-30 ಲೀಟರ್ ವೈನ್, 5 ಲೀಟರ್ ಮದ್ಯ ವಶಕ್ಕೆ
ಚೆನ್ನೈ: ಮನೆಯಲ್ಲಿಯೇ ವೈನ್ ತಯಾರಿಸಿಕೊಳ್ಳುತ್ತಿದ್ದ ಅಪ್ಪ-ಮಗ ಸೇರಿದಂತೆ ಮೂವರನ್ನ ಚೆನ್ನೈ ಪೊಲೀಸರು ಬಂಧಿಸಿದ್ದಾರೆ. ಬಂಧಿತರ ಮನೆಯಲ್ಲಿ ದ್ರಾಕ್ಷಿ ರಸ ಮತ್ತ ಮದ್ಯ ತಯಾರಿಸಲು ಬಳಸುತ್ತಿದ್ದ ಮಾದಕ ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಖಚಿತ ಮಾಹಿತಿ ಮೇರೆಗೆ ಉತ್ತರ ಚೆನ್ನೈನ ಕೊಡೊಂಗೈಯೂರ ಪ್ರದೇಶದಲ್ಲಿರುವ ನಿವಾಸದ ಮೇಲೆ ಪೊಲೀಸರು ದಾಳಿ ನಡೆಸಿದ್ದಾರೆ. ಈ ವೇಳೆ 56 ವರ್ಷದ ತಂದೆ ತನ್ನ 26ರ ಪುತ್ರ ಮತ್ತೊಬ್ಬ ಯುವಕನ ಜೊತೆ ಸೇರಿ ಮದ್ಯ ತಯಾರಿಸುತ್ತಿದ್ದರು.
ದಾಳಿ ವೇಳೆ ದ್ರಾಕ್ಷಿಯಿಂದ ಮಾಡಿದ 30 ಲೀಟರ್ ವೈನ್ ಮತ್ತು ಮಾದಕ ವಸ್ತುಗಳಿಂದ ತಯಾರಿಸಿದ 5 ಲೀಟರ್ ಮದ್ಯ (ಸುಂದಾ ಕಂಜಿ) ಹಾಗೂ ಅಪಾರ ಪ್ರಮಾಣದ ನಶೆ ಪದಾರ್ಥಗಳನ್ನು ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಮೂವರನ್ನು ಬಂಧಿಸಿರುವ ಪೊಲೀಸರು ಬಂಧಿತರನ್ನ ವಿಚಾರಣೆಗೆ ಒಳಪಡಿಸಿದ್ದಾರೆ.
ಮಾರ್ಚ್ 24ರಿಂದ ತಮಿಳುನಾಡಿನಲ್ಲಿ ಮದ್ಯ ಮಾರಾಟವನ್ನು ಬಂದ್ ಮಾಡಲಾಗಿದೆ. ಹೀಗಾಗಿ ಅಪ್ಪ-ಮಗ ಮನೆಯಲ್ಲಿ ಮದ್ಯ ತಯಾರಿಸತೊಡಗಿದ್ದರು. ಇಂದು ಕರ್ನಾಟಕದಲ್ಲಿ ಮದ್ಯ ಮಾರಾಟಕ್ಕೆ ಅವಕಾಶ ಕಲ್ಪಿಸಲಾಗಿದ್ದು, ತಮಿಳುನಾಡಿನ ಗಡಿ ಭಾಗದ ಜನರು ರಾಜ್ಯಕ್ಕೆ ಬಂದು ಮದ್ಯ ಖರೀದಿ ಮಾಡುತ್ತಿದ್ದಾರೆ.
