ಅಪ್ರಾಪ್ತ ತಂಗಿಗೆ ನಿದ್ರೆ ಮಾತ್ರೆ ನೀಡಿ ಅತ್ಯಾಚಾರಗೈದ ವಿಕೃತ ಅಣ್ಣ

ಶಿವಮೊಗ್ಗ: ವಿಕೃತ ಮನೋಭಾವದ ಸಹೋದರ ತನ್ನ ಅಪ್ರಾಪ್ತ ವಯಸ್ಸಿನ ತಂಗಿಯ ಮೇಲೆ ಅತ್ಯಾಚಾರ ಮಾಡಿರುವ ಘಟನೆ ಶಿಕಾರಿಪುರ ತಾಲೂಕಿನಲ್ಲಿ ನಡೆದಿದೆ.

ಯುವರಾಜ್ ನಾಯಕ್ ಎಂಬಾತನೇ ಸಹೋದರಿಯನ್ನ ಅತ್ಯಾಚಾರಗೈದ ಕಾಮುಕ ಸೋದರ. 16 ವರ್ಷದ ಪಿಯು ಓದುತ್ತಿರುವ ಬಾಲಕಿ ಹೊಟ್ಟೆ ನೋವು ಎಂದು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಹೋದಾಗ ಆಕೆ ಗರ್ಭಿಣಿ ಎಂಬುದು ಬಹಿರಂಗವಾಗಿದೆ. ಸದ್ಯ ಬಾಲಕಿ ಗಂಡು ಮಗುವಿಗೆ ಜನ್ಮ ನೀಡಿದ್ದು, ಮೆಗ್ಗಾನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ.

ಮಗುವನ್ನು ಸಾಕಲು ಬಾಲಕಿ ನಿರಾಕರಿಸಿದ್ದು, ಪೋಷಕರು ದತ್ತು ಕೇಂದ್ರಕ್ಕೆ ಕೊಡಲು ನಿರ್ಧರಿಸಿದ್ದಾರೆ. ಬಾಲಕಿ ಮನೆಯ ಪಕ್ಕದಲ್ಲೇ ಇರುವ ದೊಡ್ಡಪ್ಪನ ಮಗ ಯುವರಾಜ್ ನಾಯಕ್ ಯಾರೂ ಇಲ್ಲದ ಸಮಯದಲ್ಲಿ ತಂಗಿಗೆ ನಿದ್ರೆ ಮಾತ್ರೆ ಕೊಟ್ಟು ಅತ್ಯಾಚಾರ ಮಾಡಿದ್ದಾನೆ.

ಶಿಕಾರಿಪುರ ಗ್ರಾಮಾಂತರ ಠಾಣಾ ಪೊಲೀಸರು ಆರೋಪಿ ಯುವರಾಜ್ ನನ್ನು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ.