ಸೌಂಡ್ ಮಾಡದೇ, ರಸ್ತೆ ದಾಟುವವರೆಗೂ ತಳ್ಳಿ ಬೈಕ್ ಕದ್ದ ಕಳ್ಳರ ಕೈಚಳಕದ ವಿಡಿಯೋ ನೋಡಿ

ಹುಬ್ಬಳ್ಳಿ: ಸೋಮವಾರ ರಾತ್ರಿ ಮನೆಯ ಮುಂದೆ ನಿಲ್ಲಿಸಿದ್ದ ಪಲ್ಸರ್ ಬೈಕ್ ಕಳ್ಳತನ ಮಾಡಿರುವ ಘಟನೆ ನಗರದ ಅಗಸರ ಓಣಿಯಲ್ಲಿ ನಡೆದಿದೆ. ಇಬ್ಬರು ಕಳ್ಳತನ ಮಾಡುವ ದೃಶ್ಯಾವಳಿಗಳು ಸಿಸಿಟಿವಿಯಲ್ಲಿ ಸರೆಯಾಗಿವೆ.

ಮೊದಲು ರಸ್ತೆ ಬದಿಯಲ್ಲಿ ನಿಂತಿರುವ ಬೈಕ್ ಲಾಕ್ ಮುರಿದು ಕಳ್ಳತನ ಮಾಡಲು ಯತ್ನಿಸಿದ್ದಾರೆ. ಬೈಕ್‍ನ ಲಾಕ್ ಓಪನ್ ಆಗದೇಯಿದ್ದಾಗ ಅದೇ ರಸ್ತೆಯ ನಿವಾಸಿ ಪ್ರದೀಪ ಅಗಸಣ್ಣವರ್ ಎಂಬುವರ ಸೇರಿದ್ದ ಬೈಕ್ ಕದ್ದು ಪರಾರಿಯಾಗಿದ್ದಾರೆ.

ಇನ್ನು ಬೈಕ್ ಕದ್ದು ಪರಾರಿಯಾಗುವಾಗ ಯಾರಿಗೂ ಸೌಂಡ್ ಆಗಬಾರದೆಂದು, ರಸ್ತೆ ದಾಟುವವರೆಗೂ ಬೈಕ್ ತಳ್ಳಿಕೊಂಡು ಹೋಗಿದ್ದಾರೆ. ಇನ್ನು ಕಳ್ಳರ ಕೈಚಳಕ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಈ ಸಂಬಂಧ ಬೆಂಡಿಗೇರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.