ರಕ್ಷಿಸಿಕೊಳ್ಳುವ ಭರದಲ್ಲಿ ಗುಡ್ಡದಿಂದ ಅಡುಗೆ ಮನೆಯೊಳಗೆ ಜಿಗಿದ ಜಿಂಕೆ

Public TV
1 Min Read
collage ckm deer

ಚಿಕ್ಕಮಗಳೂರು: ನಾಯಿಗಳಿಂದ ಪಾರಾಗಲು ಗುಡ್ಡದಿಂದ ಜಿಗಿದ ಜಿಂಕೆಯೊಂದು ಮನೆಯ ಅಡುಗೆ ಕೊಣೆಯೊಳಗೆ ಬಂದು ಬಿದ್ದ ಘಟನೆ ಮೂಡಿಗೆರೆ ತಾಲೂಕಿನ ನಿಡುವಾಳೆ ಗ್ರಾಮದಲ್ಲಿ ನಡೆದಿದೆ.

ಗ್ರಾಮದ ಗುಡ್ಡದ ಮೇಲಿದ್ದ ಜಿಂಕೆಯನ್ನು ಕಂಡ ನಾಯಿಗಳು ಅದರ ಮೇಲೆ ದಾಳಿ ಮಾಡಲು ಮುಂದಾಗಿವೆ. ಈ ವೇಳೆ ಭಯದಿಂದ ಓಡಿದ ಜಿಂಕೆ ಸುಮಾರು 10-15 ಅಡಿ ಎತ್ತರದಿಂದ ಮನೆ ಮೇಲೆ ಜಿಗಿದಿದೆ. ಈ ವೇಳೆ ಮನೆಯ ಹೆಂಚು, ರೂಪಿಂಗ್ ಮುರಿದಿದ್ದು, ಜಿಂಕೆ ಅಡುಗೆ ಮನೆಯೊಳಗೆ ಬಿದ್ದಿದೆ.

ckm deer

ಅಡುಗೆ ಮನೆಯಲ್ಲಿದ್ದ ಶ್ರೀನಿವಾಸ್ ಹಾಗೂ ಅನೂಪ್‍ಗೆ ಗಾಯವಾಗಿ ಇಬ್ಬರನ್ನೂ ಮೂಡಿಗೆರೆ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಜಿಂಕೆ ಕೂಡ ಬಿದ್ದ ರಭಸಕ್ಕೆ ಗಾಯಗೊಂಡಿದ್ದು, ಪ್ರಾಣವನ್ನು ಉಳಿಸಿಕೊಳ್ಳಲು ಜಿಂಕೆ ಬಿದ್ದ ಕೂಡಲೇ ಎದ್ದು ಓಡಿ ಹೋಗಿದೆ. ಸ್ಥಳಕ್ಕೆ ಮೂಡಿಗೆರೆ ಅರಣ್ಯಧಿಕಾರಿಗಳು ಭೇಟಿ ನೀಡಿ ಪರಿಶೀಲನೆ ಮಾಡಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *