ಉದಯ್ ಕೆ ಮೆಹ್ತಾ ನಿರ್ಮಾಣದ ಬ್ರಹ್ಮಚಾರಿ ಚಿತ್ರದ ಟೀಸರ್ ಲಾಂಚ್ ಆಗಿದೆ. ಈ ಚಿತ್ರದಲ್ಲಿ ನಾಯಕನಾಗಿ ನಟಿಸಿರುವ ನೀನಾಸಂ ಸತೀಶ್ ಹುಟ್ಟುಹಬ್ಬದ ಕೊಡುಗೆಯಾಗಿ ಈ ಸಿನಿಮಾದ ಟೀಸರ್ ಬಿಡುಗಡೆಯಾಗಿದೆ. ಈ ಮೂಲಕ ಭರ್ಜರಿ ನಗುವಿಗೆ ಮೋಸವಿಲ್ಲದ, ಮನೋರಂಜನಾತ್ಮಕ ಚಿತ್ರವೊಂದರ ಮೂಲಕ ಸತೀಶ್ ಮತ್ತೆ ಪ್ರೇಕ್ಷಕರನ್ನು ಎದುರುಗೊಳ್ಳೋದು ಪಕ್ಕಾ ಆಗಿದೆ.
ಬ್ರಹ್ಮಚಾರಿ 💯% ವರ್ಜಿನ್
ಟೀಸರ್ ನೋಡಿ ಶೇರ್ ಮಾಡಬೇಡಿ 😍😍https://t.co/amSPSQqWp7
— Sathish Ninasam (@SathishNinasam) June 20, 2019
ಈ ಟೀಸರ್ ಬಿಡುಗಡೆಯಾಗಿ ದಿನ ಕಳೆಯೋದರೊಳಗಾಗಿ ಜನಪ್ರಿಯತೆ ಪಡೆದುಕೊಂಡಿರೋ ರೀತಿಯೇ ಇಡೀ ಚಿತ್ರದ ಕಂಟೆಂಟ್ ಸ್ಪೆಷಲ್ ಆಗಿದೆ ಎಂಬುದರ ಸೂಚನೆ. ಯಾವುದೇ ವಲ್ಗಾರಿಟಿ ಇಲ್ಲದಂತೆ ಕಲಾತ್ಮಕವಾಗಿಯೇ ಬ್ರಹ್ಮಚಾರಿಯ ಫಸ್ಟ್ ನೈಟ್ ರಹಸ್ಯದ ಸೂಚನೆಯೊಂದಿಗೆ ಕಚಗುಳಿಯಿಟ್ಟಿರೋ ಈ ಟೀಸರ್ ದಿನದೊಪ್ಪತ್ತಿನಲ್ಲಿಯೇ ಯಶಸ್ವಿಯಾಗಿ ಬಿಟ್ಟಿದೆ. ಈ ಹಿಂದೆ ಚಂಬಲ್ ಮೂಲಕ ಮಾಸ್ ಲುಕ್ಕಿನಲ್ಲಿ ಮಿಂಚಿದ್ದ ಸತೀಶ್ ಈ ಬಾರಿ ಬೇರೊಂದು ಸಾದಾ ಸೀದಾ ಲುಕ್ಕಿನಲ್ಲಿ ಮೋಡಿ ಮಾಡಲು ಮುಂದಾಗಿದ್ದಾರೆ.
ಈ ಚಿತ್ರವನ್ನು ನಿರ್ದೇಶನ ಮಾಡಿರುವವರು ಚಂದ್ರಮೋಹನ್. ಈ ಹಿಂದೆ ಬಾಂಬೆ ಮಿಠಾಯಿ, ಡಬ್ಬಲ್ ಇಂಜಿನ್ನಂಥಾ ಹಾಸ್ಯಪ್ರಧಾನ ಯಶಸ್ವಿ ಚಿತ್ರಗಳನ್ನು ನಿರ್ದೇಶನ ಮಾಡಿರುವ ಚಂದ್ರಮೋಹನ್ ಈ ಬಾರಿ ಅದೇ ಜಾಡಿನಲ್ಲಿ ವಿಶಿಷ್ಟವಾದೊಂದು ಕಥೆಯೊಂದಿಗೆ ಬಂದಿದ್ದಾರೆ. ಬ್ರಹ್ಮಚಾರಿಯನ್ನು ಉದಯ್ ಮೆಹ್ತಾ ಅವರು ಅದ್ಧೂರಿಯಾಗಿಯೇ ನಿರ್ಮಾಣ ಮಾಡಿದ್ದಾರೆ. ಧರ್ಮವಿಶ್ ಸಂಗೀತ ನಿರ್ದೇಶಶನ ಈ ಚಿತ್ರಕ್ಕಿದೆ.
ಅಯೋಗ್ಯ ಚಿತ್ರದ ಅಗಾಧ ಪ್ರಮಾಣದ ಯಶಸ್ಸಿನಿಂದ ಈಗ ನೀನಾಸಂ ಸತೀಶ್ ಅವರ ವೃತ್ತಿ ಜೀವನಕ್ಕೊಂದು ಹೊಸ ಓಘ ಬಂದಂತಾಗಿದೆ. ಅದು ಚಂಬಲ್ ಮೂಲಕ ಮುಂದುವರೆದು ಇದೀಗ ಬ್ರಹ್ಮಚಾರಿಯ ರೂಪದಲ್ಲಿಯೂ ಮತ್ತಷ್ಟು ಲಕ ಲಕಿಸೋ ಸೂಚನೆಗಳೇ ದಟ್ಟವಾಗಿವೆ. ಈ ಚಿತ್ರದಲ್ಲಿ ಅದಿತಿ ಪ್ರಭುದೇವ ಸತೀಶ್ ಅವರಿಗೆ ಜೋಡಿಯಾಗಿ ನಟಿಸಿದ್ದಾರೆ.
[wonderplugin_video iframe=”https://www.youtube.com/watch?v=7Z2BzrhFEKQ” lightbox=0 lightboxsize=1 lightboxwidth=960 lightboxheight=540 autoopen=0 autoopendelay=0 autoclose=0 lightboxtitle=”” lightboxgroup=”” lightboxshownavigation=0 showimage=”” lightboxoptions=”” videowidth=600 videoheight=400 keepaspectratio=1 autoplay=1 loop=1 videocss=”position:relative;display:block;background-color:#000;overflow:hidden;max-width:100%;margin:0 auto;” playbutton=”https://publictv.in/wp-content/plugins/wonderplugin-video-embed/engine/playvideo-64-64-0.png”]
