ಬೆಂಗಳೂರು: ಪಶ್ಚಿಮ ವಿಭಾಗದ ಡಿಸಿಪಿ ರಮೇಶ್ ಬಾನೋತ್ ಅವರು ಬೆಂಗಳೂರು ಗ್ರಾಮಾಂತರ ಎಸ್‍ಪಿ ರವಿ ಚೆನ್ನಣ್ಣನವರ್ ಅಭಿಮಾನಿಗಳಿಂದ ಬೇಸತ್ತು ಹೋಗಿದ್ದಾರೆ.
ಈ ಹಿಂದೆ ರವಿ ಚೆನ್ನಣ್ಣನವರ್ ಅವರು ಪಶ್ಚಿಮ ವಿಭಾಗದ ಡಿಸಿಪಿ ಆಗಿದ್ದರು. ಈ ವೇಳೆ ಅವರಿಗೆ ಇಲಾಖೆಯಿಂದ ಫೋನ್ ನಂಬರ್ ನೀಡಲಾಗಿತ್ತು. ಈಗ ಡಿಸಿಪಿ ಆಗಿರುವ ರಮೇಶ್ ಬಾನೋತ್ ಗೆ ರವಿ ಚನ್ನಣ್ಣನವರ್ ವರ್ಗಾವಣೆ ನಂತರ ಆ ನಂಬರ್ ನೀಡಲಾಗಿತ್ತು.
ರಮೇಶ್ ಬಾನೋತ್ ಅವರಿಗೆ ನೀಡಿದ ಈ ನಂಬರ್ ಗೆ ನಿತ್ಯ ನೂರಾರು ಕರೆಗಳು ಬರುತ್ತಿದ್ದವು. ರವಿ ಚೆನ್ನಣ್ಣನವರ್ ಎಂದು ಕೇಳಿಕೊಂಡು ಅವರ ಅಭಿಮಾನಿಗಳು ನಿತ್ಯ ನೂರಾರು ಕರೆಗಳು ಮಾಡುತ್ತಿದ್ದರು. ಹೀಗಾಗಿ ರಮೇಶ್ ಬಾನೋತ್ ನಂಬರ್ ಚೇಂಜ್ ಮಾಡಿದ್ದಾರೆ.
