ಬೆಂಗಳೂರು: ಪ್ರೀತಿಸಲು ನಿರಾಕರಿಸಿದ ಗೆಳತಿಯ ಮೊಬೈಲ್ ನಂಬರನ್ನು 36 ವರ್ಷದ ವ್ಯಕ್ತಿಯೊಬ್ಬ ಪೋರ್ನ್ ವೆಬ್‍ಸೈಟಿಗೆ ಅಪ್‍ಲೋಡ್ ಮಾಡಿರುವ ಘಟನೆ ಬೆಂಗಳೂರಿನ ಇಂದಿರಾ ನಗರದಲ್ಲಿ ನಡೆದಿದೆ.
ಇಂದಿರಾ ನಗರದ ನಿವಾಸಿಯಾಗಿರುವ ಮೊಹಮ್ಮದ್ ಮುದಸ್ಸಿರ್ ಗೆಳತಿಯ ಮೊಬೈಲ್ ನಂಬರನ್ನು ಪೋರ್ನ್ ವೆಬ್‍ಸೈಟ್‍ಗೆ ಅಪ್‍ಲೋಡ್ ಮಾಡಿದ್ದು, ಸೆಕ್ಸ್ ಗಾಗಿ ಮೇಲಿನ ನಂಬರ್ ಗೆ ಸಂಪರ್ಕಿಸಿ ಎಂದು ತಿಳಿಸಿದ್ದ. ಆಗಸ್ಟ್ 30 ರಂದು ಘಟನೆ ನಡೆದಿದ್ದು, ಈ ಸಂದರ್ಭದಲ್ಲಿ ಯುವತಿಯ ಮೊಬೈಲ್ ನಂಬರಿಗೆ ನಿರಂತರವಾಗಿ ಮೆಸೇಜ್ ಗಳು ಬಂದಿದೆ. ಆ ಬಳಿಕ ಪೋರ್ನ್ ವೆಬ್ ಸೈಟ್‍ಗೆ ಮೊಬೈಲ್ ನಂಬರ್ ಅಪ್‍ಲೋಡ್ ಆಗಿರುವುದು ತಿಳಿದು ಬಂದಿದೆ.
ಮೊಹಮ್ಮದ್ ಮುದಸ್ಸಿರ್ ಕೃತ್ಯದಿಂದ ಸಮಸ್ಯೆ ಎದುರಿಸಿದ್ದ ಯುವತಿ ಪೊಲೀಸರಿಗೆ ಮಾಹಿತಿ ನೀಡಿ ದೂರು ದಾಖಲಿಸಿದ್ದಾರೆ. ಈ ಬಗ್ಗೆ ಮಾಹಿತಿ ನೀಡಿರುವ ಪೊಲೀಸರು, ಯುವತಿಗೆ ಮೆದಸ್ಸಿರ್ ಮೇಲೆ ಅನುಮಾನ ಬಂದಿದ್ದು, ಆಕೆಯ ಫೇಕ್ ಪ್ರೋಪೈಲ್ ಸೃಷ್ಟಿ ಮಾಡಿ ಮೊಬೈಲ್ ನಂಬರ್ ನೀಡಿದ್ದ.
ಈ ಹಿಂದೆ ನಗರದ ಜೀವನ್ ಭೀಮಾ ನಗರದಲ್ಲೂ ಇಂತಹದೇ ಪ್ರಕರಣ ನಡೆದಿತ್ತು. ಮೆಡಿಕಲ್ ಶಾಪ್‍ನಲ್ಲಿ ಕೆಲಸ ಮಾಡುತ್ತಿದ್ದ ವ್ಯಕ್ತಿಯ ಮೇಲೆ ಪೊಲೀಸರು ಲೈಂಗಿಕ ಕಿರುಕುಳ ಪ್ರಕರಣ ದಾಖಲು ಮಾಡಿದ್ದರು. ಯುವತಿಗೆ ಫೇಸ್‍ಬುಕ್ ಮೂಲಕ ಪರಿಚಯವಾಗಿದ್ದ ಯುವಕ ಆಕ್ಷೇಪಾರ್ಹ ಫೋಟೋಗಳನ್ನು ಯುವತಿಗೆ ಕಳುಹಿಸಿದ್ದ. ಯುವತಿಯ ನಿವಾಸದ ಬಳಿ ಮೆಡಿಕಲ್ ಶಾಪ್‍ನಲ್ಲಿ ಕೆಲಸ ಮಾಡುತ್ತಿದ್ದ ಆತ ಫೇಸ್‍ಬುಕ್ ರಿಕ್ವೆಸ್ಟ್ ಕಳುಹಿಸಿ ಯುವತಿಯ ಸ್ನೇಹ ಮಾಡಿದ್ದ.
