ಬೆಂಗಳೂರಲ್ಲಿ ಕಿಡ್ನ್ಯಾಪ್ ಆಗಿದ್ದ ಮಗು ಪತ್ತೆ

ಬೆಂಗಳೂರು: ವೈಯಾಲಿಕಾವಲ್‌ನಲ್ಲಿ ಕಿಡ್ನ್ಯಾಪ್ ಆಗಿದ್ದ ಮಗು ದೇವಯ್ಯ ಪಾರ್ಕ್ ಬಳಿ ಪತ್ತೆಯಾಗಿದೆ. ಪೊಲೀಸರು ಮಗುವನ್ನು ರಕ್ಷಿಸಿದ್ದಾರೆ.

ಮಗುವನ್ನು ಮಾನಸಿಕ ಅಸ್ವಸ್ಥೆ ಮಹಿಳೆ ಕರೆದೊಯ್ದಿದ್ದರು. ಆಕೆಯ ಬಗ್ಗೆ ಮಹಿಳೆಯೊಬ್ಬರು ಪೊಲೀಸರು ಮಾಹಿತಿ ನೀಡಿದ್ದರು. ವೈಯಾಲಿಕಾವಲ್ ಪೊಲೀಸರು ಮಗುವನ್ನು ರಕ್ಷಿಸಿ ಪೋಷಕರಿಗೆ ಮಾಹಿತಿ ನೀಡಿದ್ದಾರೆ.

ಮಗು ಕಾಣೆಯಾದ ಬಗ್ಗೆ ‘ಪಬ್ಲಿಕ್ ಟಿವಿ’ಯಲ್ಲಿ ಸುದ್ದಿ ಪ್ರಸಾರ ಮಾಡಲಾಗಿತ್ತು. ಸುದ್ದಿ ಪ್ರಸಾರ ನೋಡಿದ್ದ ಸಾರ್ವಜನಿಕರೊಬ್ಬರು ಮಗುವಿನ ಪತ್ತೆಗೆ ಸಹಾಯ ಮಾಡಿದರು. ಮಾನಸಿಕ ಅಸ್ವಸ್ಥೆ ಸುಜಾತ ಮಗುವನ್ನ ಕರೆದೊಯ್ತಿರೋದನ್ನ ಮಹಿಳೆ ಗಮನಿಸಿದ್ದರು. ಕೂಡಲೇ ಮಾನಸಿಕ ಅಸ್ವಸ್ಥೆಯನ್ನ ತಡೆದು ಮಗುವನ್ನ ರಕ್ಷಣೆ ಮಾಡಿದ್ದಾರೆ. ಬಳಿಕ ಪೊಲೀಸರಿಗೆ ಕರೆ ಮಾಡಿ ಮಗು ಸಮೇತ ಮಾನಸಿಕ ಅಸ್ವಸ್ಥೆಯನ್ನ ಮಹಿಳೆ ಒಪ್ಪಿಸಿದ್ದಾರೆ.

ಮಾನಸಿಕ ಅಸ್ವಸ್ಥೆ ಮಗುವನ್ನ ಇಡೀ ದಿನ ಚೆನ್ನಾಗಿ ನೋಡಿಕೊಂಡಿದ್ದಾಳೆ. ಮಗುವಿಗೆ ಚಾಕಲೆಟ್ ಕೂಡ ಕೊಡಿಸಿದ್ದಾಳೆ. ಆದರೆ ಮಗುವಿನ ತುಟಿಯಲ್ಲಿ ಗಾಯವಾಗಿದೆ. ಸದ್ಯ ಮಗುವನ್ನ ಕರೆದೊಯ್ದ ಮಾನಸಿಕ ಅಸ್ವಸ್ಥೆಯನ್ನ ವಿಚಾರಣೆಗೊಳಪಡಿಸಲಾಗುತ್ತಿದೆ.