ಈ ಹಿಂದೆ ಚೆಟ್ಟಿನಾಡ್ ಚಿಕನ್ ರೆಸಿಪಿಯನ್ನು ನಾವು ಮಾಡೋದು ಹೇಗೆ ಎಂದು ಹೇಳಿಕೊಟ್ಟಿದ್ದೇವೆ. ಆದರೆ ಅದೇ ಚೆಟ್ಟಿನಾಡ್ ಮಸಾಲೆಯ ಸ್ವಾದವನ್ನು ನಾವಿಂದು ಸಸ್ಯಾಹಾರ ಸೇವಿಸುವವರಿಗಾಗಿಯೂ ಹೇಳಿಕೊಡಲಿದ್ದೇವೆ. ಚೆಟ್ಟಿನಾಡ್ ಆಲೂಗಡ್ಡೆ ಫ್ರೈ ಎಳೆಯ ಆಲೂಗಡ್ಡೆಯ ಮಸಾಲೆಯುಕ್ತ ರೋಸ್ಟ್ ಆಗಿದೆ. ಇದಕ್ಕೆ ಸೇರಿಸಲಾಗುವ ಮಸಾಲೆಯನ್ನು ಹುರಿದು ಪುಡಿಮಾಡಲಾಗುತ್ತದೆ. ಇದರ ಸುವಾಸನೆ ಅದ್ಭುತವಾಗಿದ್ದು, ಅತ್ಯಂತ ಫೇಮಸ್ ಕೂಡಾ ಆಗಿದೆ. ಚೆಟ್ಟಿನಾಡ್ ಆಲೂಗಡ್ಡೆ ಫ್ರೈ ಮಾಡೋದು ಹೇಗೆಂದು ನೋಡೋಣ.
Advertisement
ಬೇಕಾಗುವ ಪದಾರ್ಥಗಳು:
ಉದ್ದಿನ ಬೇಳೆ – ಎರಡೂವರೆ ಟೀಸ್ಪೂನ್
ಒಣ ಕೆಂಪು ಮೆಣಸಿನಕಾಯಿ – 5
ಕರಿಮೆಣಸು – 1 ಟೀಸ್ಪೂನ್
ಕಡಲೆ ಬೇಳೆ – ಅರ್ಧ ಟೀಸ್ಪೂನ್
ಜೀರಿಗೆ – ಕಾಲು ಟೀಸ್ಪೂನ್
ಸಾಸಿವೆ – ಕಾಲು ಟೀಸ್ಪೂನ್
ಹಿಂಗ್ – ಕಾಲು ಟೀಸ್ಪೂನ್
ಸಣ್ಣಗೆ ಕೊಚ್ಚಿದ ಈರುಳ್ಳಿ – 2
ಕರಿಬೇವಿನ ಎಲೆ – 2 ಚಿಗುರು
ಬೇಯಿಸಿದ ಎಳೆಯ ಆಲೂಗಡ್ಡೆ – 15 ರಿಂದ 20
ಉಪ್ಪು – ರುಚಿಗೆ ತಕ್ಕಷ್ಟು ಇದನ್ನೂ ಓದಿ: ಧಿಡೀರ್ ಅಂತಾ ಮಾಡಿ ರವಾ ಉತ್ತಪ್ಪ
Advertisement
Advertisement
ಮಾಡುವ ವಿಧಾನ:
* ಮೊದಲಿಗೆ ಬಾಣಲೆಯಲ್ಲಿ 2 ಟೀಸ್ಪೂನ್ ಉದ್ದಿನ ಬೇಳೆ, ಒಣ ಕೆಂಪು ಮೆಣಸಿನಕಾಯಿ, ಕರಿಮೆಣಸನ್ನು ಹಾಕಿ ಹುರಿದುಕೊಳ್ಳಿ.
* ಬಳಿಕ ಅದನ್ನು ತಣ್ಣಗಾಗಿಸಿ, ಮಿಕ್ಸರ್ ಜಾರ್‌ಗೆ ಹಾಕಿ ಪುಡಿಮಾಡಿಕೊಳ್ಳಿ. ಇದೀಗ ಚೆಟ್ಟಿನಾಡ್ ಮಸಾಲಾ ಪುಡಿ ತಯಾರಾಗಿದೆ.
* ಈಗ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಅದಕ್ಕೆ ಕಡಲೆ ಬೇಳೆ, ಉಳಿದ ಅರ್ಧ ಟೀಸ್ಪೂನ್ ಉದ್ದಿನ ಬೇಳೆ, ಜೀರಿಗೆ, ಸಾಸಿವೆ ಹಾಗೂ ಹಿಂಗ್ ಹಾಕಿ ಸಿಡಿಸಿ.
* ಬಳಿಕ ಈರುಳ್ಳಿ ಹಾಕಿ ಮೃದುವಾಗುವವರೆಗೆ ಹುರಿದುಕೊಳ್ಳಿ. ನಂತರ ಕರಿಬೇವಿನ ಸೊಪ್ಪು ಸೇರಿಸಿ.
* ಈಗ ಬೇಯಿಸಿದ ಎಳೆಯ ಆಲೂಗಡ್ಡೆಯನ್ನು ಹಾಕಿ ಮಿಶ್ರಣ ಮಾಡಿ.
* ಪುಡಿ ಮಾಡಿದ ಮಸಾಲೆ ಹಾಗೂ ಉಪ್ಪು ಸೇರಿಸಿ, ಮಿಶ್ರಣ ಮಾಡಿ, ಕೆಲ ನಿಮಿಷ ಬೇಯಿಸಿಕೊಳ್ಳಿ.
* ಇದೀಗ ಚೆಟ್ಟಿನಾಡ್ ಆಲೂಗಡ್ಡೆ ಫ್ರೈ ಸವಿಯಲು ಸಿದ್ಧವಾಗಿದೆ. ಇದನ್ನೂ ಓದಿ: ಡಿಫರೆಂಟ್ ಸ್ವಾದದ ಹೆಲ್ತಿ ರೆಸಿಪಿ – ಕೊಕೊನಟ್, ಮಿಂಟ್ ರೈಸ್ ಮಾಡಿ
Advertisement
Web Stories
