ಬಾಲಿವುಡ್ (Bollywood) ಬ್ಯೂಟಿ ಶಿಲ್ಪಾ ಶೆಟ್ಟಿ (Shilpa Shetty) 17 ವರ್ಷಗಳ ನಂತರ ಕನ್ನಡ ಚಿತ್ರಗಳಲ್ಲಿ ನಟಿಸುವ ಮೂಲಕ ಫ್ಯಾನ್ಸ್‌ಗೆ ಗುಡ್ ನ್ಯೂಸ್ ನೀಡಿದ್ದರು. KD ಸಿನಿಮಾದ ಸತ್ಯವತಿ ಲುಕ್‌ನಿಂದ ಹೈಪ್ ಕ್ರಿಯೆಟ್ ಮಾಡಿದ್ದರು. ಇದೀಗ ಮತ್ತೆ ಚಿತ್ರದ ಶೂಟಿಂಗ್‌ನಲ್ಲಿ ಭಾಗಿಯಾಗಲು ಸಿಲಿಕಾನ್ ಸಿಟಿಗೆ ಶಿಲ್ಪಾ ಎಂಟ್ರಿ ಕೊಟ್ಟಿದ್ದಾರೆ.
ಕರಾವಳಿ ಕುವರಿ ಶಿಲ್ಪಾ ಶೆಟ್ಟಿ ಅವರು ಈ ಹಿಂದೆಯೇ ರವಿಚಂದ್ರನ್, ಉಪೇಂದ್ರ ಅವರಿಗೆ ನಾಯಕಿಯಾಗುವ ಮೂಲಕ ಪಡ್ಡೆಹುಡುಗರ ನಿದ್ದೆ ಕದ್ದಿದ್ದರು. ಕನ್ನಡದ ಚಿತ್ರಗಳ ಮೇಲೆ ವಿಶೇಷ ಒಲವಿರುವ ನಟಿ ಮತ್ತೆ ಸ್ಯಾಂಡಲ್‌ವುಡ್‌ನಲ್ಲಿ ಆಕ್ಟೀವ್ ಆಗ್ತಿದ್ದಾರೆ. ಇದನ್ನೂ ಓದಿ: ‘ದಸರಾ’ ಸಿನಿಮಾ ಕೊಂಡಾಡಿದ ರಾಜಮೌಳಿ-ಪ್ರಭಾಸ್-ಪ್ರಿನ್ಸ್
ಧ್ರುವ ಸರ್ಜಾ (Dhruva Sarja) ನಟನೆಯ KD ಸಿನಿಮಾದಲ್ಲಿ ಶಿಲ್ಪಾ ಶೆಟ್ಟಿ ಪವರ್‌ಫುಲ್ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಯಾವ ಪಾತ್ರ, ಏನು ಎಂಬ ಮಾಹಿತಿ ಸಿಗದೇ ಇದ್ದರು ಕೂಡ ಅವರ ಫಸ್ಟ್ ಲುಕ್‌ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ. ಮೊದಲ ಹಂತದ ಚಿತ್ರೀಕರಣ ಮುಗಿಸಿ ಕೊಟ್ಟಿದ್ದ ಶಿಲ್ಪಾ ಶೆಟ್ಟಿ, ಇದೀಗ ಮತ್ತೆ ಬೆಂಗಳೂರಿಗೆ ನಟಿ ಎಂಟ್ರಿ ಕೊಟ್ಟಿದ್ದಾರೆ. ಕೆಡಿ ಸಿನಿಮಾ ಶೂಟಿಂಗ್‌ಗೆ ಭಾಗಿಯಾಗಿದ್ದಾರೆ.
View this post on Instagram
ನಿರ್ದೇಶಕ ಪ್ರೇಮ್ (Director Prem) ಕಥೆ ಹೇಳಿದಾಗಲೇ ಖುಷಿಯಾಗಿ ಚಿತ್ರಕ್ಕೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದರು.ಸ್ಯಾಂಡಲ್‌ವುಡ್‌ಗೆ ಬರಲು ತಮ್ಮ ಕಂಬ್ಯಾಕ್ ಇದು ಸೂಕ್ತ ಕಥೆ ಎಂದೆನಿಸಿ ಧ್ರುವ ಸರ್ಜಾ- ಸಂಜಯ್ ದತ್ (Sanjay Dutt) ನಟನೆಯ ಸಿನಿಮಾದಲ್ಲಿ ಕರಾವಳಿ ನಟಿ ಕಾಣಿಸಿಕೊಳ್ತಿದ್ದಾರೆ.
