ಬೆಂಗ್ಳೂರಲ್ಲಿ ಹೊಸ ಗ್ಯಾಂಗ್- ರಸ್ತೇಲಿ ಮೊಬೈಲ್‍ನಲ್ಲಿ ಮಾತಾಡ್ಕೊಂಡು ಹೋಗುವವರೇ ಟಾರ್ಗೆಟ್

ಬೆಂಗಳೂರು: ನಗರದಲ್ಲಿ ಕಳ್ಳರ ಹಾವಳಿ ದಿನೇ ದಿನೇ ಹೆಚ್ಚಗ್ತಾನೇ ಇದೆ. ರಸ್ತೆಯಲ್ಲಿ ನಡೆದು ಹೋಗುವ ಗೃಹಿಣಿಯರ ಚೈನ್ ಸ್ನ್ಯಾಚ್ ಮಾಡುತ್ತಿದ್ದ ಗ್ಯಾಂಗ್ ಆಯ್ತು, ಈಗ ರಸ್ತೆಯಲ್ಲಿ ಮೊಬೈಲ್‍ನಲ್ಲಿ ಮಾತನಾಡಿಕೊಂಡು ಹೋಗುವ ಯುವತಿಯರ ಮೊಬೈಲ್ ಕಸಿದುಕೊಂಡು ಪರಾರಿಯಗುವ ಖದೀಮರ ತಂಡವೊಂದು ತಲೆ ಎತ್ತಿದೆ.

ಸೋಮವಾರ ಬೆಳಗ್ಗೆ ಮಾನ್ಯತಾ ಟೆಕ್ ಪಾರ್ಕ್ ಬಳಿ ಕೆಲಸಕ್ಕೆ ಹೋಗುತ್ತಿದ್ದ ಯುವತಿಯ ಮೊಬೈಲ್ ಕಸಿದು ಕಳ್ಳನೊಬ್ಬ ಪರಾರಿಯಾಗುವ ಸಿಸಿಟಿವಿ ದೃಶ್ಯ ಪಬ್ಲಿಕ್ ಟಿವಿಗೆ ಲಭ್ಯವಾಗಿದೆ. ಬೈಕ್‍ನಲ್ಲಿ ಬಂದ ದುಷ್ಕರ್ಮಿಗಳು ಯುವತಿಯ ಮೊಬೈಲ್ ಕಸಿದು ಶರವೇಗದಲ್ಲಿ ಪರಾರಿಯಾಗಿದ್ದಾರೆ.

ದೃಶ್ಯದಲ್ಲಿ ಯುವತಿ ಗಾಬರಿಯಿಂದ ಓಡಿಬಂದು ಅಲ್ಲೇ ಕುಳಿತ್ತಿದ್ದ ವ್ಯಕ್ತಿಯ ಬಳಿ ತನ್ನ ಮೊಬೈಲ್ ಕಳ್ಳತನವಾದ ಬಗ್ಗೆ ಭಯದಿಂದ ಹೇಳಿಕೊಂಡಿದ್ದಾರೆ. ಶೀಘ್ರವೇ ಪೊಲೀಸರು ಈ ಕಳ್ಳರನ್ನು ಬಂಧಿಸಬೇಕಿದೆ.