ನವದೆಹಲಿ: ತಂಬಾಕು ಮತ್ತು ತಂಬಾಕು ಉತ್ಪನ್ನಗಳು (Tobacco Related Items) ಇನ್ನು ಮುಂದೆ ಮತ್ತಷ್ಟು ದುಬಾರಿಯಾಗಲಿವೆ. ಅಬಕಾರಿ ಸುಂಕ ವಿಧಿಸುವ ಹಾಗೂ ಪಾನ್ ಮಸಾಲಾ ತಯಾರಿಕೆಯ ಮೇಲೆ ಹೊಸ ಸೆಸ್ ಅನ್ನು ವಿಧಿಸುವ 2 ಮಸೂದೆಗಳನ್ನು ಲೋಕಸಭೆಯಲ್ಲಿ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ (Nirmala Sitharaman) ಮಂಡಿಸಿದ್ದಾರೆ.
ಕೇಂದ್ರ ಅಬಕಾರಿ (ತಿದ್ದುಪಡಿ) ಮಸೂದೆ – 2025 ಮತ್ತು ಆರೋಗ್ಯ ಭದ್ರತೆ ರಾಷ್ಟ್ರೀಯ ಭದ್ರತಾ ಸೆಸ್ ಮಸೂದೆ – 2025 ಅನ್ನು ಮಂಡಿಸಲಾಗಿದೆ. ಮಸೂದೆ ಕಾಯ್ದೆಯಾದರೆ ಎಲ್ಲಾ ತಂಬಾಕು ಉತ್ಪನ್ನಗಳಾದ ಸಿಗರೇಟ್, ಜಗಿಯುವ ತಂಬಾಕು, ಸಿಗಾರ್, ಹುಕ್ಕಾ, ಜರ್ದಾ ಮತ್ತು ಪರಿಮಳಯುಕ್ತ ತಂಬಾಕಿನ ಬೆಲೆ ದುಬಾರಿಯಾಗುವ ಸಾಧ್ಯತೆಯಿದೆ.
ಏನು ಬದಲಾವಣೆ?
ಜಿಎಸ್ಟಿ (GST) ಪರಿಹಾರದ ಸೆಸ್ ಕೊನೆಗೊಂಡ ನಂತರ ತೆರಿಗೆಯನ್ನು ತಂಬಾಕು ಮತ್ತು ತಂಬಾಕು ಉತ್ಪನ್ನಗಳ ಮೇಲಿನ ಕೇಂದ್ರ ಅಬಕಾರಿ ಸುಂಕದ ದರವನ್ನು ಹೆಚ್ಚಿಸಲು ಸರ್ಕಾರಕ್ಕೆ ಹಣಕಾಸಿನ ಅವಕಾಶವನ್ನು ನೀಡುವ ಗುರಿಯನ್ನು ಹೊಂದಿದೆ ಎಂದು ಮಸೂದೆಯಲ್ಲಿ ಉಲ್ಲೇಖಿಸಲಾಗಿದೆ.
ತಂಬಾಕು ಉತ್ಪನ್ನಗಳ ಮೇಲೆ ಜಿಎಸ್ಟಿ ಸೆಸ್ಗೆ ಬದಲಾಗಿ ಕೇಂದ್ರೀಯ ಅಬಕಾರಿ ಸುಂಕ ವಿಧಿಸಲಾಗುತ್ತದೆ. ಇದರಿಂದ ಸರಕ್ಕೆ ತಂಬಾಕು ಉತ್ಪನ್ನಗಳ ಮೇಲಿನ ಸುಂಕದ ದರಗಳನ್ನು ಸುಲಭವಾಗಿ ಹೆಚ್ಚಿಸುವ ಅವಕಾಶ ಕೇಂದ್ರಕ್ಕೆ ಸಿಗುತ್ತದೆ.
ಜಿಎಸ್ಟಿ ಸೆಸ್ಗೆ ಬದಲಾಗಿ ಹೊಸ ‘ಆರೋಗ್ಯ ಭದ್ರತೆ-ರಾಷ್ಟ್ರೀಯ ಭದ್ರತಾ ಸೆಸ್’ ವಿಧಿಸಲಾಗುತ್ತದೆ. ಈ ಸೆಸ್ನ ರಚನೆ ವಿಭಿನ್ನವಾಗಿರುತ್ತದೆ, ಇದರಿಂದ ಬಂದ ಹಣವು ಆರೋಗ್ಯ ಸೇವೆಗಳು, (ಕ್ಯಾನ್ಸರ್ ನಿಯಂತ್ರಣ) ಮತ್ತು ರಾಷ್ಟ್ರೀಯ ಭದ್ರತಾ (ಸೇನಾ ಸಬ್ಸಿಡಿ)ಗೆ ನೇರವಾಗಿ ಬಳಸಲ್ಪಡುತ್ತದೆ. ಇದನ್ನೂ ಓದಿ: ಈ ವರ್ಷದಲ್ಲೇ ಕಡಿಮೆ, ನವೆಂಬರ್ನಲ್ಲಿ 1.7 ಲಕ್ಷ ಕೋಟಿ ಜಿಎಸ್ಟಿ ಸಂಗ್ರಹ – ಯಾವ ರಾಜ್ಯದ ಪಾಲು ಎಷ್ಟು?
ಆರೋಗ್ಯ ಭದ್ರತಾ ರಾಷ್ಟ್ರೀಯ ಭದ್ರತಾ ಸೆಸ್ ಮಸೂದೆಯು ಯಂತ್ರಗಳು ಅಥವಾ ನಿರ್ದಿಷ್ಟ ಸರಕುಗಳಾದ ಪ್ಯಾನ್ ಮಸಾಲಾವನ್ನು ಕೈಯಾರೆ ಅಥವಾ ಹೈಬ್ರಿಡ್ ಪ್ರಕ್ರಿಯೆಗಳ ಮೂಲಕ ತಯಾರಿಸುವ ಅಥವಾ ಉತ್ಪಾದಿಸುವ ಪ್ರಕ್ರಿಯೆಗಳ ಮೇಲೆ ಸೆಸ್ ವಿಧಿಸಲು ಅವಕಾಶವಿದೆ.
ಜೆಎಸ್ಟಿ ಪರಿಷ್ಕರಣೆಯ ಬಳಿಕ ಜೀವಕ್ಕೆ ಹಾನಿಯುಂಟು ಮಾಡುವ ತಂಬಾಕು ಉತ್ಪನ್ನಗಳ ಮೇಲೆ 40% ತೆರಿಗೆ ವಿಧಿಸಲಾಗುತ್ತಿದೆ. ಹೈಎಂಡ್ ವಿಲಾಸಿ ಕಾರುಗಳು, ತಂಬಾಕು ಹಾಗೂ ಸಿಗರೇಟ್ಗಳು ಸೇರಿ ಇನ್ನೂ ಕೆಲವು ವಸ್ತುಗಳ ಮೇಲೆ ವಸ್ತುಗಳ ಮೇಲೆ 40% ರಷ್ಟು ತೆರಿಗೆ ವಿಧಿಸಲು ಜಿಎಸ್ಟಿ ಮಂಡಳಿ ಅನುಮೋದಿಸಿತ್ತು.
