ನೆಲಮಂಗಲ: ಯುವಕರ ವ್ಹೀಲಿಂಗ್ ಪುಂಡಾಟಿಕೆಗೆ ಬ್ರೇಕ್ ಹಾಕಲು ಪೊಲೀಸರು ವಿಫಲರಾಗುತ್ತಿದ್ದಾರೆ ಎಂಬ ಮಾತುಗಳು ಸಾರ್ವಜನಿಕ ವಲಯದಲ್ಲಿ ಕೇಳಿ ಬರುತ್ತಿವೆ. ನೆಲಮಂಗಲ ಟೌನ್ ಮತ್ತು ಸಂಚಾರಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ವ್ಹೀಲಿಂಗ್ ಮಾಡುವ ಮೂಲಕ ಯುವಕರು ಪುಂಡಾಟಿಕೆ ಮೆರೆದಿರುವುದು ಇದಕ್ಕೆ ಸಾಕ್ಷಿ.
ಹೌದು. ಹೈವೇಯಲ್ಲಿ ವೀಲ್ಹಿಂಗ್ ಭರಾಟೆ ಜೋರಾಗಿದ್ದು, ತುಮಕೂರು-ಬೆಂಗಳೂರು ರಸ್ತೆಯ ನವಯುಗ ಟೋಲ್ನಲ್ಲಿ ವ್ಹೀಲಿಂಗ್ ಮಾಡುತ್ತಿರುವ ಯುವಕನ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಯುವಕನ ದುಸ್ಸಾಹಸವನ್ನು ಹಿಂದಿನ ವಾಹನದವರು ರೆಕಾರ್ಡ್ ಮಾಡಿದ್ದಾರೆ.
ರಾ.ಹೆ.ಯಲ್ಲಿ ಮೈಝಮ್ ಎನಿಸೋ ಯುವಕನ ಬೈಕ್ ವ್ಹೀಲಿಂಗ್ ಇತರ ವಾಹನ ಸವಾರರಿಗೆ ಕಿರಿಕಿರಿ ಉಂಟಾಗಿದೆ. ಪೊಲೀಸರಿಗೂ ಕ್ಯಾರೇ ಎನ್ನದೆ, ಹಗಲು- ರಾತ್ರಿ ಪುಂಡರ ಬೈಕ್ ಗಳು ಹೆದ್ದಾರಿಗಿಳಿಯುತ್ತವೆ. ಬೈಕ್ ವ್ಹೀಲಿಂಗ್ ತಡೆಯುವುದರಲ್ಲಿ ಪೋಲಿಸರು ವಿಫಲ ಸಾರ್ವಜನಿಕರ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
