ಮಂಗಳೂರು: ಶಾಲೆಯಿಂದ ಮಗುವನ್ನು ಕರೆದೊಯ್ಯಲು ಬರುತ್ತಿದ್ದ ಕಾರು ಚಾಲಕನ ನಿಯಂತ್ರಣ ತಪ್ಪಿ ರಭಸವಾಗಿ ಬಂದು ಆವರಣಕ್ಕೆ ನುಗ್ಗಿದ ಘಟನೆ ನಗರದಲ್ಲಿ ನಡೆದಿದೆ.
65 ವರ್ಷದ ವೃದ್ಧರೊಬ್ಬರು ಕಾರನ್ನು ಚಲಾಯಿಸುತ್ತಾ ಬಿಜೈನಲ್ಲಿರುವ ಲೂರ್ಡ್ಸ್ ಶಾಲೆಯ ಆವರಣಕ್ಕೆ ಬಂದಿದ್ದು ನಿಲ್ಲಿಸಲೆಂದು ಬ್ರೇಕ್ ಒತ್ತುವ ಬದಲು ಆಕ್ಸಿಲೇಟರ್ ಒತ್ತಿದ್ದಾರೆ. ರಭಸವಾಗಿ ನುಗ್ಗಿ ಬಂದ ಕಾರನ್ನು ನೋಡಿ ಮಗುವನ್ನು ಹಿಡಿದುಕೊಂಡು ನಿಂತಿದ್ದ ಇತರೇ ಸಾರ್ವಜನಿಕರು ಗಾಬರಿಯಾಗಿ ದೂರಕ್ಕೆ ಓಡಿ ಪಾರಾಗಿದ್ದಾರೆ.
ಕಾರು ನೇರವಾಗಿ ಶಾಲೆ ಆವರಣಕ್ಕೆ ನುಗ್ಗಿ ಕೆಳ ಅಂತಸ್ತಿನಲ್ಲಿ ಇದ್ದ ನೀರಿನ ಟ್ಯಾಂಕಿಗೆ ಡಿಕ್ಕಿಯಾಗಿ ನಿಂತಿದೆ. ಇದರಿಂದ ಚಾಲಕ ಬಚಾವಾಗಿದ್ದು ದೊಡ್ಡ ಅಪಘಾತದಿಂದ ಕಾರು ಪಾರಾಗಿದೆ. ಕಾರು ವೇಗವಾಗಿ ನುಗ್ಗಿ ಬಂದಿರುವುದು ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
