ವಿಶ್ವದ ಅತೀ ದೊಡ್ಡ ಸಿನಿಮೋತ್ಸವ ಕಾನ್ ಫೆಸ್ಟಿವಲ್‌ನಲ್ಲಿ ದೀಪಿಕಾ ಪಡುಕೋಣೆ ಜ್ಯೂರಿಯಾಗಿ ವಿಭಿನ್ನ ಡ್ರೇಸ್ ತೊಡುವ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಜೊತೆಗೆ ಟ್ರೋಲ್ ಕೂಡ ಆಗುತ್ತಿದ್ದಾರೆ. ದೀಪಿಕಾ ಅವತಾರ ನೋಡಿ `ಅಲ್ಲಾವುದ್ದೀನ್ ಖಿಲ್ಜಿ’ ಎಂದ ನೆಟ್ಟಿಗರು ಕರೆದಿದ್ದಾರೆ.
ಕಾನ್ ಚಿತ್ರೊತ್ಸವದ ಜ್ಯೂರಿ ತಂಡದಲ್ಲಿರುವ ನಟಿ ದೀಪಿಕಾ ಪಡುಕೋಣೆ ಈಗಾಗಲೇ ಡಿಫರೆಂಟ್ ಡ್ರೆಸ್‌ಗಳಲ್ಲಿ ರೆಡ್ ಕಾರ್ಪೆಟ್‌ನಲ್ಲಿ ಮಿಂಚಿದ್ದಾರೆ. ಕಾನ್ಸ್ ಅಂಗಳದಲ್ಲಿ ಅವರ ಫ್ಯಾಷನ್ ಲುಕ್‌ಗೆ ಉತ್ತಮ ಅಭಿಪ್ರಾಯಗಳು ವ್ಯಕ್ತವಾಗಿವೆ. ಆದರೆ ಅವರು ಇದೀಗ ಧರಿಸಿದ ಕಪ್ಪು ಮತ್ತು ಗೋಲ್ಡ್ ಬಣ್ಣ ಮಿಶ್ರಿತ ಬಾಡಿಕಾನ್ ಗೌನೊಂದು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಿದೆ. ಈ ಬಾಡಿಕಾನ್ ಗೌನ್‌ಗೆ ದೈತ್ಯ ಗಾತ್ರದ ಕೇಫ್ಸ್ ಇದ್ದಿದ್ದು, ಅವರ ಅಭಿಮಾನಿಗಳ ಕೆಂಗಣ್ಣಿಗೆ ಕಾರಣವಾಗಿದೆ. ಇದನ್ನೂ ಓದಿ: `ನಾಯಿ, ಬೆಕ್ಕಿನ ಜೊತೆ ಒಂಟಿಯಾಗಿ ಸಾಯಿ’ ಎಂದವನಿಗೆ ತಕ್ಕ ಉತ್ತರ ಕೊಟ್ಟ ಸಮಂತಾ
View this post on Instagram
ದೊಡ್ಡ ರೆಕ್ಕೆಯಂತಿರುವ ಈ ಡಿಸೈನರ್ ಗೌನ್‌ನಲ್ಲಿ ದೀಪಿಕಾ ಅಲ್ಲಾವುದ್ದೀನ್ ಖಿಲ್ಜಿಯಂತೆ ಕಾಣುತ್ತಿದ್ದಾರೆ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. ಇದರ ಫೋಟೊವನ್ನು ಪೋಸ್ಟ್ ಮಾಡಿದ ತಕ್ಷಣ ದೀಪಿಕಾ ಪತಿ ರಣವೀರ್ ಸಿಂಗ್ ವ್ಯಾಪಕ ಮೆಚ್ಚುಗೆ ಸೂಚಿಸಿದ್ದಾರೆ. ಆದರೆ ಕೆಲವು ಅಭಿಮಾನಿಗಳು ರಣವೀರ್ ಸಿಂಗ್‌ರಂತೆ ಈಗ ದೀಪಿಕಾ ಪಡುಕೋಣೆ ಕೂಡ ಚಿತ್ರವಿಚಿತ್ರ ಡ್ರೆಸ್‌ಗಳನ್ನು ಧರಿಸುತ್ತಿದ್ದಾರೆ. ಒಟ್ಟಿನಲ್ಲಿ ದೀಪಿಕಾ ಯಾವುದೇ ಬಗೆಯ ಡ್ರೆಸ್ ತೊಟ್ಟರು ಟ್ರೋಲಿಗರ ಕಣ್ಣಿಗೆ ಗುರಿಯಾಗುತ್ತಿದ್ದಾರೆ.
