ರೈತರಿಗೆ ಜಾಕ್‌ಪಾಟ್‌
ಚಿಕ್ಕಬಳ್ಳಾಪುರ: ಪ್ರೇಮಿಗಳ ದಿನ, ಪ್ರೀತಿಯ ನಲ್ಲ ನಲ್ಲೆಗೆ ಕೆಂಪು ಗುಲಾಬಿ (Red Rose) ಕೊಟ್ಟು ಪ್ರೇಮ ನಿವೇದನೆ ಮಾಡಿಕೊಳ್ಳೋದು ಸಾಮಾನ್ಯ. ಆದ್ರೆ ಇಷ್ಟು ದಿನ 5-6 ರೂಪಾಯಿ ಇರ್ತಿದ್ದ ಕೆಂಪು ಗುಲಾಬಿಯ ಬೆಲೆ ದಿಢೀರ್ ಅಂತ 25 ರಿಂದ 30 ರೂಪಾಯಿ ಆಗಿದೆ.
ಇದರಿಂದ ಪ್ರೇಮಿಗಳ ಜೇಬಿಗೆ ಕತ್ತರಿಯಾದರೂ ಗುಲಾಬಿ ಬೆಳೆದ ರೈತರಿಗೆ (Farmers) ಝಣ ಝಣ ಕಾಂಚಾಣ ಎನ್ನುವಂತಾಗಿದ್ದು ಚಿಕ್ಕಬಳ್ಳಾಪುರದಲ್ಲಿ ಗುಲಾಬಿ ಬೆಳೆದ ರೈತರು ಖುಷಿಯಾಗಿದ್ದಾರೆ. ಇದನ್ನೂ ಓದಿ: ಸಾವಿನ ನಂತರವೂ ಮೊಮ್ಮಕ್ಕಳೊಡನೆ ಮಾತಾಡಬಹುದು: ಗೂಗಲ್‌ ಎಕ್ಸ್‌ನ ಸೆಬಾಸ್ಟಿಯನ್ ಭವಿಷ್ಯ
ಹೌದು. ಫೆಬ್ರವರಿ 14 ವ್ಯಾಲೆಂಟೈನ್ಸ್ ಡೇ. ಈ ದಿನಕ್ಕಾಗಿ ಪ್ರೇಮಿಗಳು ಕಾತುರದಿಂದ ಕಾಯ್ತಿರ್ತಾರೆ. ಪ್ರೀತಿಯ ನಲ್ಲ ನಲ್ಲೆಗೆ ರೆಡ್ ರೋಸ್ ಕೊಟ್ಟು ಲವ್ ಪ್ರಫೋಸ್ ಮಾಡೋಕೆ ತುದಿಗಾಲಲ್ಲಿ ನಿಂತಿರ್ತಾರೆ. ಹಾಗಾಗಿ ಎಲ್ಲೆಲ್ಲೂ ಈಗ ಪ್ರೀತಿಯ ರಾಯಭಾರಿ ರೆಡ್ ರೋಸ್ ಗೆ ಭಾರೀ ಡಿಮ್ಯಾಂಡ್. ಸ್ವತಃ ಗುಲಾಬಿ ಬೆಳೆದ ರೈತರ ತೋಟಗಳಿಗೆ ಭೇಟಿ ಕೊಡ್ತಿರೋ ವರ್ತಕರು ಒಂದು ಗುಲಾಬಿಗೆ 25 ರಿಂದ 30 ರೂಪಾಯಿ ಕೊಟ್ಟು ಖರೀದಿ ಮಾಡ್ತಿದ್ದಾರೆ.
ಇನ್ನೂ ವರ್ತಕರೇ ತೋಟದಲ್ಲಿ 25 ರಿಂದ 30 ರೂಪಾಯಿ ಕೊಡ್ತಿದ್ದು. ಮಾರುಕಟ್ಟೆಯಲ್ಲಿ ಒಂದು ರೆಡ್ ರೋಸ್ ಬೆಲೆ 50 ರೂಪಾಯಿ ಆದ್ರೂ ಅಶ್ಚರ್ಯಪಡಬೇಕಿಲ್ಲ. ಇದನ್ನೂ ಓದಿ: ಸಿದ್ದರಾಮಯ್ಯನವ್ರು ರಾಜ್ಯದ ದೀರ್ಘಾವಧಿ ಸಿಎಂ ಆಗಲೆಂದು ಹಾರೈಸ್ತೇನೆ – ಪರಮೇಶ್ವರ್
ಅಂದಹಾಗೆ ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿ ತಾಲೂಕಿನ ಆನೂರು ಗ್ರಾಮದ ರೈತ ಕೃಷ್ಣಾರೆಡ್ಡಿ ಸಹ ಎರಡೂವರೆ ಎಕೆರೆ ಫಾಲಿಹೌಸ್‌ನಲ್ಲಿ ಬಣ್ಣ ಬಣ್ಣದ ಗುಲಾಬಿಗಳನ್ನ ಬೆಳೆದಿದ್ದು ರೋಸ್‌ಗೆ ಭಾರೀ ಬೇಡಿಕೆ ಬಂದಿದೆ. ಚಿಕ್ಕಬಳ್ಳಾಪುರ ಹಾಗೂ ಕೋಲಾರ, ಬೆಂಗಳೂರು ಗ್ರಾಮಾಂತರ ಜಿಲ್ಲೆಗಳಲ್ಲಿ ಹೆಚ್ಚಾಗಿ ಗುಲಾಬಿ ಬೆಳೆಯಲಾಗುತ್ತಿದ್ದು ವಿದೇಶಗಳಿಗೂ ರೆಡ್ ರೋಸ್ ಕಳಿಸಲಾಗಿದೆ.
