ನಾಯಿ ರೀತಿ ತಿಂದಿದ್ದೀರಿ ಎಂದು ಲೇವಡಿ – 1 ಕ್ವಿಂಟಲ್ ಕೇಕ್ ಕತ್ತರಿಸಿ ನಾಯಿ ಬರ್ತ್ ಡೇ ಆಚರಿಸಿ ತಿರುಗೇಟು

– ಹುಡುಗಿಯರ ನೃತ್ಯ ನೋಡಿ ಕಣ್ತುಂಬಿಕೊಂಡ ಹಾಲಿ, ಮಾಜಿ ಗ್ರಾ.ಪಂ.ಸದಸ್ಯರು
– 1 ಕ್ವಿಂಟಲ್ ಕೇಕ್, 5 ಸಾವಿರ ಜನರಿಗೆ ಭರ್ಜರಿ ಊಟ

ಬೆಳಗಾವಿ: ನಾಯಿ ‘ಕ್ರಿಶ್’ ಬರ್ತ್ ಡೇ ವೇಳೆ ವೇದಿಕೆ ಮೇಲೆ ಲೇಡಿ ಡ್ಯಾನ್ಸರ್ ನೃತ್ಯ ಮಾಡಿದ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

ನಾಯಿ ಮಾಲೀಕ, ಕಳೆದ 20 ವರ್ಷಗಳಿಂದ ಸ್ಥಳೀಯ ಗ್ರಾಮ ಪಂಚಾಯತಿ ಸದಸ್ಯನಾಗಿದ್ದ ಶಿವಪ್ಪ ಮರ್ದಿ ಅವರು ಒಂದು ಕ್ವಿಂಟಲ್ ಕೇಕ್ ತರಿಸಿ ಅದ್ಧೂರಿಯಾಗಿ ನಾಯಿ ‘ಕ್ರಿಶ್’ ಬರ್ತ್ ಡೇಯನ್ನು ಜೂನ್ 22ರಂದು ಆಚರಿಸಿದ್ದರು. ಈ ವೇಳೆ ಆಯೋಜಕರು ಲೇಡಿ ಡ್ಯಾನ್ಸರ್‌ನನ್ನು ಕರೆಯಿಸಿ ವೇದಿಕೆ ಮೇಲೆ ನೃತ್ಯ ಮಾಡಿಸಿದ್ದರು. ಈ ಬರ್ತ್ ಡೇ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಹಾಲಿ, ಮಾಜಿ ಗ್ರಾಮ ಪಂಚಾಯತಿ ಸದಸ್ಯರು ಹುಡುಗಿಯರ ನೃತ್ಯ ನೋಡಿ ಕಣ್ತುಂಬಿಕೊಂಡರು. ಇದನ್ನೂ ಓದಿ: ಎರಡು ದಿನದ ಒಗ್ಗಟ್ಟಿನ ಮಂತ್ರದ ಬಳಿಕ ಕಾಂಗ್ರೆಸ್‍ನಲ್ಲಿ ಈಗ ಅಸಮಾಧಾನದ ಹೊಗೆ

ನೆಚ್ಚಿನ ಸಾಕು ನಾಯಿ ‘ಕ್ರಿಶ್’ ಹುಟ್ಟು ಹಬ್ಬಕ್ಕೆ ಆಗಮಿಸಿದ 5 ಸಾವಿರ ಜನರಿಗೆ 3 ಕ್ವಿಂಟಲ್ ಚಿಕನ್, 1 ಕ್ವಿಂಟಲ್ ಮೊಟ್ಟೆ, ಸಸ್ಯಾಹಾರಿಗಳಿಗೆ 50 ಕೆಜಿ ಕಾಜೂಕರಿ ತಯಾರಿಸಿ ಊಟದ ವ್ಯವಸ್ಥೆ ಮಾಡಲಾಗಿತ್ತು. ಇದನ್ನೂ ಓದಿ: ಟೈಲರ್ ಶಿರಚ್ಛೇದನ ಸಣ್ಣ ವಿಷಯ, ಇದರಲ್ಲೂ ಬಿಜೆಪಿ ಪಾಕಿಸ್ತಾನದ ಕೈವಾಡ ಹುಡುಕಲು ಹೊರಟಿದೆ: ಟಿಕಾಯತ್

ನೂತನ ಸದಸ್ಯನೊಬ್ಬ ತಮ್ಮ ಹುಟ್ಟು ಹಬ್ಬ ಸಂದರ್ಭದಲ್ಲಿ ಹಳೇ ಸದಸ್ಯರಿಗೆ ನಾಯಿಯಂತೆ ತಿಂದು ಹೋಗಿದ್ದಾರೆಂದು ಅವಮಾನ ಮಾಡಿದ್ದರಂತೆ, ಈ ಹಿನ್ನೆಲೆ ಶಿವಪ್ಪ ಮರ್ದಿ ವಿರೋಧಿಗಳಿಗೆ ಪ್ರತ್ಯುತ್ತರ ಕೊಡಲು ನಿಯತ್ತಿನ ನಾಯಿ ಹುಟ್ಟು ಹಬ್ಬವನ್ನು ಅದ್ದೂರಿಯಾಗಿ ಆಚರಿಸಿದ್ದಾರೆ ಎನ್ನಲಾಗಿದೆ. ಇದೀಗ ಬರ್ತ್‍ಡೇ ವೇಳೆ ಲೇಡಿ ಡ್ಯಾನ್ಸರ್ ಕರೆಸಿ ಡ್ಯಾನ್ಸ್ ಮಾಡಿಸಿದ್ದ ವೀಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

Live Tv