ಚೆನ್ನೈ: ಮೂರನೇ ಮದುವೆಯಾಗಲು ಹೋದ 26 ವರ್ಷದ ಗಂಡನನ್ನು ಹಿಡಿದು ಪತ್ನಿಯರಿಬ್ಬರು ಥಳಿಸಿರುವ ಘಟನೆ ತೆಮಿಳುನಾಡಿದ ಕೊಯಮತ್ತೂರಿನಲ್ಲಿ ನಡೆದಿದೆ.
2016 ರಲ್ಲಿ ಮೊದಲನೇ ಮದುವೆಯಾದ ಈತ ಮದುವೆ ನಂತರ ತನ್ನ ಮೊದಲ ಹೆಂಡತಿಗೆ ಹೊಡೆಯುವುದು. ಕೆಟ್ಟ ಪದಗಳಿಂದ ನಿಂದಿಸುವುದನ್ನು ಮಾಡುತ್ತಿದ್ದನು. ದಿನ ಪತಿ ಕೊಡುತ್ತಿದ್ದ ಚಿತ್ರ ಹಿಂಸೆಯನ್ನು ಸಹಿಸಲಾಗಿದೆ ಆಕೆ ಅವನನ್ನು ಬಿಟ್ಟು ತನ್ನ ತವರು ಮನೆ ಸೇರಿದ್ದಳು.
ಮೊದಲ ಹೆಂಡತಿ ಪೋಷಕರ ಮನೆ ಸೇರಿದ ನಂತರ 2019 ರಲ್ಲಿ ನನಗೆ ಮದುವೆಯಾಗಿಲ್ಲ ಎಂದು ಸುಳ್ಳು ಹೇಳಿ ಆಗಲೇ ಮದುವೆಯಾಗಿ ವಿಚ್ಛೇದವಾಗಿದ್ದ 26 ವರ್ಷದ ಯುವತಿಯನ್ನು ಮ್ಯಾಟ್ರಿಮೋನಿಯಲ್ ಭೇಟಿ ಆಗಿ ವಿವಾಹವಾಗಿದ್ದಾನೆ. ನಂತರ ಎರಡನೇ ಹೆಂಡತಿಗೂ ದಿನ ವರದಕ್ಷಿಣೆ ವಿಚಾರವಾಗಿ ನಿಂದಿಸುವುದು ಮತ್ತು ಹೊಡೆಯುವುದು ಮಾಡಿದ್ದಾನೆ. ಇದರಿಂದ ಬೇಸತ್ತ ಯುವತಿ ಆತನನ್ನು ಬಿಟ್ಟು ಆಕೆಯೂ ಹೆತ್ತವರ ಮನೆ ಸೇರಿದ್ದಾಳೆ.
ಕಳೆದ ವಾರ ಈ ಪತಿರಾಯ ಮೂರನೇ ಮದುವೆಯಾಗಲು ಮ್ಯಾಟ್ರಿಮೋನಿಯಲ್‍ನಲ್ಲಿ ಯುವತಿಯನ್ನು ಹುಡುಕುತ್ತಿದ್ದಾನೆ ಎಂಬ ವಿಚಾರ ಈ ಇಬ್ಬರು ಹೆಂಡತಿಯರಿಗೆ ತಿಳಿದು ಬಂದಿದೆ. ಈ ವಿಚಾರವಾಗಿ ಪತಿಯನ್ನು ಭೇಟಿಯಾಗಲು ಇಬ್ಬರು ಅವನು ಕೆಲಸ ಮಾಡುತ್ತಿದ್ದ ಕೊಯಮತ್ತೂರಿನ ರಾಸಿಪಾಲಯಂನ ಅವನ ಕಂಪನಿ ಬಳಿ ಬಂದಿದ್ದಾರೆ. ಆದರೆ ಆ ಕಂಪನಿಯವರು ಅವರಿಗೆ ಒಳಗೆ ಹೋಗಲು ಅನುಮತಿ ನೀಡಿಲ್ಲ.
ಇದರಿಂದ ಕೋಪಗೊಂಡ ಪತ್ನಿಯರು ಕಂಪನಿಯ ಮುಂದೆ ಪ್ರತಿಭಟನೆ ಮಾಡಿದ್ದಾರೆ. ನಂತರ ಕಂಪನಿಯಿಂದ ಹೊರಬಂದ ಪತಿಯನ್ನು ಗೇಟಿನ ಬಳಿ ಹಿಡಿದುಕೊಂಡು ಇಬ್ಬರು ಥಳಿಸಿದ್ದಾರೆ. ಈ ಸಂಬಂಧ ಇಬ್ಬರು ಮಾಜಿ ಪತ್ನಿಯರು ತಮ್ಮ ಮಾಜಿ ಗಂಡನ ಮೇಲೆ ಸುಲೂರು ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ದೂರು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಮಾಡುತ್ತಿದ್ದಾರೆ.
