Connect with us

Latest

ಗೋ-ಕಾರ್ಟ್ ಚಕ್ರಕ್ಕೆ ಕೂದಲು ಸಿಲುಕಿ 28ರ ಮಹಿಳೆ ದುರ್ಮರಣ

Published

on

ಚಂಡೀಗಢ: ಬಥಿಂಡಾದ ಮಹಿಳೆಯೊಬ್ಬರು ಗೋ-ಕಾರ್ಟ್‍ನ ಚಕ್ರಕ್ಕೆ ಕೂದಲು ಸಿಲುಕಿಕೊಂಡು ಮೃತಪಟ್ಟಿರುವ ಆಘಾತಕಾರಿ ಘಟನೆ ಪಂಜಾಬ್‍ನ ಪಿಂಜೋರ್ ನಗರದಲ್ಲಿ ನಡೆದಿದೆ.

28 ವರ್ಷದ ಪುನೀತ್ ಕೌರ್ ಮೃತ ದುರ್ದೈವಿ. ಈ ಘಟನೆ ಬುಧವಾರ ಮಧ್ಯಾಹ್ನ ಪಿಂಜೋರ್‍ನಲ್ಲಿರುವ ಯಾದವಿಂದ್ರ ಉದ್ಯಾನವನದ ಪಕ್ಕದ ಅಮ್ಯೂಸ್ ಮೆಂಟ್ ಪಾರ್ಕ್‍ನಲ್ಲಿ ನಡೆದಿದೆ. ಪುನೀತ್ ಕೌರ್ ಬಥಿಂಡಾದ ರಾಮ್‍ಪುರ ಪೂಲ್ ನ ನಿವಾಸಿಯಾಗಿದ್ದಾರೆ. ಇವರು ಆಕ್ವಾದ ಗ್ರಾಮದಲ್ಲಿದ್ದ ಪಾರ್ಕ್‍ಗೆ ಪತಿ ಅಮರ್‍ದೀಪ್, ಎರಡು ವರ್ಷದ ಮಗು ಮತ್ತು ಇತರೆ ಕುಟುಂಬ ಸದಸ್ಯರ ಜೊತೆ ಬಂದಿದ್ದರು.

ಪುನೀತ್ ಕೌರ್ ಕುಟುಂಬವು ಮಂಗಳವಾರ ರಾತ್ರಿ ಖಾರ್ರಾಗೆ ಹೋಗಿದ್ದಾರೆ. ಬುಧವಾರ ಬೆಳಿಗ್ಗೆ ಪರ್ವಾನೂನಲ್ಲಿರುವ ಟಿಂಬರ್ ಟ್ರೈಲ್ ಗೆ ಭೇಟಿ ನೀಡಲು ನಿರ್ಧರಿಸಿದ್ದರು. ಅದರಂತೆ ಟಿಂಬರ್ ಟ್ರೈಲ್ ನೋಡಿ ಹಿಂದಿರುಗುತ್ತಿದ್ದಾಗ ಅವರು ಅಮ್ಯೂಸ್ ಮೆಂಟ್ ಪಾರ್ಕ್‍ಗೆ ಹೋಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಕುಟುಂಬವು ನಾಲ್ಕು ಗೋ-ಕಾರ್ಟ್‍ಗಳನ್ನು ಬುಕ್ ಮಾಡಿದೆ. ನಂತರ ಪುನೀತ್ ಕೌರ್ ಮತ್ತು ಪತಿ ಅಮರ್‍ದೀಪ್ ಒಂದು ಕಾರ್ಟ್‍ನಲ್ಲಿ ಕುಳಿತುಕೊಂಡಿದ್ದು, ಅವರ ಮಗ ಇನೊಂದು ಕಾರ್ಟ್‍ನಲ್ಲಿ ಅಜ್ಜಿಯೊಂದಿಗೆ ಕುಳಿತುಕೊಂಡಿದ್ದನು. ಬಳಿಕ ಒಂದೆರಡು ಬಾರಿ ಸುತ್ತಾಡಿದ ನಂತರ ಆಕೆಯ ಕೂದಲು ಗೋ-ಕಾರ್ಟ್‍ನ ಚಕ್ರದಲ್ಲಿ ಸಿಲುಕಿಕೊಂಡಿದ್ದು, ತಲೆಗೆ ಗಂಭೀರವಾಗಿ ಪೆಟ್ಟಾಗಿದೆ. ತಕ್ಷಣ ಪತಿ ಗೋ-ಕಾರ್ಟ್ ನಿಲ್ಲಿಸಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ ಪುನೀತ್ ಕೌರ್‍ನ ಸ್ಥಿತಿ ಗಂಭೀರವಾಗಿದ್ದರಿಂದ ವೈದ್ಯರು ಪಂಚಕುಲಕ್ಕೆ ಕರೆಕೊಂಡು ಹೋಗುವಂತೆ ಹೇಳಿದ್ದಾರೆ.

ಪಂಚಕುಲ ಆಸ್ಪತ್ರೆಗೆ ದಾಖಲಿಸುತ್ತಿದ್ದಂತೆ ಚಿಕಿತ್ಸೆ ಫಲಕಾರಿಯಾದೇ ಪುನೀತ್ ಕೌರ್ ಮೃತಪಟ್ಟಿದ್ದಾರೆ. ನಂತರ ಆಸ್ಪತ್ರೆಗೆ ಪೊಲೀಸರು ಭೇಟಿ ನೀಡಿ ಕುಟುಂದವರ ಹೇಳಿಕೆಗಳನ್ನು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಸದ್ಯಕ್ಕೆ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ರವಾನಿಸಲಾಗಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಹರಿಯಾಣ ಪ್ರವಸೋದ್ಯಮ ಇಲಾಖೆ ಈ ಅಮ್ಯೂಸ್ ಮೆಂಟ್ ಪಾರ್ಕ್ ನನ್ನು 2013 ರಲ್ಲಿ 10 ವರ್ಷಗಳ ಕಾಲ ಖಾಸಗಿ ಗುತ್ತಿಗೆದಾರರಿಗೆ ನೀಡಿದೆ.

Click to comment

Leave a Reply

Your email address will not be published. Required fields are marked *