ವಿಜಯ್ (Vijay) ನಟನೆಯ ‘ಜನ ನಾಯಗನ್’ (Jana Nayagan) ಸಿನಿಮಾಗೆ ದೊಡ್ಡ ಹಿನ್ನಡೆಯಾಗಿದೆ. ಬಹುನಿರೀಕ್ಷಿತ ಚಿತ್ರಕ್ಕೆ ಸೆನ್ಸಾರ್ ಪ್ರಮಾಣಪತ್ರ ನೀಡುವ ಏಕಸದಸ್ಯ ಪೀಠ ಆದೇಶವನ್ನು ಮದ್ರಾಸ್ ಹೈಕೋರ್ಟ್ ಮಂಗಳವಾರ ರದ್ದುಗೊಳಿಸಿದೆ. ಇದರಿಂದ ಸಿನಿಮಾ ಬಿಡುಗಡೆ ಮತ್ತಷ್ಟು ವಿಳಂಬವಾಗಿದೆ.
ನ್ಯಾಯಾಲಯವು ಈ ಅರ್ಜಿ ಹೊಸ ಪರಿಗಣನೆಗಾಗಿ ಏಕಸದಸ್ಯ ನ್ಯಾಯಾಧೀಶರಿಗೆ ಕಳುಹಿಸಿದೆ. ಏಕಸದಸ್ಯ ನ್ಯಾಯಾಧೀಶರು ಸೆನ್ಸಾರ್ ಮಂಡಳಿಗೆ ಕೌಂಟರ್ಗೆ ಕಾಲಾವಕಾಶ ನೀಡಬೇಕು ಎಂದೂ ಹೈಕೋರ್ಟ್ ಹೇಳಿದೆ. ಈ ಹಿನ್ನೆಲೆ ಪೂರ್ಣ ವಿಚಾರಣೆ ವರೆಗೂ ಚಿತ್ರ ಬಿಡುಗಡೆ ಇಲ್ಲ. ಇದನ್ನೂ ಓದಿ: ವಿಜಯ್ ಫ್ಯಾನ್ಸ್ಗೆ ಶಾಕ್; ಜ.9 ಕ್ಕೆ ‘ಜನನಾಯಗನ್’ ರಿಲೀಸ್ ಆಗಲ್ಲ
ಸೆಂಟ್ರಲ್ ಬೋರ್ಡ್ ಆಫ್ ಫಿಲ್ಮ್ ಸರ್ಟಿಫಿಕೇಶನ್ (ಸಿಬಿಎಫ್ಸಿ) ಪ್ರದರ್ಶನಕ್ಕೆ ಅನುಮತಿ ನೀಡದ ಹೊರತು ಜನ ನಾಯಗನ್ ಸಿನಿಮಾವನ್ನು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲು ಸಾಧ್ಯವಿಲ್ಲ. ಚಿತ್ರಕ್ಕೆ ಮಂಡಳಿಯಿಂದ ಇನ್ನೂ ಸೆನ್ಸಾರ್ ಪ್ರಮಾಣ ಪತ್ರ ಸಿಗಬೇಕಿದೆ.
ಟಿವಿಕೆ ಮುಖ್ಯಸ್ಥ ವಿಜಯ್ ನಟಿಸಿದ ಜನ ನಾಯಗನ್ ಚಿತ್ರಕ್ಕೆ ‘ಯುಎ’ ಪ್ರಮಾಣಪತ್ರ ನೀಡಿದ ಏಕ ಸದಸ್ಯ ಆದೇಶವನ್ನು ಪ್ರಶ್ನಿಸಿ ಸಿಬಿಎಫ್ಸಿ ಸಲ್ಲಿಸಿದ ಮೇಲ್ಮನವಿಯನ್ನು ಮದ್ರಾಸ್ ಹೈಕೋರ್ಟ್ ಅಂಗೀಕರಿಸಿದೆ. ಏಕಸದಸ್ಯ ನ್ಯಾಯಾಧೀಶರ ಆದೇಶವು ಪ್ರತಿ-ಅಫಿಡವಿಟ್ ಸಲ್ಲಿಸಲು ಸಮಯವನ್ನು ನೀಡಬೇಕಾಗಿತ್ತು. ಇದನ್ನೂ ಓದಿ: ವಿಜಯ್ಗೆ ಮತ್ತೆ ಶಾಕ್ – ಜ.21 ರವರೆಗೆ ‘ಜನನಾಯಗನ್’ ರಿಲೀಸ್ ಮಾಡುವಂತಿಲ್ಲ: ಮದ್ರಾಸ್ ಹೈಕೋರ್ಟ್ ಆದೇಶ
ರಿಟ್ ಅರ್ಜಿಯಲ್ಲಿನ ಮನವಿಯನ್ನು ತಿದ್ದುಪಡಿ ಮಾಡಲು ನಿರ್ಮಾಪಕರಿಗೆ ಸ್ವಾತಂತ್ರ್ಯವಿದೆ. ಈ ಅರ್ಜಿಯನ್ನು ಹೊಸ ವಿಚಾರಣೆಗೆ ಮುಂದೂಡಲಾಗಿದೆ. ಮದ್ರಾಸ್ ಹೈಕೋರ್ಟ್ ದ್ವಿಸದಸ್ಯ ಪೀಠದಿಂದ ಆದೇಶ ಬಂದಿದೆ.
