Connect with us

Latest

ಮದ್ವೆಯಲ್ಲಿ ನಾಗಿನ್ ಡ್ಯಾನ್ಸ್ ಮಾಡಿದ ವರನಿಗೆ ವಧು ತಲಾಕ್

Published

on

ಲಕ್ನೋ: ಮದುವೆಯಲ್ಲಿ ನಾಗಿನ್ ಡ್ಯಾನ್ಸ್ ಮಾಡಿದ ವರನನ್ನು ನೋಡಿ ವಧು ತಲಾಕ್ ಕೊಟ್ಟ ಘಟನೆ ಶುಕ್ರವಾರ ಉತ್ತರ ಪ್ರದೇಶದ ಲಕ್ಕೀಂಪುರದ ಖೀರಿ ಜಿಲ್ಲೆಯಲ್ಲಿ ನಡೆದಿದೆ.

ಶುಕ್ರವಾರ ವಧು ವರನಿಗೆ ಹೂಮಾಲೆ ಹಾಕಿದ ತಕ್ಷಣ ತಲಾಕ್ ನೀಡಿದ್ದಾಳೆ. ಮದುವೆ ಸಂದರ್ಭದಲ್ಲಿ ವರ ಮದ್ಯದ ನಶೆಯಲ್ಲಿ ನಾಗಿನ್ ಡ್ಯಾನ್ಸ್ ಮಾಡುತ್ತಿದ್ದನು. ಆದರೆ ಇದು ವಧುವಿಗೆ ಇಷ್ಟವಾಗಲಿಲ್ಲ. ಇದನ್ನು ನೋಡಿದ ತಕ್ಷಣ ವಧು ವರನಿಂದ ದೂರವಾಗಲು ನಿರ್ಧರಿಸಿದ್ದಳು.

ಮದುವೆ ಬೇಡವೆಂದು ಹೇಳಿದ ವಧುವಿಗೆ ವರ ಕಪಾಳಮೋಕ್ಷ ಮಾಡಿದ್ದಾನೆ. ಈ ವಿಷಯ ತಿಳಿಯುತ್ತಿದ್ದಂತೆ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಬಳಿಕ ಮದುವೆಯಲ್ಲಿ ವರನ ಕುಟುಂಬದವರು ನೀಡಿದ ಎಲ್ಲಾ ಉಡುಗೊರೆಗಳನ್ನು ವಧುವಿನ ಕುಟುಂಬಸ್ಥರು ಹಿಂದಿರುಗಿಸಿದ್ದರು. ಈ ಬಗ್ಗೆ ಇಬ್ಬರು ಕುಟುಂಬದವರು ದೂರು ನೀಡಲು ನಿರಾಕರಿಸಿದ್ದಾರೆ.

ವರದಿಗಳ ಪ್ರಕಾರ, ವರ ಮೆರವಣಿಗೆ ಮೂಲಕ ಮದುವೆ ಮನೆಗೆ ಬಂದಿದ್ದನು. ಈ ವೇಳೆ ವರನ ಸ್ನೇಹಿತರು ಆತನನ್ನು ಡ್ಯಾನ್ಸ್ ಮಾಡಲು ಕರೆದುಕೊಂಡು ಹೋದರು. ಎಲ್ಲರೂ ಡ್ಯಾನ್ಸ್ ಮಾಡಲು ಶುರು ಮಾಡಿದ್ದಾಗ ವಧುವಿನ ಕುಟುಂಬದವರು ವರನನ್ನು ಡ್ಯಾನ್ಸ್ ಫ್ಲೋರ್ ನಿಂದ ಹೊರ ಹಾಕುವ ಮೂಲಕ ಆತನ ಜೊತೆ ಕೆಟ್ಟದಾಗಿ ನಡೆದುಕೊಂಡರು.

ಈ ವಿಷಯವನ್ನು ಅಲ್ಲಿಯೇ ಇತ್ಯರ್ಥಪಡಿಸಲಾಯಿತು. ಬಳಿಕ ವರ ಹಾಗೂ ವಧುವನ್ನು ಪರಸ್ಪರ ಹೂ ಮಾಲೆ ಹಾಕಿದ್ದಾರೆ. ಇದಾದ ಸ್ವಲ್ಪ ಸಮಯದ ಬಳಿಕ ವರ ಮತ್ತೆ ಡ್ಯಾನ್ಸ್ ಫ್ಲೋರ್ ಗೆ ಹೋಗಿ ನಾಗಿನ್ ಡ್ಯಾನ್ಸ್ ಮಾಡಲು ಶುರು ಮಾಡಿದ್ದನು. ಇದನ್ನು ನೋಡಿದ ವಧು ತಕ್ಷಣ ಮದುವೆ ಮುರಿದು ವೇದಿಕೆಯಿಂದ ಇಳಿದು ಹೊರಟು ಹೋದಳು.

ಇಬ್ಬರ ಕುಟುಂಬದವರು ವಧುವನ್ನು ಸಮಾಧಾನ ಮಾಡಲು ಪ್ರಯತ್ನಿಸುತ್ತಾರೆ. ಆದರೆ ಯಾವುದೇ ಪ್ರಯೋಜನವಾಗಲಿಲ್ಲ. ಬಳಿಕ ವರನ ಕುಟುಂಬಸ್ಥರು ವಧುನಿನ ಜೊತೆ ಹಾಗೂ ಆಕೆಯ ತಂದೆ-ತಾಯಿ ಜೊತೆ ಅಸಭ್ಯವಾಗಿ ವರ್ತಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.

Click to comment

Leave a Reply

Your email address will not be published. Required fields are marked *