ಬಿಗ್ ಬಾಸ್ ಮನೆಯ (Bigg Boss House) ಆಟ ರಂಗೇರುತ್ತಿದೆ. ದಿನದಿಂದ ದಿನಕ್ಕೆ ಆಟ ರೋಚಕ ತಿರುವುಗಳನ್ನ ಪಡೆದುಕೊಳ್ಳುತ್ತಿದೆ. ಹೀಗಿರುವಾಗ ಪ್ರತಿ ವಾರದಂತೆ ಈ ವಾರವೂ ಕೂಡ ಸ್ಪರ್ಧಿಗಳ ಮೇಲೆ ಎಲಿಮಿನೇಷನ್ ಕತ್ತಿ ತೂಗುತ್ತಿದೆ. ಯಾರಿಗೆ ಈ ವಾರ ಆಟ ಅಂತ್ಯ ಆಗಲಿದೆ ಎಂಬ ಕೌತುಕ ಪ್ರೇಕ್ಷಕರಲ್ಲಿ ಮನೆ ಮಾಡಿದೆ.
ಶಾಂತವಾಗಿದ್ದ ಬಿಗ್ ಬಾಸ್ ಮನೆ ಈಗ ದ್ವೇಷ, ಕೋಪ, ಅಳುವಿನಿಂದ ಕೂಡಿದೆ. ಸೈಲೆಂಟ್ ಇದ್ದ ಸ್ಪರ್ಧಿಗಳು ಈಗ ವೈಲೆಂಟ್ ಆಗಿದ್ದಾರೆ. ದಿನದಿಂದ ದಿನಕ್ಕೆ ಆಟ ಮತ್ತಷ್ಟು ಟಫ್ ಆಗ್ತಿದೆ. ಈಗಾಗಲೇ ಬಿಗ್ ಮನೆಯಿಂದ ಸ್ನೇಕ್ ಶ್ಯಾಮ್, ರಕ್ಷಕ್ಗೆ ಗೇಟ್ ಪಾಸ್ ಸಿಕ್ಕಿದೆ.
ಈ ಬಾರಿ ನಾಮಿನೇಷನ್ ಲಿಸ್ಟ್ನಲ್ಲಿ ವಿನಯ್ ಗೌಡ(Vinay Gowda), ತನಿಷಾ ಕುಪ್ಪಂಡ, ನಮ್ರತಾ ಗೌಡ, ತುಕಾಲಿ ಸಂತೂ, ಇಶಾನಿ, ಕಾರ್ತಿಕ್ ಮಹೇಶ್, ನೀತು ವನಜಾಕ್ಷಿ ಇದ್ದಾರೆ. ಎಲಿಮಿನೇಷನ್ ಕತ್ತಿ ಯಾರಿಗೆ ಬೀಸಲಿದೆ ಅನ್ನೋದೆ ವೀಕ್ಷಕರ ಸದ್ಯದ ತಲೆ ಬಿಸಿ ಆಗಿದೆ. ಇದನ್ನೂ ಓದಿ:ಬಿಗ್ ಬಾಸ್ ಸ್ಪರ್ಧಿ ಪ್ರಗ್ನೆಂಟ್: ಮನೆಗೆ ಕಳುಹಿಸಲು ತಯಾರಿ
ಭಾಗ್ಯಶ್ರೀ (Bhagyashree) ಅವರು ದಸರಾ ಹಬ್ಬವಿದ್ದ ಕಾರಣ. ಬಿಗ್ ಬಾಸ್ 2ನೇ ವಾರ ಸೇಫ್ ಆಗಿದ್ರು. ಬಳಿಕ ಡ್ರೋನ್ ಕೊಟ್ಟ ಭಾಗ್ಯದಿಂದ ಮತ್ತೆ 2ನೇ ಬಾರಿ ಸೇಫ್ ಆಗಿದ್ದರು. 3ನೇ ಬಾರಿ ನಾಮಿನೇಷನ್ ಲಿಸ್ಟ್ನಿಂದಲೇ ಮಿಸ್ ಆಗಿ ಸೇಫ್ ಆದರು. ಪ್ರತಿ ಬಾರಿ ಲಕ್ ಭಾಗ್ಯಶ್ರೀ ಕೈಹಿಡಿದಿತ್ತು.
ಆದರೆ ಈ ಬಾರಿ ಆ ಲಕ್ ವರ್ತೂರು ಸಂತೋಷ್ ಹೆಗಲೇರಿದ್ದಂತಿದೆ. ಬಿಗ್ ಬಾಸ್ ರೂಲ್ಸ್ ಪ್ರಕಾರ, ಮನೆಯಿಂದ ಹೊರ ಹೋಗುವಂತಿಲ್ಲ. ಹೋದರೆ ಆ ವಾರವೇ ಎಲಿಮಿನೇಟ್ ಆಗುವ ಸಾಧ್ಯತೆ ಹೆಚ್ಚಿರುತ್ತದೆ. ಆದರೆ ವರ್ತೂರು ಸಂತೋಷ್ ವಿಷ್ಯದಲ್ಲಿ ಅದೃಷ್ಟ ಅವರ ಕೈ ಹಿಡಿದಿದೆ. 2 ಬಾರಿ ಸೇವ್ ಆಗಿ ಈ ವಾರವೂ ಕೂಡ ನಾಮಿನೇಷನ್ನಿಂದ ಸೇಫ್ ಆಗಿದೆ. ಜಸ್ಟ್ ಮಿಸ್ ಆಗಿದ್ದಾರೆ ಎಂದರೆ ತಪ್ಪಾಗಲಾರದು.
ಬೇರೇ ಅವರನ್ನ ಕೊಂಚ ಹೋಲಿಸಿದರೆ ಇಶಾನಿ ವೀಕ್ ಸ್ಪರ್ಧಿ. ನೀತು ಸ್ಟ್ರಾಂಗ್ ಸ್ಪರ್ಧಿಯಾಗಿದ್ರು. ಅವರ ಮಾತೇ ಅವರಿಗೆ ಕಂಟಕವಾಗಿದ್ದು, ಒಂದ್ ಕಡೆ ಗಟ್ಟಿ ಸ್ಪರ್ಧಿಯಾಗಿರೋ ವಿನಯ್, ನಮ್ರತಾ, ಕಾರ್ತಿಕ್, ತನಿಷಾ ಕೂಡ ಈ ಬಾರಿ ನಾಮಿನೇಷನ್ ಲಿಸ್ಟ್ನಲ್ಲಿದ್ದಾರೆ. ಮನೆಮಂದಿಗೂ ಮತ್ತು ಪ್ರೇಕ್ಷಕರಿಗೂ ಶಾಕ್ ಕೊಟ್ಟಿದೆ. ಎಲಿಮಿನೇಟ್ ಆದರೆ ಹೇಗೆ ಎಂಬ ಕೊಂಚ ಟೆನ್ಷನ್ ಕೂಡ ಪ್ರೇಕ್ಷಕರಿಗೆ ಇದೆ.
ಒಂದ್ ಕಡೆ ದಸರಾ ಎಲಿಮಿನೇಷನ್ ಮಿಸ್ ಆಗಿತ್ತು. ಆ ನಂತರ ವರ್ತೂರು ಸೇವ್ ಆಗಿದ್ರೂ ಮನೆಯಿಂದ ಹೊರಹೋಗಬೇಕು ಎಂದು ಪಟ್ಟು ಹಿಡಿದಿದ್ದ ವರ್ತೂರು ಅವರ ಮನಸ್ಥಿತಿಯಿಂದ ಕಳೆದ ವಾರ ಕೂಡ ಎಲಿಮಿನೇಷನ್ ಪ್ರಕ್ರಿಯೆನೇ ನಿರೂಪಕ ಕಿಚ್ಚ ಸುದೀಪ್ ಅವರು ಕೈಬಿಟ್ಟಿದ್ರು. ಹಾಗಾಗಿ ಈ ವಾರ ಡಬಲ್ ಎಲಿಮಿನೇಷನ್, ಡಬಲ್ ಶಾಕ್ ಇರುವ ಸಾಧ್ಯತೆ ಹೆಚ್ಚಿದೆ ಎಂದು ಎನ್ನಲಾಗುತ್ತಿದೆ. ಎಲ್ಲದ್ದಕ್ಕೂ ಕಿಚ್ಚನ ಪಂಚಾಯಿತಿಯಲ್ಲಿ ಉತ್ತರ ಸಿಗಲಿದೆ. ಯಾರಿಗೆ ಬಿಗ್ ಬಾಸ್ ಮನೆಯ ಆಟ ಅಂತ್ಯ ಆಗಲಿದೆ ಎಂದು ಕಾದುನೋಡಬೇಕಿದೆ.
