ಡ್ರಗ್ಸ್ ಸೇವಿಸಿದ್ದ ಖ್ಯಾತ ನಟಿಯ ಕಾರು ಅಪಘಾತ: ಜೀವ ಉಳಿಯೋದು ಅನುಮಾನ ಎಂದ ವೈದ್ಯರು

ಬಾಲಿವುಡ್ ನ ಖ್ಯಾತ ನಟಿ,  ಸಿಕ್ಸ್ ಡೇಸ್ ಸೆವನ್ ನೈಟ್ಸ್ ಸೇರಿದಂತೆ ಹಲವು ಸೂಪರ್ ಹಿಟ್ ಸಿನಿಮಾಗಳಲ್ಲಿ ನಟಿಸಿರುವ ಎನ್.ಹಿಚ್ ಅವರು ಕಾರು ಅಪಘಾತವಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಈ ಕುರಿತು ಕುಟುಂಬಸ್ಥರು ಕೂಡ ಖಚಿತ ಪಡಿಸಿದ್ದಾರೆ ಎಂದು ಹೇಳಲಾಗಿದೆ. ಅಪಾರ ಪ್ರಮಾಣದಲ್ಲಿ ಡ್ರಗ್ಸ್ ಸೇವಿಸಿದ್ದ ಹಿನ್ನೆಲೆಯಲ್ಲಿ ಇಂಥದ್ದೊಂದು ಅಪಘಾತ ಸಂಭವಿಸಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಡ್ರಗ್ಸ್ ಸೇವಿಸಿ ವೇಗವಾಗಿ ಕಾರು ಚಲಾಯಿಸಿಕೊಂಡು ಬರುತ್ತಿದ್ದ ಎನ್.ಹಿಚ್, ವೇಗದ ಕಂಟ್ರೋಲ್ ತಪ್ಪಿ ಮನೆಯೊಂದರ ಗೋಡೆಗೆ ಕಾರು ನುಗ್ಗಿಸಿದ್ದಾರೆ. ಗೋಡೆಗೆ ಕಾರು ಢಿಕ್ಕಿ ಹೊಡೆಯುತ್ತಿದ್ದಂತೆಯೇ ದಿಢೀರ್ ಅಂತ ಕಾರಿನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ದಟ್ಟ ಬೆಂಕಿಯ ಕಾರಣದಿಂದಾಗಿ ನಟಿಯನ್ನು ಆಚೆ ಕರೆದುಕೊಂಡು ಬರುವುದಕ್ಕೆ ಸಾಧ್ಯವಾಗಿಲ್ಲ. ಅಗ್ನಿಶಾಮಕ ಸಿಬ್ಬಂದಿ ಬಂದು, ನಟಿಯನ್ನು ಆಚೆ ತರುವಲ್ಲಿ ಬಹುತೇಕ ಸುಟ್ಟು ಹೋಗಿದ್ದಾರೆ ಎನ್.ಹಿಚ್. ಇದನ್ನೂ ಓದಿ:ಗಾಯಕ ಶಿವಮೊಗ್ಗ ಸುಬ್ಬಣ್ಣ ವಿಧಿವಶ

ಬಹುತೇಕ ಸುಟ್ಟು ನರಳಾಡುತ್ತಿದ್ದ ಎನ್.ಹಿಚ್ ಅವರನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆಸ್ಪತ್ರೆಗೆ ದಾಖಲಿಸುತ್ತಿದ್ದಂತೆಯೇ ಅವರು ಕೋಮಾಗೆ ಹೋಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಜೀವ ಉಳಿಸುವುದು ತೀರಾ ಕಷ್ಟವೆಂದು ವೈದ್ಯರು ಹೇಳಿರುವ ಕಾರಣದಿಂದಾಗಿ ನಟಿ ಅಂಗಾಂಗಳನ್ನು ದಾನ ಮಾಡಲು ಕುಟುಂಬಸ್ಥರು ನಿರ್ಧರಿಸಿದ್ದಾರೆ ಎಂದು ವರದಿಯಾಗಿದೆ.

Live Tv
[brid partner=56869869 player=32851 video=960834 autoplay=true]