KarnatakaBengaluru CityDistrictsLatestMain Post

ಸರ್ಕಾರದ ದಾಖಲೆ ಎತ್ತೋದಕ್ಕೆ ರೇವಣ್ಣಗೆ ಬೇಕಂತೆ ಡೂಪ್ಲಿಕೇಟ್ ಕೀ!

ಬೆಂಗಳೂರು: ತಮ್ಮ ಸರ್ಕಾರ ಇರಲಿ ಇಲ್ಲದಿರಲಿ, ದೇವೇಗೌಡರ ಕುಟುಂಬಕ್ಕೆ ಆಡಳಿತ ಯಂತ್ರದಲ್ಲಿ ಏನಾಗುತ್ತೆ, ಏನ್ ಆಗಲ್ಲ ಅನ್ನೋದು ಪಕ್ಕಾ ಗೊತ್ತಾಗುತ್ತದೆ. ಯಾವ ಇಲಾಖೆಯಲ್ಲಿ ಏನ್ ನಡೆಯುತ್ತೆ, ಯಾವ ಫೈಲ್ ಎಲ್ಲಿ ಮೂವ್ ಆಗುತ್ತೆ ಅನ್ನೋ ಪಕ್ಕಾ ಮೂಲಕ ದೇವೇಗೌಡರ ಕುಟುಂಬಕ್ಕಿದೆ. ಆದರಲ್ಲೂ ಹೆಚ್.ಡಿ ರೇವಣ್ಣ ಸರ್ಕಾರದ ದಾಖಲೆಗಳನ್ನು ಎತ್ತೋದ್ರಲ್ಲಿ ನಂಬರ್ ಒನ್ ಪೊಲಿಟೀಶಿಯನ್. ಆದರೆ ಇದೀಗ ಅದೇ ರೇವಣ್ಣ ಅವರು ಸರ್ಕಾರಿ ದಾಖಲೆ ಎತ್ತಲು ಡೂಪ್ಲಿಕೇಟ್ ಕೀಗೆ ಹುಡುಕ್ತಿದ್ದಾರಂತೆ.

ಹೌದು. ಹೆಚ್.ಡಿ ರೇವಣ್ಣ ಇಂದು ವಿಧಾನಸೌಧದಲ್ಲಿ ಸುದ್ದಿಗೋಷ್ಠಿ ಕರೆದಿದ್ದರು. ಯಡಿಯೂರಪ್ಪ ಸರ್ಕಾರದ ವಿರುದ್ಧ ಗುಟುರು ಹಾಕುತ್ತಾ, ದೇವೇಗೌಡರ ಕುಟುಂಬದ ವಿಷಯ ಇದ್ದರೆ ಯಡಿಯೂರಪ್ಪ ಸರ್ಕಾರ ರಾತ್ರಿ 7 ಗಂಟೆಗೆ ಓಪನ್ ಆಗುತ್ತೆ ಅಂತ ಕಿಡಿಕಾರಿದರು. ಹೆಂಗೆ ರಿಪೇರಿ ಮಾಡ್ಬೇಕು ಅನ್ನೋದು ಗೊತ್ತಿದೆ ಅಂದವರೇ ಕೀ ಹುಡುಕ್ತಾ ಇದ್ದೀನಿ ಅಂತ ಹೇಳಿದರು. ಆಗ ಮಾಧ್ಯಮ ಮಿತ್ರರು ಯಾವ ಕೀ ಸರ್ ಅದು ಅಂತ ಕೇಳಿದ್ದೇ ತಡ ರೇವಣ್ಣ ರಹಸ್ಯ ಬಿಚ್ಚಿಟ್ಟರು.

jds

ಈ ಹಿಂದೆ ಯಡಿಯೂರಪ್ಪ ಸರ್ಕಾರದ ಅವಧಿಯಲ್ಲಿ ಸರ್ಕಾರಿ ದಾಖಲೆಗಳು ಸುಲಭವಾಗಿ ಸಿಗುತ್ತಿತ್ತಂತೆ. ಡೂಪ್ಲಿಕೇಟ್ ಕೀ ರೇವಣ್ಣ ಹತ್ರ ಇತ್ತಂತೆ. ವಿಧಾನಸಭೆಯಲ್ಲಿ ವಿರೋಧ ಪಕ್ಷದ ನಾಯಕನಾದ ನನಗೆ ಸರ್ಕಾರಿ ದಾಖಲೆ ಕೊಡುತ್ತಿಲ್ಲ ಅಂತ ಸಿದ್ದರಾಮಯ್ಯ ಪ್ರಸ್ತಾಪಿಸಿದ್ರಂತೆ. ಆಗ ರೇವಣ್ಣ ನನ್ ಹತ್ರ ಡೂಪ್ಲಿಕೇಟ್ ಕೀ ಇದೆ ಯಾವ ದಾಖಲೆ ಬೇಕು ಹೇಳಿ ಸಿದ್ರಾಮಣ್ಣ ಅಂತ ಹೇಳಿದ್ರಂತೆ. ಇಂದು ಈ ಡೂಪ್ಲಿಕೇಟ್ ಕೀ ವಿಚಾರ ನೆನಪಿಸಿದ ರೇವಣ್ಣ, ಈಗ ಕೀ ಸಿಕ್ಕಿಲ್ಲ, ಡೂಪ್ಲಿಕೇಟ್ ಕೀ ಮಾಡಿಸ್ಕೋಬೇಕು. ಬೀಗ ತೆಗೆಯುವ ಪಾರ್ಟಿ ಹುಡುಕ್ತಿದ್ದೀನಿ ಅಂತೇಳಿ ಕುತೂಹಲ ಹುಟ್ಟು ಹಾಕಿದ್ದಾರೆ.

Related Articles

Leave a Reply

Your email address will not be published. Required fields are marked *