ಲಿ ನಡೆದಿದೆ.

ಕೊಪ್ಪಳದ ಗಂಗಾವತಿಯ ಬನ್ನಿ ಗಿಡದ ಕ್ಯಾಂಪ್‍ನಲ್ಲಿ ಈ ಘಟನೆ ಸಂಭವಿಸಿದ್ದು, 2 ವರ್ಷದ ರಿಹಾನ್ ಎಂಬ ಮಗು ಮನೆಯ ಹೊರಗಡೆ ಆಟವಾಡುತ್ತಿದ್ದಾಗ ಹಂದಿ ದಾಳಿ ಮಾಡಿ ಮಗುವನ್ನು ತೀವ್ರ ಗಾಯಗೊಳಿಸಿದೆ. ಕೂಡಲೇ ಹಂದಿಯಿಂದ ಮಗುವನ್ನು ಬಿಡಿಸಿದ ಸ್ಥಳೀಯರು ತಾಲೂಕು ಆಸ್ಪತ್ರೆಗೆ ದಾಖಲು ಮಾಡಿದ್ದಾರೆ.

ಹಂದಿ ಈ ರೀತಿ ದಾಳಿ ಮಾಡುತ್ತಿರೋದು ಇದೆ ಮೊದಲಲ್ಲ, ಸಾಕಷ್ಟು ಬಾರಿ ಇಂತಹ ಘಟನೆ ನೆಡೆದಿವೆ. ಈ ಕುರಿತು ಹಲವು ಬಾರಿ ಗಂಗಾವತಿ ನಗರಸಭೆ ಗಮನಕ್ಕೆ ತಂದರೂ ಅಧಿಕಾರಿಗಳು ಮಾತ್ರ ಕ್ಯಾರೇ ಅಂದಿಲ್ಲಾ. ಇವಾಗ ಆರಿಸಿ ಬಂದಿರುವ ಹೊಸ ಕೌನ್ಸಲರ್ ಆದರೂ ಈ ಕಡೆ ಗಮನ ಹರಿಸಿ ಹಂದಿ ದಾಳಿಯಿಂದ ಮುಕ್ತಿ ಕೊಡಿಸಿ ಎಂದು ಜನರು ಆಕ್ರೋಶವನ್ನು ವ್ಯಕ್ತಪಡಿಸಿದರು.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv