ನಾಳೆ ಹೊಂಬಾಳೆ ಫಿಲ್ಮ್ಸ್‌ನಿಂದ ಬಿಗ್ ನ್ಯೂಸ್ ಘೋಷಣೆ: ಅಮೆರಿಕಾದ ಲಿಂಕ್ ಇದ್ಯಾ ಅಂತಿದ್ದಾರೆ ಫ್ಯಾನ್ಸ್

ಕನ್ನಡದ ಹೆಸರಾಂತ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿ‍ಲ್ಮ್ಸ್ (Hombale Films) ತನ್ನ ಅಧಿಕೃತ ಪೇಜ್‌ನಲ್ಲಿ ಹೊಸ ಸುದ್ದಿಯೊಂದನ್ನು ಪ್ರಕಟಿಸಿದೆ. ನಾಳೆ ಬೆಳಗ್ಗೆ 10:16ಕ್ಕೆ ದೊಡ್ಡ ಸುದ್ದಿಯನ್ನು ಕೊಡುವುದಾಗಿ ಹೇಳಿಕೊಂಡಿದೆ. ಅಪ್‌ಲೋಡ್‌ ಮಾಡಿರುವ ಪೋಸ್ಟರ್‌ನಲ್ಲಿ ‘ಸಮಯದ ವಿರುದ್ಧದ ಓಟ’ ಎಂದು ಹೇಳುವ ಮೂಲಕ ಕುತೂಹಲವನ್ನೂ ಹುಟ್ಟು ಹಾಕಿದೆ.

ನಾಳೆಯೇ ಹೊಂಬಾಳೆ ಬ್ಯಾನರ್‌ನಿಂದ ಮೂಡಿ ಬಂದಿರುವ ‘ಕಾಂತಾರ’ (Kantara) ಸಿನಿಮಾ ಕೂಡ ರಿಲೀಸ್ ಆಗುತ್ತಿದೆ. ಈ ಹೊತ್ತಿನಲ್ಲಿ ಮತ್ತೇನು ಹೊಸ ಸುದ್ದಿ ಕೊಡಬಹುದು ಎನ್ನುವುದು ಅಭಿಮಾನಿಗಳ ಕಾತರ. ಜಗ್ಗೇಶ್ (Jaggesh) ನಟನೆಯ ಸಿನಿಮಾದ ರಿಲೀಸ್ ದಿನಾಂಕ ಘೋಷಣೆ ಮಾಡಬಹುದಾ ಅಥವಾ ಮಲಯಾಳಂ ನಟ, ನಿರ್ದೇಶಕ ಪೃಥ್ವಿರಾಜ್ ಸುಕುಮಾರನ್ ನಿರ್ದೇಶನದ ಸಿನಿಮಾ ಬಗ್ಗೆ ಹೊಸ ಅಪ್ ಡೇಟ್ ನೀಡಬಹುದಾ ಎಂಬ ಲೆಕ್ಕಚಾರ ಕೂಡ ಶುರುವಾಗಿದೆ. ಇದನ್ನೂ ಓದಿ:ಕಾವ್ಯಶ್ರೀ ರೂಪೇಶ್‌ಗೆ ಪ್ರಪೋಸ್ ಮಾಡಿದ್ರೆ ಸಾನ್ಯಗ್ಯಾಕೆ ಸಿಟ್ಟು?

ಈ ನಡುವೆ ಮೊನ್ನೆಯಷ್ಟೇ ನಟ ಯಶ್ (Yash) ಅಮೆರಿಕಾಗೆ (America) ಹೋಗಿ ಬಂದಿದ್ದಾರೆ. ಅವರು ಅಲ್ಲಿಂದ ವಾಪಸ್ಸು ಬರುತ್ತಿದ್ದಂತೆಯೇ ಹಲವು ಅಚ್ಚರಿಗಳನ್ನೂ ತಮ್ಮೊಟ್ಟಿಗೆ ತಂದಿದ್ದಾರೆ. ಹಾಗಾಗಿ ಯಶ್ ನಟನೆಯ ಹೊಸ ಸಿನಿಮಾದ ಬಗ್ಗೆ ಏನಾದರೂ ಭಾರೀ ಸುದ್ದಿ ಸಿಗಬಹುದಾ ಎನ್ನುವುದು ಯಶ್ ಫ್ಯಾನ್ಸ್ ನಿರೀಕ್ಷೆ. ಲೆಕ್ಕಾಚಾರಗಳು ಏನೇ ಇದ್ದರೂ, ನಾಳೆಯೇ ಅದು ಬಹಿರಂಗವಾಗಲಿದ್ದು, ಅಲ್ಲಿವರೆಗೂ ಕಾಯೋದು ಅನಿವಾರ್ಯ.

ಈ ನಡುವೆ ಹಿಂದಿಯಲ್ಲೂ ಹೊಂಬಾಳೆ ಫಿಲ್ಮ್ಸ್ ಸಿನಿಮಾ ಮಾಡುವ ಆಲೋಚನೆ ಹೊಂದಿದೆ. ಶಾರೂಖ್ ಖಾನ್ (Shah Rukh Khan) ಜೊತೆ ಸಿನಿಮಾ ಮಾಡುತ್ತಿದ್ದಾರೆ ಎನ್ನುವ ಮಾಹಿತಿ ಹರಿದಾಡುತ್ತಿದೆ. ಆ ಸಿನಿಮಾದ ಬಗ್ಗೆ ಏನಾದರೂ ಮಾಹಿತಿ ನೀಡುತ್ತಾರೆ ಎನ್ನುವುದು ಮತ್ತೊಂದು ಸಮಾಚಾರ. ವಿಚಾರ ಏನೇ ಇದ್ದರೂ, ನಾಳೆ ಬಹಿರಂಗಗೊಳ್ಳಲೇಬೇಕಿದೆ. ಒಟ್ಟಿನಲ್ಲಿ ಯಾವ ವಿಷಯ ತಿಳಿಸಲಿದ್ದಾರೆ ಎನ್ನುವುದು ಕುತೂಹಲಕ್ಕೆ ಕಾರಣವಾಗಿದೆ.

Live Tv
[brid partner=56869869 player=32851 video=960834 autoplay=true]