ನಿಮ್ಗೆ ಒದೆ ಬಿದ್ದಿಲ್ಲ ಅನ್ಸುತ್ತೆ- ಕ್ಯಾಟ್‍ಫಿಶ್ ಮಾಲೀಕರಿಗೆ ಚನ್ನಣ್ಣವರ್ ವಾರ್ನಿಂಗ್

Public TV
1 Min Read
ANE 2

ಬೆಂಗಳೂರು: ಅಕ್ರಮವಾಗಿ ಕ್ಯಾಟ್ ಫಿಶ್ ಸಾಕಣೆ ಮಾಡುತ್ತಿದ್ದ ರೌಡಿಗಳನ್ನು ತಪಾಸಣೆ ಮಾಡಲು ಹೋದ ಪೊಲೀಸರಿಗೆ ರೌಡಿಗಳು ಆವಾಜ್ ಹಾಕಿದ್ದರು. ಇದೀಗ ಆ ರೌಡಿಗಳಿಗೆ ಬೆಂಗಳೂರು ಗ್ರಾಮಾಂತರ ಎಸ್.ಪಿ ರವಿ.ಡಿ.ಚನ್ನಣ್ಣನವರ್ ಖಡಕ್ ವಾರ್ನಿಂಗ್ ನೀಡಿರುವ ಘಟನೆ ನಂದಗುಡಿಯಲ್ಲಿ ನಡೆದಿದೆ.

ನಂದಗುಡಿ ಪೊಲೀಸ್ ಠಾಣೆಯಲ್ಲಿ ಸೋಮವಾರ ಜನಸಂಪರ್ಕ ಸಭೆ ನಡೆಸಿದ್ದು, ಈ ಸಭೆಯಲ್ಲಿ ಭಾಗವಹಿಸಿದ್ದ ಅಕ್ರಮ ಕ್ಯಾಟ್ ಫಿಶ್ ಸಾಕಣೆದಾರನಿಗೆ ರವಿ ಚನ್ನಣ್ಣನವರ್ ಕ್ಲಾಸ್ ತೆಗೆದುಕೊಂಡರು. ಇದೇ ವೇಳೆ ಕ್ಯಾಟ್ ಫಿಶ್ ಸಾಕಾಣೆದಾರ, ನಮಗೆ ಬೇರೆ ಬ್ಯುಸಿನೆಸ್ ಇಲ್ಲ. ಹೀಗಾಗಿ ಕ್ಯಾಟ್ ಫಿಶ್ ಸಾಕುತ್ತಿದ್ದೇವೆ ಎಂದು ಹೇಳಿದ್ದಾನೆ. ಇದನ್ನೂ ಓದಿ:  ಕ್ಯಾಟ್ ಫಿಶ್ ಹೊಂಡಗಳ ಮೇಲೆ ಅಧಿಕಾರಿಗಳ ದಾಳಿ – ಈ ಮೀನುಗಳು ಅಪಾಯಕಾರಿ ಯಾಕೆ?

5b3b493e 1760 4794 8c73 5f3f789342a1

ತಕ್ಷಣ ಗರಂ ಆದ ಚನ್ನಣ್ಣನವರ್, ಬೇರೆ ಕೆಲಸ ಇಲ್ಲ ಎಂದು ದರೋಡೆ ಮಾಡೋಕಾಗುತ್ತಾ, ಕೆಲಸ ಇಲ್ಲ ಅಂತಾ ಗಾಂಜಾ ಬೆಳೆಯೋಕೆ ಆಗುತ್ತಾ, ಇಸ್ಪೀಟ್ ಆಡೋಕಾಗುತ್ತಾ. ನಿಮಗೆ ಒದೆ ಬಿದ್ದಿಲ್ಲ ಅನ್ಸುತ್ತೆ ಎಂದು ಕ್ಲಾಸ್ ತೆಗೆದುಕೊಂಡರು.

ನಾನು 10 ಗಂಟೆ ರಾತ್ರಿಯಲ್ಲಿ ಬಂದಿದ್ದೀನಿ. ಆದರೂ 18 ವರ್ಷದ ಹುಡುಗ ಡ್ಯಾಗರ್ ಹಿಡಿದುಕೊಂಡು ಓಡಾಡ್ತಾನೆ. ನಮ್ಮ ವ್ಯಾಪ್ತಿಯಲ್ಲಿ 1900 ಹಳ್ಳಿ ಇದೆ. ಆ ಊರಲ್ಲಿ ಮಾತ್ರ ಯಾಕೆ ಕ್ಯಾಟ್ ಫಿಶ್ ಸಾಕುತ್ತಾರೆ. ಯಾಕೆಂದರೆ ಅಲ್ಲಿ ಕೆಟ್ಟವರ ಸಂಖ್ಯೆ ಜಾಸ್ತಿ ಇದೆ. ಒಂದು ಕೆಲಸ ಮಾಡು ನಿನಗೆ ಫುಲ್ ಫ್ರೀಡಂ ಕೊಡುತ್ತೀನಿ ಅಲ್ಲಿ ಯಾರ‍್ಯಾರು ಕೆಟ್ಟ ಕೆಲಸ ಮಾಡುತ್ತಾರೆ ಅವರ ಲಿಸ್ಟ್ ಮಾಡು ಎಂದು ಕ್ಯಾಟ್‍ಫಿಶ್ ಮಾಲೀಕರಿಗೆ ವಾರ್ನಿಂಗ್ ನೀಡಿದರು.

Share This Article
Leave a Comment

Leave a Reply

Your email address will not be published. Required fields are marked *