ನಂದುಗೆ ಕೈಕೊಟ್ಟು ಬೇರೆ ಹುಡುಗಿ ಜೊತೆ ಬಿಗ್ ಬಾಸ್ ಜಶ್ವಂತ್ ಡೇಟಿಂಗ್?

ಬಿಗ್ ಬಾಸ್ ಒಟಿಟಿ (Bigg Boss Ott) ಮೂಲಕ ಖ್ಯಾತಿ ಪಡೆದಿದ್ದ ಜೋಡಿ ಜಶ್ವಂತ್ (Jashwanth) ಮತ್ತು ನಂದು (Nandu) ಇದೀಗ ಬೇರೆ ಬೇರೆಯಾಗಿದ್ದಾರೆ. ದೊಡ್ಮನೆಯಲ್ಲಿ ಪ್ರೇಮ ಪಕ್ಷಿಗಳಾಗಿ ಹೈಲೈಟ್ ನಂದು, ಜಶ್ ಜೋಡಿ ಬ್ರೇಕಪ್ ಸುದ್ದಿ ಮೂಲಕ ಫ್ಯಾನ್ಸ್‌ಗೆ ಶಾಕ್ ಕೊಟ್ಟಿದ್ದರು. ಈಗ ಜಶ್ವಂತ್ ಬಗ್ಗೆ ಹೊಸ ಸುದ್ದಿಯೊಂದು ಹರಿದಾಡುತ್ತಿದೆ. ನಂದುಗೆ ಕೈಕೊಟ್ಟು ಬೇರೇ ಹುಡುಗಿ ಜೊತೆ ಜಶ್ ಎಂಗೇಜ್ ಆಗಿದ್ದಾರೆ ಎನ್ನಲಾಗುತ್ತಿದೆ. ಇದನ್ನೂ ಓದಿ: ಸಚಿವ ಸುಧಾಕರ್‌ರನ್ನ ಹಾಡಿ ಹೊಗಳಿದ ರಮ್ಯಾ: ಕೈಗೆ ನಟಿ ಬೈ ಹೇಳಿ ಬಿಜೆಪಿ ಸೇರ್ಪಡೆ?

ಬಿಗ್ ಬಾಸ್ ಮನೆಯಲ್ಲಿ ನಂದು ಮತ್ತು ಜಶ್ ಜೋಡಿನ ನೋಡಿದವರೆಲ್ಲ, ಜೋಡಿ ಅಂದರೆ ಹೀಗಿರಬೇಕು ಎಂದು ಹಾಡಿ ಹೊಗಳುತ್ತಿದ್ದರು. ಈ ಜೋಡಿಯ ಮೇಲೆ ಯಾರ ಕೆಟ್ಟ ಕಣ್ಣು ಬಿತ್ತೋ ಏನೋ, ನಂದು ಮತ್ತು ಜಶ್ ದೂರ ದೂರ (Breakup) ಆಗಿದ್ದಾರೆ. ಇತ್ತೀಚೆಗೆ ಸೋಷಿಯಲ್ ಮೀಡಿಯಾದಲ್ಲಿ ಬ್ರೇಕಪ್ ಬಗ್ಗೆ ಅಧಿಕೃತವಾಗಿ ಬಿಗ್ ಬಾಸ್ ಸ್ಪರ್ಧಿ ನಂದು ತಿಳಿಸಿದ್ದರು.

ಈ ಬೆನ್ನಲ್ಲೇ ಜಶ್ವಂತ್ ಬಗ್ಗೆ ಹೊಸ ಸುದ್ದಿಯೊಂದು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯಾಗುತ್ತಿದೆ. ಜಶ್ವಂತ್ ಬೇರೆ ಹುಡುಗಿ ಡೇಟ್ ಮಾಡ್ತಿದ್ದಾರೆ. ಹಾಗಾಗಿ ನಂದುಗೆ ಜಶ್ ಕೈಕೊಟ್ಟಿದ್ದಾರೆ ಎಂದು ಕೆಲ ನೆಟ್ಟಿಗರು ಕಿಡಿಕಾರಿದ್ದಾರೆ.

ಸಾನ್ಯ ಅಯ್ಯರ್ ಬಂದ ಮೇಲೆನೇ ನಂದು ಮತ್ತು ಜಶ್ವಂತ್ ನಡುವೆ ಬಿರುಕು ಮೂಡಿತ್ತು ಎನ್ನಲಾಗುತ್ತಿದೆ. ಬಿಗ್ ಬಾಸ್ ಶೋ ಬಳಿಕ ನಂದು ರಿಲೇಷನ್‌ಶಿಪ್‌ಗೆ ಬೈ ಹೇಳಿ, ಬೇರೆ ಹುಡುಗಿ ಜೊತೆ ಜಶ್ವಂತ್ ಡೇಟಿಂಗ್ ಮಾಡ್ತಿದ್ದಾರೆ ಎನ್ನಲಾಗುತ್ತಿದೆ. ಅಷ್ಟಕ್ಕೂ ಈ ಸುದ್ದಿ ನಿಜಾನಾ ಎಂಬುದನ್ನ ಕಾದುನೋಡಬೇಕಿದೆ.