ತಾಯಿ ಮುಂದೆ 6 ವರ್ಷದ ಬಾಲಕನನ್ನು ಕೊಂದ ಬೀದಿ ನಾಯಿಗಳು

                                                           ಸಾಂದರ್ಭಿಕ ಚಿತ್ರ

ಭೋಪಾಲ್: ಶುಕ್ರವಾರ ಭೋಪಾಲಿನ ಅವಧಪುರಿ ಪ್ರದೇಶದಲ್ಲಿ ತಾಯಿಯ ಎದುರೇ 6 ವರ್ಷದ ಬಾಲಕನನ್ನು ಬೀದಿ ನಾಯಿಗಳು ಕೊಂದು ಹಾಕಿದ ಶಾಕಿಂಗ್ ಘಟನೆ ನಡೆದಿದೆ.

6 ವರ್ಷದ ಸಂಜು ಮೃತಪಟ್ಟ ಬಾಲಕ. ಶಿವ ಸಂಗ್ರಮ್ ನಗರದಲ್ಲಿ ಇರವ ಅವರ ಮನೆಯಿಂದ 300 ಮೀಟರ್ ದೂರದಲ್ಲಿ ತೆರೆದ ಮೈದಾನವಿದೆ. ಅಲ್ಲಿ ಆಟವಾಡಲು ಹೋಗಿದ್ದ ಸಂದರ್ಭದಲ್ಲಿ ಕೆಲವು ಬೀದಿ ನಾಯಿಗಳು ಬಾಲಕನ್ನು ಕಚ್ಚಿ ಕೊಂದು ಹಾಕಿವೆ.

ಮೃತಪಟ್ಟ ಬಾಲಕನ ತಾಯಿ ಗರ್ಭಿಣಿಯಾಗಿದ್ದು ಮನೆಯಲ್ಲಿ ವಿಶ್ರಾಂತಿ ಪಡೆಯುತ್ತಿದ್ದರು. ಕೆಲಸಕ್ಕೆ ಹೋಗಿದ್ದ ತಂದೆ ಮನೆಗೆ ಬಂದು ಮಗ ಎಲ್ಲಿ ಎಂದು ಕೇಳಿದ್ದಾನೆ. ಆ ಸಮಯದಲ್ಲಿ ತಾಯಿ ಮಗನನ್ನು ಕರೆದುಕೊಂಡು ಬರಲು ಹೋದಾಗ ಬಾಲಕನ ಸುತ್ತ 6 ರಿಂದ 7 ಬಿದಿ ನಾಯಿಗಳು ಸುತ್ತುವರಿದು ಕಚ್ಚುತ್ತಿರುವುದನ್ನು ಕಂಡು ಕಿರುಚಾಡಲು ಪ್ರಾರಂಭಿಸಿದ್ದಾಳೆ. ಇದನ್ನು ಕಂಡ ಅಕ್ಕಪಕ್ಕದ ಮನೆಯವರು ಬಂದು ಮಗುವನ್ನು ಕಾಪಾಡಿ ಹತ್ತಿರದ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದಾರೆ. ಆದರೆ ತೀವ್ರ ಗಾಯಗೊಂಡಿದ್ದ ಸಂಜು ಅಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾನೆ.

ಈ ಘಟನೆಗೆ ಪುರಸಭೆ ಅವರೇ ಕಾರಣ. ಬೀದಿ ನಾಯಿಗಳ ಸಂಖ್ಯೆ ನಗರದಲ್ಲಿ ಏರಿಕೆಯಾಗಿದ್ದರೂ ಅವರು ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.