ಸಹಾಯ ಕೇಳಿದ ಮಹಿಳೆಯ ಎಟಿಎಂ ಬದಲಿಸಿ 1.90ಲಕ್ಷ ರೂ. ವಂಚನೆ!

Public TV
1 Min Read
atm cards

ಮಡಿಕೇರಿ: ಎಟಿಎಂನಲ್ಲಿ ಹಣ ತಗೆದುಕೊಡುವಂತೆ ಸಹಾಯ ಕೇಳಿದ ಮಹಿಳೆಯ ಎಟಿಎಂ ಕಾರ್ಡ್ ಬದಲಿಸಿ 1.90 ಲಕ್ಷ ರೂ. ವಂಚನೆ ಮಾಡಿದ ಘಟನೆ ಮಡಿಕೇರಿ ತಾಲೂಕು ಬಿಳಿಗೇರಿಯಲ್ಲಿ ನಡೆದಿದೆ.

ಲೋಕೇಶ್ ಹಣ ದೋಚಿ ಪರಾರಿಯಾದ ಆರೋಪಿ. ಈತ ಮಡಿಕೇರಿ ತಾಲೂಕಿನ ಬಿಳಿಗೇರಿ ನಿವಾಸಿಯಾಗಿದ್ದು, ಕಾರ್ಡ್ ಬದಲಿಸಿ ಹಣ ಡ್ರಾಮಾಡಿದ ತಕ್ಷಣ ಲೋಕೇಶ್ ಪರಾರಿಯಾಗಿದ್ದಾರೆ.

ಮಹಿಳೆಯೊಬ್ಬರು ತಮ್ಮ ಎಟಿಎಂನಿಂದ 10 ಸಾವಿರ ಹಣ ತೆಗೆದುಕೊಡುವಂತೆ ಲೋಕೇಶ್ ಬಳಿ ಸಹಾಯ ಕೋರಿದ್ದಾರೆ. ಸಹಾಯ ಮಾಡಲು ಒಪ್ಪಿಕೊಂಡ ಲೋಕೇಶ್ 10 ಸಾವಿರ ಹಣ ತೆಗೆದುಕೊಟ್ಟು, ತನ್ನ ಬಳಿ ಇದ್ದ ಎಟಿಎಂ ಅನ್ನು ಸಂತ್ರಸ್ತ ಮಹಿಳೆಗೆ ನೀಡಿ, ಅವರ ಎಟಿಎಂ ತನ್ನ ಬಳಿ ಇಟ್ಟುಕೊಂಡಿದ್ದಾನೆ. ಖಾತೆಯ ಹಣ ಪರಿಶೀಲನೆ ವೇಳೆ 1.90 ಲಕ್ಷ ರೂ. ವಂಚನೆ ಮಾಡಿರುವುದು ಗೊತ್ತಾಗಿದೆ.

1.90 ಲಕ್ಷ ರೂ. ವಂಚನೆ ಆರೋಪದ ಕುರಿತು ಮಡಿಕೇರಿ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸದ್ಯ ವಂಚಕ ಲೋಕೇಶ್ ಪತ್ತೆಗಾಗಿ ಪೊಲೀಸರು ತನಿಖೆ ನಡೆಸಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *