Connect with us

Latest

ಚೆನ್ನೈ ಸಿಲ್ಕ್ಸ್ ಅಗ್ನಿ ಅವಘಡ: 400 ಕೆಜಿ ಚಿನ್ನ, 20 ಕೋಟಿ ರೂ. ವಜ್ರಕ್ಕಾಗಿ ಹುಡುಕಾಟ

Published

on

ಚೆನ್ನೈ: ಬುಧವಾರದಂದು ಚೆನ್ನೈನ ಟಿ.ನಗರದಲ್ಲಿರುವ ಚೆನ್ನೈ ಸಿಲ್ಕ್ಸ್ ಶೋರೂಮಿನಲ್ಲಿ ಅಗ್ನಿ ಅವಘಡ ಸಂಭವಿಸಿ ಇಡೀ ಕಟ್ಟಡ ಬೆಂಕಿಗಾಹುತಿಯಾಗಿದೆ. ಆದ್ರೆ ಶೋರೂಮ್ ಒಳಗಿದ್ದ ಸೇಫ್ಟಿ ಲಾಕರ್ ‘ಸೇಫ್’ ಆಗಿರಬಹುದು ಎಂಬ ವಿಶ್ವಾಸದಲ್ಲಿ ಮಾಲೀಕರಿದ್ದಾರೆ.

ಯಾಕಂದ್ರೆ ಈ ಲಾಕರ್‍ನಲ್ಲಿರೋದು ಬರೋಬ್ಬರಿ 400 ಕೆಜಿಯಷ್ಟು ಚಿನ್ನ ಹಾಗೂ 20 ಕೋಟಿ ರೂ. ಮೌಲ್ಯದ ವಜ್ರ. ಇದೀಗ ಕಟ್ಟಡದ ಅವಶೇಷಗಳಡಿ ಸಿಲುಕಿರೋ ಚಿನ್ನ ಹಾಗೂ ವಜ್ರಾಭರಣಗಳಿಗಾಗಿ ಅಧಿಕಾರಿಗಳು ಹುಡುಕಾಡುತ್ತಿದ್ದಾರೆಂದು ಪತ್ರಿಕೆಯೊಂದು ವರದಿ ಮಾಡಿದೆ.

ಕಟ್ಟಡದ ಕೆಳಮಹಡಿಯಲ್ಲಿದ್ದ ಆಭರಣಗಳ ಅಂಗಡಿಯಲ್ಲಿ ಸೇಫ್ಟಿ ಲಾಕರ್ ಇತ್ತು. ಈ ಲಾಕರ್ ಎಂತಹ ಅಗ್ನಿ ಅವಘಡವಾದ್ರೂ ತಡೆದುಕೊಳ್ಳಬಹುದಾಗಿದೆ ಎಂಬ ನಂಬಿಕೆಯಲ್ಲಿ ಮಾಲೀಕರಿದ್ದಾರೆ.

ಬುಧವಾರದಂದು ಸಂಭವಿಸಿದ ಅಗ್ನಿ ದುರಂತದ ಪರಿಣಾಮ ಅಂಗಡಿಯಲ್ಲಿದ್ದ ಸುಮಾರು 80 ಕೋಟಿ ರೂ. ಮೌಲ್ಯದ ಜವಳಿ ಸುಟ್ಟು ಭಸ್ಮವಾಗಿದೆ. ಆದ್ರೆ ಇನ್ಶೂರೆನ್ಸ್ ಇರುವ ಕಾರಣ ಮಾಲೀಕರು ಸ್ವಲ್ಪ ನಿಟ್ಟುಸಿರು ಬಿಡುವಂತಾಗಿದೆ.

 

Click to comment

Leave a Reply

Your email address will not be published. Required fields are marked *