ʻದಿ ಫ್ಯಾಮಿಲಿ ಮ್ಯಾನ್ -3ʼ ರಿಲೀಸ್ ಬಗ್ಗೆ ಅಪ್‌ಡೇಟ್ ಕೊಟ್ಟ‌ ನಟ ಮನೋಜ್ ಬಾಜಪೇಯಿ

ಸಿನಿಪ್ರೇಕ್ಷಕರ ಮನಗೆದ್ದ ವೆಬ್ ಸರಣಿ `ದಿ ಫ್ಯಾಮಿಲಿ ಮ್ಯಾನ್’ ಮತ್ತೆ ಒಟಿಟಿಯಲ್ಲಿ ಅಬ್ಬರಿಸಲು ಬರುತ್ತಿದೆ. ಈ ಕುರಿತು ನಟ ಮನೋಜ್ ಬಾಜಪೇಯಿ ಬಿಗ್ ಅಪ್‌ಡೇಟ್ ನೀಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಈ ಕುರಿತು ಪ್ರೇಕ್ಷಕರಿಗೆ ಸಿಹಿ ಸುದ್ದಿ ನೀಡಿದ್ದಾರೆ. ಇದನ್ನೂ ಓದಿ: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ಸಿದ್ಧಾರ್ಥ್ -ಕಿಯಾರಾ ಜೋಡಿ

`ದಿ ಫ್ಯಾಮಿಲಿ ಮ್ಯಾನ್’ ವೆಬ್ ಸರಣಿ ಈಗಾಗಲೇ ಎರಡು ಭಾಗಗಳಾಗಿ ಒಟಿಟಿಯಲ್ಲಿ ಪ್ರಸಾರವಾಗಿದೆ. ಮನೋಜ್ ಬಾಜಪೇಯಿ (Manoj Bhajpayee) ನಟನೆಯ ಅಭಿಮಾನಿಗಳಿಗೆ ಇಷ್ಟವಾಗಿದೆ. ಮನೋಜ್ ನಟನನೆಯ `ದಿ ಫ್ಯಾಮಿಲಿ ಮ್ಯಾನ್ 2′ (The Familyman 2) 2021 ರಿಲೀಸ್ ಆಯಿತು. ಮೊದಲ ಸೀಸನ್‌ನಲ್ಲಿ ಪಾಕ್ ಟೆರರಿಸ್ಟ್‌ಗಳ ಕಥೆ ಹೇಳಿದ್ದ ನಿರ್ದೇಶಕರಾದ ರಾಜ್ ಹಾಗೂ ಡಿಕೆ, ಎರಡನೇ ಸೀಸನ್‌ನಲ್ಲಿ ಶ್ರೀಲಂಕಾದ ಕಥೆಯನ್ನ ಹೇಳಿದ್ದರು.

ಟಾಲಿವುಡ್ (Tollywood) ನಟಿ ಸಮಂತಾ(Samantha) ಪಾತ್ರ ಫ್ಯಾನ್ಸ್‌ಗೆ ಸಾಕಷ್ಟು ಇಷ್ಟ ಆಗಿತ್ತು. ಈ ಸೀಸನ್ ಕೊನೆಯಲ್ಲಿ ಮೂರನೇ ಪಾರ್ಟ್ ಬರಲಿದೆ ಎನ್ನುವ ಸೂಚನೆ ಸಿಕ್ಕಿತ್ತು. ವೈರಸ್ ಕಥೆ ಆಧರಿಸಿ `ದಿ ಫ್ಯಾಮಿಲಿ ಮ್ಯಾನ್ 3′ (The Familyman 3) ಬರುತ್ತಿದೆ. ರಿಲೀಸ್ ದಿನಾಂಕದ ಬಗ್ಗೆ ಮನೋಜ್ ಬಾಜ್‌ಪಾಯಿ ಮಾಹಿತಿ ನೀಡಿದ್ದಾರೆ.

View this post on Instagram

A post shared by Manoj Bajpayee (@bajpayee.manoj)

ಈ ಹೋಳಿ ಹಬ್ಬಕ್ಕೆ ನಿಮ್ಮ ಕುಟುಂಬದ ಎದುರು ನಮ್ಮ ಕುಟುಂಬದ ಜತೆ ಬರುತ್ತಿದ್ದೇನೆ ಎಂದು ಮನೋಜ್ ಬಾಜ್‌ಪಾಯಿ ಹೇಳಿದ್ದಾರೆ. ನಮ್ಮನ್ನು ಸ್ವಾಗತಿಸುವುದಿಲ್ಲವೇ ಎಂದು ಅವರು ಅಡಿಬರಹ ನೀಡಿದ್ದಾರೆ. ಈ ವರ್ಷ ಮಾರ್ಚ್ 8ಕ್ಕೆ ಹೋಳಿ ಹಬ್ಬ ಇದೆ. ಈ ದಿನ ವೆಬ್‌ ಸರಣಿ ಒಟಿಟಿಯಲ್ಲಿ ಬರಲಿದೆ. ಸದ್ಯ ನಟನ ಈ ಪೋಸ್ಟ್ ಎಲ್ಲೆಡೆ ವೈರಲ್ ಆಗುತ್ತಿದೆ.