10ರ ಬಾಲಕನಿಗೆ ಬಡಿಗೆಯಿಂದ ಥಳಿಸಿ, ಕುತ್ತಿಗೆ ಮೇಲೆ ಕಾಲಿಟ್ಟ ಮೌಲ್ವಿ..!

ಹುಬ್ಬಳ್ಳಿ: ಮದರಸಾಗಳಲ್ಲಿ ಹೀಗೆಲ್ಲ ಶಿಕ್ಷಣ ಕೊಡುತ್ತಾರೆ ಅಂದ್ರೆ ನೀವು ಬೆಚ್ಚಿ ಬೀಳೋದು ಗ್ಯಾರಂಟಿ. ಹೌದು. ತಾನು ಹೇಳಿಕೊಟ್ಟ ಪಾಠ ಕೇಳಿಲ್ಲ ಎಂದು ಸಿಟ್ಟುಗೊಂಡ ಮೌಲ್ವಿಯೊಬ್ಬ ಬಾಲಕನಿಗೆ ಹಿಗ್ಗಾಮುಗ್ಗಾ ಥಳಿಸಿದ ಘಟನೆ ನಡೆದಿದೆ.

ಹಳೆ ಹುಬ್ಬಳ್ಳಿಯ ಆನಂದ ನಗರದ ನಿವಾಸಿಯಾದ 10 ವರ್ಷದ ರಿಯಾನ್ ಹಲ್ಲೆಗೊಳಗಾದ ಬಾಲಕನಾಗಿದ್ದು, ಈತನಿಗೆ 22 ವರ್ಷದ ಸಲೀಂ ಮದ್ರಾಸಿ ಎಂಬ ಮೌಲಾ ಮನಬಂದಂತೆ ಹೊಡೆದಿದ್ದಾನೆ.

ತಾನೂ ಹೇಳಿ ಕೊಟ್ಟ ಪಾಠವನ್ನು ಕೇಳುತಿಲ್ಲ ಎನ್ನುವ ಕಾರಣಕ್ಕೆ ಸಲೀಂ ಮದ್ರಾಸಿ ಈ ರೀತಿಯ ಶಿಕ್ಷೆ ನೀಡಿದ್ದಾನೆ. ಕೈಯಲ್ಲಿ ಇರುವ ಬಡಿಗೆಯಿಂದ ಬಾಲಕನಿಗೆ ಹಿಗ್ಗಾಮುಗ್ಗಾ ಥಳಿಸಿದ್ದಾನೆ. ಬಳಿಕ ನೆಲಕ್ಕೆ ಹಾಕಿ ಕುತ್ತಿಗೆ ಮೇಲೆ ಕಾಲು ಇಟ್ಟಿದ್ದಾನೆ. ಅಲ್ಲದೆ ಮೇಲಿನಿಂದ ಎತ್ತಿ ನೆಲಕ್ಕೆ ಬಿಸಾಕಿದ್ದಾನೆ.

ಸದ್ಯ ಈ ವಿಡಿಯೋ ವೈರಲ್ ಆಗಿದ್ದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಇನ್ನು ಗಾಯಾಳು ರಿಯಾನ್ ತಂದೆ ತಾಯಿಗಳು ಮತ್ತು ಸಮಾಜ್ ಮುಖಂಡರು ಹಳೇ ಹುಬ್ಬಳ್ಳಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv