‘ಬಿಗ್‌ ಬಾಸ್‌’ ಶೋ ಮುಗಿದ ಬಳಿಕ ಮತ್ತೆ ಜೊತೆಯಾಗಿ ಕಾಣಿಸಿಕೊಂಡ ಸ್ಪರ್ಧಿಗಳು

‘ಬಿಗ್ ಬಾಸ್’ ಕನ್ನಡ ಸೀಸನ್ 10ರ (Bigg Boss Kannada 10) ಕಾರ್ಯಕ್ರಮಕ್ಕೆ ಅದ್ಧೂರಿಯಾಗಿ ತೆರೆಬಿದ್ದಿದೆ. ದೊಡ್ಮನೆಯ ಆಟ ಮುಗಿದ ಮೇಲೆ ಮತ್ತೆ ಬಿಗ್‌ ಬಾಸ್‌ ಸ್ಪರ್ಧಿಗಳು ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಈ ಕುರಿತ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ.

ಜ.28ರಂದು ಬಿಗ್ ಬಾಸ್ ಫಿನಾಲೆಗೆ ಬ್ರೇಕ್ ಬಿದ್ದಿತ್ತು. ಇದಾದ 3 ದಿನಗಳ ಬಳಿಕ ಇಂದು (ಜ.31) ಭೇಟಿಯಾಗಿದ್ದಾರೆ. ‘ಬಿಗ್ ಬಾಸ್’ ವಿನ್ನರ್ ಕಾರ್ತಿಕ್ ಜೊತೆ ವಿನಯ್, ಸಂಗೀತಾ (Sangeetha), ನಮ್ರತಾ ಕೂಡ ಹೈಲೆಟ್ ಆಗಿದ್ದರು. ಇದೀಗ ಅವರ ಜೊತೆ ಕ್ಯಾಮೆರಾಗೆ ನಮ್ರತಾ ಪೋಸ್ ನೀಡಿದ್ದಾರೆ. ಭೇಟಿಯಾಗಿರುವ ಫೋಟೋಗಳನ್ನು ನಮ್ರತಾ (Namratha Gowda) ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇದನ್ನೂ ಓದಿ:ಮಲೇಷಿಯಾದಲ್ಲಿ ಕಾಣಿಸಿಕೊಂಡ ರಾಕಿಂಗ್ ಸ್ಟಾರ್ ಯಶ್

ಕಪ್ಪು ಬಣ್ಣದ ಸೂಟ್‌ನಲ್ಲಿ ವಿನಯ್ ಹೈಲೆಟ್ ಆಗಿದ್ದರೆ, ಹಸಿರು ಮತ್ತು ಪಿಂಕ್ ಬಣ್ಣದ ಸೀರೆಯಲ್ಲಿ ನಮ್ರತಾ ಮಿಂಚಿದ್ದಾರೆ. ಸಂಗೀತಾ ಮತ್ತು ಕಾರ್ತಿಕ್ ಕೂಡ ಫೋಟೋಗೆ ನಮ್ರತಾ ಜೊತೆ ಪೋಸ್ ನೀಡಿದ್ದಾರೆ. ಇದು ವಾಹಿನಿಯ ಸ್ಪೆಷಲ್ ಶೂಟ್‌ವೊಂದಕ್ಕಾಗಿ ‘ಬಿಗ್ ಬಾಸ್’ ಸ್ಪರ್ಧಿಗಳು ಭಾಗಿಯಾಗಿದ್ದಾರೆ.

ಈ ಬಾರಿ ‘ಬಿಗ್ ಬಾಸ್’ ಸೀಸನ್ 10 ರಿಯಾಲಿಟಿ ಶೋ ಕಿರುತೆರೆಯಲ್ಲಿ ಸೆನ್ಸೇಷನ್ ಮೂಡಿಸಿತ್ತು. ಈ ಸೀಸನ್‌ನಲ್ಲಿ ಪ್ರತಿಯೊಂದರು ಕೂಡ ಹೈಲೆಟ್ ಆಗಿದ್ದರು. ಅದರಲ್ಲೂ ಕಾರ್ತಿಕ್, ಸಂಗೀತಾ, ವಿನಯ್ ಜಗಳ ಇಡೀ ಸೀಸನ್‌ನಲ್ಲಿ ಹವಾ ಕ್ರಿಯೇಟ್ ಮಾಡಿತ್ತು.