ಕೋವಿಡ್‌ನ ಮೂರು ತಳಿಗೂ ತುತ್ತಾದ ಬಾಲಕ!

ಜೆರುಸಲೇಂ: ಬಾಲಕನೊಬ್ಬ ಕೋವಿಡ್-19ನ ಮೂರು ತಳಿಗಳಿಗೂ ಒಳಗಾಗಿದ್ದ ಪ್ರಕರಣವೊಂದು ದಾಖಲಾಗಿದೆ. ಈ ಅಪರೂಪದ ಪ್ರಕರಣ ಇಸ್ರೆಲ್ ಮೂಲದ 11 ವರ್ಷದ ಬಾಲಕನಲ್ಲಿ ಕಂಡುಬಂದಿದೆ.

ಅಲೋನ್ ಹೆಲ್ಫ್ಗಾಟ್ ಎಂಬ ಬಾಲಕ ಈ ಹಿಂದೆ ಆಲ್ಫಾ ಹಾಗೂ ಡೆಲ್ಟಾ ಸೋಂಕಿಗೆ ಒಳಗಾಗಿದ್ದ. ಇದೀಗ ಅದೇ ಬಾಲಕನಲ್ಲಿ ಓಮಿಕ್ರಾನ್ ರೂಪಾಂತರಿ ಕಂಡುಬಂದಿದೆ. ಶಾಲೆ ಪ್ರಾರಂಭವಾದಾಗಿನಿಂದ ಬಾಲಕನನ್ನು 3-4 ಬಾರಿ ಕ್ವಾರಂಟೈನ್‌ನಲ್ಲಿ ಇರಿಸಲಾಗಿತ್ತು ಎಂದು ವರದಿಯಾಗಿದೆ. ಇದನ್ನೂ ಓದಿ: ಕಾಂಗ್ರೆಸ್ ಬಿಡೋರ ಲಿಸ್ಟ್, ಬಿಜೆಪಿ ಬಿಡೋರ ಲಿಸ್ಟ್ ನನ್ನ ಬಳಿ ಇದೆ: ಯತ್ನಾಳ್

ಕಳೆದ 2 ಬಾರಿ ಸೋಂಕು ತಗುಲಿದ್ದಾಗ ಆರೋಗ್ಯದಲ್ಲಿ ಸ್ವಲ್ಪ ಮಟ್ಟಿನ ಏರುಪೇರಾಗಿತ್ತು. ಆದರೆ ಈಗ ಅನಾರೋಗ್ಯದ ಅನುಭವ ಆಗುತ್ತಿಲ್ಲ ಎಂದು ಬಾಲಕ ತಿಳಿಸಿದ್ದಾನೆ. ಸದ್ಯ ಬಾಲಕ ಚಿಕಿತ್ಸೆ ಪಡೆಯುತ್ತಿದ್ದಾನೆ ಎಂದು ವೈದ್ಯರು ತಿಳಿಸಿದ್ದಾರೆ. ಇದನ್ನೂ ಓದಿ: ಆರ್ಥಿಕ ಲಾಭಕ್ಕಾಗಿ ಮದ್ಯ ಮಾರಾಟಕ್ಕೆ ಆದ್ಯತೆ ನೀಡುತ್ತಿರುವುದು ದುರದೃಷ್ಟಕರ: ಅಣ್ಣಾ ಹಜಾರೆ