ರಾಜ್ಕೋಟ್: ರಾಜಸ್ಥಾನ ಮೂಲದ ಮೂವರು ಯುವಕರು ಡಿಯು ವಿನ ಪ್ರಸಿದ್ಧ ನಾಗೋವಾ ಬೀಚ್ನಲ್ಲಿ ಸೆಲ್ಫೀ ತೆಗೆಯುವ ವೇಳೆ ಅಲೆಗಳೊಂದಿಗೆ ಕೊಚ್ಚಿ ಹೋದ ಘಟನೆ ಭಾನುವಾರದಂದು ನಡೆದಿದೆ.
ಯುವಕರು ಸಮುದ್ರದ ಮಧ್ಯೆ ಸೆಲ್ಫೀ ತೆಗೆಯುತ್ತಿದ್ದ ವೇಳೆ ಈ ದುರ್ಘಟನೆ ನಡೆದಿದೆ ಎಂದು ಡಿಯು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.
ಇಲ್ಲಿನ ಅಧೀಕಾರಿಗಳು ಸಮುದ್ರದಲ್ಲಿ ಸೆಲ್ಫೀ ತೆಗೆಯಬಾರದೆಂದು ಎಚ್ಚರಿಕೆ ನೀಡಿದ್ದರೂ ಕೂಡ ಯುವಕರು ನಿಯಮವನ್ನು ಗಾಳಿಗೆ ತೂರಿ ಸೆಲ್ಫೀ ತೆಗೆಯುತ್ತಿದ್ದರು. ಈ ವೇಳೆ ಅಲೆಗಳ ಅಬ್ಬರ ಜೋರಾಗಿತ್ತು. ಯುವಕರಿದ್ದ ಬಂಡೆಯ ಮೇಲೆ ಜೋರಾದ ಅಲೆ ಬಂದಿದ್ದು, ನೋಡನೋಡ್ತಿದ್ದಂತೆ ನೀರಿನಲ್ಲಿ ಕೊಚ್ಚಿ ಹೋಗಿದ್ದಾರೆ.
ಘಟನೆಯಲ್ಲಿ ಮೂವರು ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿದ್ದು, ಓರ್ವ ಯುವಕ ಈಜಿ ದಡ ಸೇರಿ ಪ್ರಾಣ ಉಳಿಸಿಕೊಂಡಿದ್ದಾನೆಂದು ಪೊಲೀಸರು ಹೇಳಿದ್ದಾರೆ. ಯುವಕರೆಲ್ಲರೂ ಡಿಯುವಿನ ಕೆವ್ಡಿ ಗ್ರಾಮದಲ್ಲಿ ಕೆಲಸಕ್ಕಾಗಿ ಬಂದಿದ್ದರು ಎಂದು ವರದಿಯಾಗಿದೆ.
