ನವದೆಹಲಿ: ಅಮೆಜಾನ್, ಪ್ಲಿಪ್‍ಕಾರ್ಟ್, ಮೀಶೋನಂತಹ ಇತರ ಶಾಪಿಂಗ್ ಸೈಟ್‍ಗಳಲ್ಲಿ (Online Shopping) ಬೆಂಗಳೂರಿನ (Bengaluru) ಜನರೇ ಅತಿ ಹೆಚ್ಚು ಸಮಯ ಕಳೆಯುತ್ತಿದ್ದಾರೆ ಎಂದು ಸೈಬರ್ ಮೀಡಿಯಾ ರಿಸರ್ಚ್‍ನ ಅಧ್ಯಯನದ ವರದಿ ಹೇಳಿದೆ. ಬೆಂಗಳೂರಿನ ಜನರು ಆನ್‍ಲೈನ್ ಪ್ಲಾಟ್‍ಫಾರಂಗಳಲ್ಲಿ ವಾರಕ್ಕೆ ಸರಾಸರಿ ನಾಲ್ಕು ಗಂಟೆಗಳ ಸಮಯ ವ್ಯಯ ಮಾಡುತ್ತಿದ್ದಾರೆ ಎಂದು ವರದಿಯಲ್ಲಿ ಹೇಳಿದೆ.
ಬೆಂಗಳೂರಿನ ಬಳಿಕ ಗುವಾಹಟಿ, ಕೊಯಮತ್ತೂರು, ಲಕ್ನೋದ ಜನರು ಆನ್‍ಲೈನ್ ಶಾಪಿಂಗ್ ಗೀಳಿಗೆ ಬಿದ್ದಿದ್ದಾರೆ. ಅಲ್ಲಿನ ಜನ ವಾರಕ್ಕೆ ಸುಮಾರು 2 ಗಂಟೆ 25 ನಿಮಿಷಗಳ ಕಾಲವನ್ನು ಈ ಉದ್ದೇಶಕ್ಕಾಗಿ ಕಳೆದಿದ್ದಾರೆ. ವಿಶೇಷವಾಗಿ ಮಹಿಳೆಯರು ಇ-ಕಾಮರ್ಸ್‍ನಲ್ಲಿ ವರ್ಷಕ್ಕೆ ಸುಮಾರು 149 ಗಂಟೆಗಳನ್ನು ಕಳೆಯುತ್ತಿದ್ದಾರೆ ಎಂದು ವರದಿ ಹೇಳಿದೆ. ಇದನ್ನೂ ಓದಿ: ಹಿಂದೂಗಳ ಪವಿತ್ರ ‘ಅಮರನಾಥ ಯಾತ್ರೆ’ ಆರಂಭ
29% ರಷ್ಟು ಜನರು ಆನ್‍ಲೈನ್‍ನಲ್ಲಿ 15,000 ರೂ. ನಿಂದ 20,000 ರೂ. ಬೆಲೆಯ ಸ್ಮಾರ್ಟ್‌ಫೋನ್‌ಗಳ ಖರೀದಿ ಮಾಡುತ್ತಿದ್ದಾರೆ. ಗುವಾಹಟಿ, ಕೊಯಮತ್ತೂರು, ಲಕ್ನೋ ಖರೀದಿದಾರರು ಕಳೆದ ಆರು ತಿಂಗಳಲ್ಲಿ ಸರಾಸರಿ ಆನ್‍ಲೈನ್‍ನಲ್ಲಿ 20,100 ರೂ. ಖರ್ಚು ಮಾಡಿದ್ದಾರೆ. ಬೆಂಗಳೂರಿಗರು ಸರಾಸರಿ 21,700 ರೂ. ಖರ್ಚು ಮಾಡಿದ್ದಾರೆ.
ಕಡಿಮೆ ಸಮಯ ಕಳೆದರೂ ಮುಂಬೈ (Mumbai) ಜನರು ಸರಾಸರಿ ಶಾಪಿಂಗ್‍ನಲ್ಲಿ ಮುಂದಿದ್ದಾರೆ. ಅವರು ಕಳೆದ ಆರು ತಿಂಗಳಲ್ಲಿ 24,200 ರೂ. ಖರ್ಚು ಮಾಡಿದ್ದಾರೆ. ನಾಗ್ಪುರ ಮತ್ತು ಕೊಯಮತ್ತೂರು ಜನರಿಂದ ಸರಾಸರಿ 21,600 ರೂ. ಆನ್‍ಲೈನ್ ಶಾಪಿಂಗ್ ಆಗಿದೆ. ಜನ ಆನ್‍ಲೈನ್ ಮೂಲಕ ಬಟ್ಟೆ ಮತ್ತು ಮೊಬೈಲ್, ಟಿವಿ, ವಾಷಿಂಗ್ ಮಷಿನ್ ಸೇರಿದಂತೆ ಹಲವು ಬಗೆಯ ಎಲೆಕ್ಟ್ರಾನಿಕ್ ಗ್ಯಾಜೆಟ್‍ಗಳನ್ನು ಖರೀದಿಸಿದ್ದಾರೆ ಎಂದು ವರದಿಯಲ್ಲಿ ಉಲ್ಲೇಖವಾಗಿದೆ. ಇದನ್ನೂ ಓದಿ: ಪಾಕ್ ವಿಶ್ವಕಪ್ ಆಡಲಿರುವ ಸ್ಥಳಗಳಿಗೆ ನಿಯೋಗ ಕಳುಹಿಸಿ ಪರಿಶೀಲನೆಗೆ ಮುಂದಾದ PCB
Web Stories
[web_stories title=”true” excerpt=”false” author=”false” date=”false” archive_link=”false” archive_link_label=”” circle_size=”150″ sharp_corners=”false” image_alignment=”left” number_of_columns=”1″ number_of_stories=”10″ order=”DESC” orderby=”post_date” view=”carousel” /]
