ಉಡುಪಿ: ಟೂ ವ್ಹೀಲರ್ ಕೈಕೊಟ್ಟಾಗ ಗೆಳೆಯನ ಬೈಕಿನಲ್ಲಿ ಬಂದು ಕೆಟ್ಟ ಬೈಕಿಗೆ ಹಿಂಬದಿಯಿಂದ ಕಾಲಿಟ್ಟು ತಳ್ಳುತ್ತಾ ಗ್ಯಾರೇಜ್ ತನಕ ಡ್ರಾಪ್ ಮಾಡೋದನ್ನು ನೋಡಿದ್ದೇವೆ. ಅದೇ ರೀತಿ ದೊಡ್ಡ ಗಾಡಿ ಕೆಟ್ಟು ನಿಂತಾಗ ಟೋಯಿಂಗ್ ವಾಹನ ಎಳೆದುಕೊಂಡು ಹೋಗುತ್ತದೆ. ಇಷ್ಟೆಲ್ಲದರ ನಡುವೆ ಉಡುಪಿಯಲ್ಲಿ ಬೈಕ್ ಕೆಟ್ಟ ನಿಂತ ಟೆಂಪೋವನ್ನು ಎಳೆದುಕೊಂಡು ಹೋಗಿದೆ.
ಮಣಿಪಾಲದಲ್ಲಿ ಟೆಂಪೋವೊಂದು ಕೆಟ್ಟು ನಿಂತಿದೆ. ವಾಹನ ತಂದು ಟೋಯಿಂಗ್ ಮಾಡಿಕೊಂಡು ಹೋಗಬೇಕಾದರೆ ಸಾವಿರಾರು ರೂಪಾಯಿ ಕೇಳಿದ್ದಾರೆ. ಆದರೆ ಇವತ್ತಿನ ಬಾಡಿಗೆ ಇನ್ನೂ ಶುರುವಾಗಿಲ್ಲ. ಜೇಬಲ್ಲಿ ಕಾಸಿಲ್ಲದ ಟೆಂಪೋ ಡ್ರೈವರ್ ಒಂದು ಐಡಿಯಾ ಮಾಡಿದ್ದಾನೆ.
Advertisement
Advertisement
ತನ್ನ ಬೈಕ್ ಇರುವ ಗೆಳೆಯನಿಗೆ ಫೋನ್ ಮಾಡಿ ಈ ರೀತಿ ಆಗಿದೆ ಎಂದು ತಾನಿದ್ದ ಸ್ಥಳಕ್ಕೆ ಕರೆಸಿಕೊಂಡಿದ್ದಾನೆ. ಬಳಿಕ ಹಗ್ಗವನ್ನು ಟೆಂಪೋಗೆ ಕಟ್ಟಿ ತುದಿಯನ್ನು ಬೈಕಿಗೆ ಕಟ್ಟಿದ್ದಾನೆ. ಸುಮಾರು 7 ಕಿಲೋಮೀಟರ್ ದೂರವನ್ನು ಈ ಐಡಿಯಾದಲ್ಲಿ ಕ್ರಮಿಸಿ ಕರಾವಳಿ ಬೈಪಾಸಿನ ಗ್ಯಾರೇಜ್ ರೀಚ್ ಆಗಿದ್ದಾರೆ. ಪಬ್ಲಿಕ್ ಟಿವಿಗೆ ಈ ವಿಡಿಯೋ ಲಭ್ಯವಾಗಿದೆ.
Advertisement
ಬೈಕಿನಲ್ಲಿ ಇಬ್ಬರು ಸವಾರರು ಕುಳಿತುಕೊಂಡಿದ್ದು, ನಿಧಾನವಾಗಿ ಗಾಡಿಯನ್ನು ಓಡಿಸಿಕೊಂಡು ಹೋಗುತ್ತಿದ್ದಾರೆ. ಅವರ ಹಿಂದೆ ಹಗ್ಗದಿಂದ ಕಟ್ಟಿದ್ದ ಬಿಳಿ ಬಣ್ಣದ ಟೆಂಪೋವನ್ನು ಎಳದುಕೊಂಡು ಹೋಗುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
Advertisement
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
