ಹೆಲಿಕಾಪ್ಟರ್ ನಲ್ಲಿ ಮದ್ವೆಗೆ ಬಂದ ವಧು – ಲ್ಯಾಂಡ್ ಆಗಿದ್ದೆ ತಡ ಹೊತ್ತಿ ಉರಿಯಿತು: ವೈರಲ್ ವಿಡಿಯೋ

ರಿಯೋಡಿ ಜನೈರೊ: ಹೆಲಿಕಾಪ್ಟರ್ ಮೂಲಕ ಮದುವೆಗೆ ಆಗಮಿಸಿದ ವಧು ಭಾರೀ ಅನಾಹುತದಿಂದ ಪಾರಾದ ಘಟನೆ ಶನಿವಾರ ಬ್ರೆಜಿಲ್‍ನಲ್ಲಿ ನಡೆದಿದೆ.

ವಧು ಹೆಲಿಕಾಪ್ಟರ್ ಮೂಲಕ ಬರುತ್ತಿರುವಾಗ ಮದುವೆಮನೆಯ ಆವರಣದಲ್ಲೇ ಹೆಲಿಕಾಪ್ಟರ್ ಕ್ರ್ಯಾಶ್ ಆಗಿದೆ. ಮದುವೆಗೆ ಬಂದಿದ್ದ ಅತಿಥಿಗಳು ಇದನ್ನೂ ನೋಡಿ ಒಂದು ಕ್ಷಣ ದಂಗಾದ ಘಟನೆ ನಡೆಯಿತು.

ಹೆಲಿಕಾಪ್ಟರ್ ಮದುವೆಮನೆಯ ಆವರಣದಲ್ಲಿ ಲ್ಯಾಂಡ್ ಆಗುತ್ತಿದ್ದಂತೆ ಅದು ಕ್ರ್ಯಾಶ್ ಆಗಿದ್ದು, ಹೆಲಿಕಾಪ್ಟರ್ ಹೊತ್ತಿ ಉರಿಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಈಗ ವೈರಲ್ ಆಗಿದೆ.

Tivemos uma ocorrência de queda de helicóptero seguido de incêndio pela R Viena, 300 – Vista Alegre / Vinhedo, 4 vtrs do 7º e 19º Grupamento de Bombeiros atenderam. Fogo extinto pelo CB, pelo local estavam tripulando: uma noiva ( sem ferimentos ), piloto com escoriações, pic.twitter.com/rA7mSUpr5w

— Corpo de Bombeiros PMESP (@BombeirosPMESP) May 5, 2018

ಈ ಘಟನೆಯಲ್ಲಿ ವಧು ಹಾಗೂ ಪೈಲೆಟ್ ಸೇರಿದಂತೆ ನಾಲ್ಕು ಮಂದಿ ಗಾಯಗೊಂಡಿದ್ದಾರೆ. ಮೂವರಿಗೆ ಹೆಚ್ಚು ಗಾಯವಾಗಿದ್ದು, ವಧುವಿಗೆ ಸಣ್ಣಪುಟ್ಟ ಗಾಯವಾಗಿದೆ ಎಂದು ಅಗ್ನಿಶಾಮಕ ಸಿಬ್ಬಂದಿ ತಿಳಿಸಿದ್ದಾರೆ.

ಹೆಲಿಕಾಪ್ಟರ್ ಲ್ಯಾಂಡ್ ಆಗುವಾಗ ನಿಯಂತ್ರಣ ತಪ್ಪಿ, ಅದು ಕೆಳಗೆ ಬೀಳುತ್ತಿತ್ತು. ಈ ವೇಳೆ ಒಳಗಡೆ ಇದ್ದವರು ಹೊರಗೆ ಬರಲು ಹರಸಾಹಸ ಪಡುತ್ತಿರುವಾಗ ಸಡನ್ ಆಗಿ ಹೆಲಿಕಾಪ್ಟರ್ ಗೆ ಬೆಂಕಿ ಹೊತ್ತಿಕೊಂಡಿತು ಎಂದು ಮದುವೆಗೆ ಬಂದಿದ್ದ ಅತಿಥಿಗಳು ಹೇಳಿದ್ದಾರೆ.

ಈ ಎಲ್ಲಾ ಘಟನೆ ನಡೆದ ನಂತರ ಮೊದಲೇ ನಿಶ್ಚಯಿಸಿದಂತೆ ವರ ಹಾಗೂ ವಧು ಆ ಮದುವೆ ಮನೆಯಲ್ಲೇ ಮದುವೆಯಾದರು. ಮದುವೆ ಆಗುತ್ತಿದ್ದ ಸ್ಥಳದಿಂದ ಸ್ವಲ್ಪ ದೂರದಲ್ಲೇ ಹೆಲಿಕಾಪ್ಟರ್ ಹೊತ್ತಿ ಉರಿಯುತ್ತಿತ್ತು.

https://twitter.com/AreaDoMarcel/status/992883935800635393?tfw_creator=DailyMirror&tfw_site=DailyMirror&ref_src=twsrc%5Etfw&ref_url=https%3A%2F%2Fwww.mirror.co.uk%2Fnews%2Fworld-news%2Fbride-miraculously-escapes-unscathed-after-12489265