ಕನ್ನಡಿ ವಿಚಾರಕ್ಕೆ ರೂಪೇಶ್ ಶೆಟ್ಟಿ ಕಾಲೆಳೆದ ಕಿಚ್ಚ ಸುದೀಪ್

ಬಿಗ್ ಬಾಸ್ ಮನೆಯ (Bigg Boss House) ಆಟ ಕಡೆಯ ಘಟ್ಟದಲ್ಲಿದೆ. ಹೀಗಿರುವಾಗ ವಾರಾಂತ್ಯದ ಚರ್ಚೆಯಲ್ಲಿ ಕನ್ನಡಿಯ ಬಗ್ಗೆ ಸುದೀಪ್ (Sudeep) ಮಾತನಾಡಿದ್ದಾರೆ. ರೂಪೇಶ್ ಶೆಟ್ಟಿ (Roopesh Shetty) ಯಾರ ಜೊತೆ ಮಾತನಾಡುತ್ತಾ ಇದ್ರೂ, ಕನ್ನಡಿಯನ್ನೇ ನೋಡ್ತಾರಂತೆ. ಈ ಕುರಿತು ಕಿಚ್ಚನ ಮುಂದೆ ಮನೆಯಲ್ಲಿ ಚರ್ಚೆ ನಡೆದಿದೆ.

ದೊಡ್ಮನೆಯ ವಾರಾಂತ್ಯದ ಚರ್ಚೆಯಲ್ಲಿ ಯೆಸ್ ಆರ್ ನೋ ರೌಂಡ್‌ನಲ್ಲಿ ರೂಪೇಶ್ ಶೆಟ್ಟಿ ಯಾರ ಜೊತೆ ಮಾತನಾಡುತ್ತಾ ಇದ್ರೂ, ಕನ್ನಡಿಯನ್ನೇ ನೋಡ್ತಾರೆ ಎಂದು ಸುದೀಪ್ ಕೇಳಿದ್ದಾರೆ. ಸ್ಪರ್ಧಿಗಳು ಈ ಕುರಿತು ಕೊಟ್ಟಿರುವ ಬಗೆ ಬಗೆಯ ಉತ್ತರಗಳು ಪ್ರೇಕ್ಷಕರಿಗೆ ಮತ್ತಷ್ಟು ನಗುವಿನ ಕಿಕ್ ಕೊಟ್ಟಿದೆ.

ರೂಪೇಶ್‌ಗೆ ಕನ್ನಡಿ ನೋಡೋದು ಇಷ್ಟ, ಯಾವಾಗಲೂ ಪಾತ್ರೆ ತೊಳೆಯುವಾಗ ಕನ್ನಡಿ ನೋಡ್ತಾರೆ ಎಂದು ರಾಕೇಶ್ ಅಡಿಗ (Rakesh Adiga) ಹೇಳಿದ್ದಾರೆ. ಪಾತ್ರೆ ತೊಳೆಯುವಾಗ ಕನ್ನಡಿಯಲ್ಲಿ ಯಾರ್ಯಾರೋ ಕಾಣ್ತಾರೆ ಹಾಗಾಗಿ ರೂಪೇಶ್‌ ಕನ್ನಡಿ ನೋಡುತ್ತಾರೆ ಎಂದು ಶೆಟ್ರ ಕಾಲೆಳೆದಿದ್ದಾರೆ ಸುದೀಪ್. ಇದನ್ನೂ ಓದಿ: ಅಮೂಲ್ಯ ಅವಳಿ ಮಕ್ಕಳಿಗೆ ಆಶೀರ್ವದಿಸಿದ ಸಾಲು ಮರದ ತಿಮ್ಮಕ್ಕ

ಇಷ್ಟು ಸೀರಿಯಸ್ ಟಾಪಿಕ್ ಮಧ್ಯೆ ನಾನ್ಯಾಕೆ ಕನ್ನಡಿ ನೋಡ್ತೀನಿ ಅಂತಾ ನನಗೂ ಅನಿಸಿದೆ ಎಂದು ರೂಪೇಶ್ ಹೇಳಿದ್ರೆ, ನಿಮ್ಮೊಬ್ಬರಿಗೆ ಅಲ್ಲಾ ಎಲ್ಲರಿಗೂ ಅನಿಸಿದೆ ಎಂದು ಶೆಟ್ರ ಕಾಲೆಳೆದಿದ್ದಾರೆ ಕಿಚ್ಚ ಸುದೀಪ್, ಆಗ ನನಗೆ ಈ ರೀತಿಯ ಅನುಭವ ಆಗಿಲ್ಲ ಎಂದು ರಾಜಣ್ಣ ಮಾತನಾಡಿದ್ದಾರೆ. ಅದಕ್ಕೆ ಕಿಚ್ಚ, ನೀವು ಕನ್ನಡಿ ನೋಡುವ ಅವಕಾಶ ಕೊಡಲ್ಲ ಎಂದು ಕಿಚ್ಚ ಹೇಳಿದ್ದಾರೆ.

ನಾನು ಮೇಕಪ್ ಹಾಕೋವಾಗಲೂ ಕನ್ನಡಿ ನೋಡಲ್ಲ ಎಂದು ರೂಪೇಶ್ ಶೆಟ್ಟಿ ಹೇಳಿದ್ದಾರೆ. ಅದಕ್ಕೆ ಸುದೀಪ್, ನಾನು ಕೇಳಿದ್ದು ಕನ್ನಡಿ ಬಗ್ಗೆ ಮೇಕಪ್ ಬಗ್ಗೆ ಅಲ್ಲ ಎಂದು ರೂಪೇಶ್ ಕಾಲೆಳೆದಿದ್ದಾರೆ.

Live Tv
[brid partner=56869869 player=32851 video=960834 autoplay=true]