– ತಪ್ಪಿತು ಭಾರೀ ದುರಂತ
ಹಾಸನ: ಕಾರೊಂದು ಶಾಲೆಯ ಕಂಪೌಂಡ್ ಹಾಗೂ ಗೇಟ್ ಮುರಿದು ಒಳಗೆ ನುಗ್ಗಿದ್ದು, ಭಾರೀ ಅನಾಹುತವೊಂದು ತಪ್ಪಿದ ಘಟನೆ ಹಾಸನದ ರವೀಂದ್ರ ನಗರದ ಎಂಜಿ ರಸ್ತೆಯಲ್ಲಿ ನಡೆದಿದೆ.
ಎಂ.ಜಿ ರಸ್ತೆಯನ್ನು ಪ್ರವೇಶಿಸಿದ ಕಾರು ಮತ್ತೊಂದು ಕಡೆಗೆ ದಾಟುವಾಗ ಬೈಕ್ ಸವಾರನೊಬ್ಬ ಅಡ್ಡ ಬಂದಿದ್ದಾನೆ. ಈ ವೇಳೆ ಕಾರು ಚಾಲಕ ವಿಚಲಿತನಾಗಿ ಕಾರನ್ನು ವೇಗವಾಗಿ ಚಲಾಯಿಸಿದ್ದಾನೆ. ಪರಿಣಾಮ ಎದುರಿಗಿದ್ದ ಶಾಲೆಯ ಗೇಟ್‍ಗೆ ಡಿಕ್ಕಿ ಹೊಡೆದು ಕಾರು ಒಳಗೆ ನುಗ್ಗಿದೆ. ನಂತರ ಕಾರು ಚಾಲಕ ಕೂಡ ಸೇಫಾಗಿ ಹೊರಗೆ ಬಂದು ಅಬ್ಬಾ ಎಂದು ನಿಟ್ಟಿಸಿರುಬಿಟ್ಟಿದ್ದಾನೆ.
ಈ ಘಟನೆ ನಡೆಯುವಾಗ ಅದೃಷ್ಟವಶಾತ್ ಶಾಲೆಯಲ್ಲಿ ಯಾವುದೇ ಮಕ್ಕಳು ಇರಲಿಲ್ಲ. ಶಿಕ್ಷಕರು ಕೂಡ ಶಾಲೆಯಿಂದ ಮನೆಯ ಕಡೆ ತೆರಳಿದ್ದರು. ಗುರುವಾರ ಸಂಜೆ 6.20ಕ್ಕೆ ಈ ಅಪಘಾತ ಸಂಭವಿಸಿದ್ದು, ಸದ್ಯ ಶಾಲೆಯ ಮಕ್ಕಳೆಲ್ಲ ಮನೆಗೆ ತೆರಳಿದ್ದರಿಂದ ಅದೃಷ್ಟವಶಾತ್ ಯಾವುದೇ ಅಪಾಯ ಸಂಭವಿಸಲಿಲ್ಲ.
ಖಾಸಗಿ ಶಾಲೆಗೆ ಬಹುತೇಕ ಪ್ರತಿಷ್ಠಿತ ಕುಟುಂಬಗಳ ಮಕ್ಕಳು ಬರುತ್ತಾರೆ. ಎಲ್‍ಕೆಜಿ ಮತ್ತು ಯುಕೆಜಿ ಮಕ್ಕಳು ಸೇರಿದಂತೆ ಪುಟ್ಟ ಮಕ್ಕಳ ಶಾಲೆ ಇದಾಗಿದೆ. ಕ್ಷಣಾರ್ಧದಲ್ಲಿ ವೇಗವಾಗಿ ನುಗ್ಗಿ ಬಂದ ಕಾರಿನ ವೇಗಕ್ಕೆ ಶಾಲೆಯ ಕಾಂಪೌಂಡ್ ಮತ್ತು ಗೇಟ್ ಎಲ್ಲ ಮುರಿದು ಹೋಗಿದೆ.
ಈ ಬಗ್ಗ ಸ್ಥಳಕ್ಕೆ ಸಂಚಾರಿ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
