ಕ್ಯಾಮೆರಾಗೆ ಪೋಸ್ ಕೊಟ್ಟು ‘ಸಾಕು ಮಾಡಿ’ ಎಂದ ಆರಾಧ್ಯ: ವಿಡಿಯೋ ವೈರಲ್

ಮುಂಬೈ: ಆರಾಧ್ಯ ಬಚ್ಚನ್ ತನ್ನ ತಂದೆ ಅಭಿಷೇಕ್ ಬಚ್ಚನ್ ಹಾಗೂ ತಾಯಿ ಐಶ್ವರ್ಯ ರೈ ಬಚ್ಚನ್ ಜೊತೆ ಭಾನುವಾರ ಉದ್ಯಮಿ ಮುಕೇಶ್ ಅಂಬಾನಿ ಮಗ ಆಕಾಶ್ ಅಂಬಾನಿ ಮದುವೆ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು. ಈ ವೇಳೆ ಆರಾಧ್ಯ ಕ್ಯಾಮೆರಾಗೆ ಪೋಸ್ ಕೊಟ್ಟು ಸಾಕು ಮಾಡಿ ಎಂದು ಹೇಳಿದ ವಿಡಿಯೋ ವೈರಲ್ ಆಗಿದೆ.

ಆಕಾಶ್ ಅಂಬಾನಿ ಹಾಗೂ ಶ್ಲೋಕಾ ಮೆಹ್ತಾ ಮದುವೆಗೆ ಕಾರ್ಯಕ್ರಮಕ್ಕೆ ಹಲವಾರು ಬಾಲಿವುಡ್ ಕಲಾವಿದರು ಆಗಮಿಸಿದ್ದರು. ಆರಾಧ್ಯ ಕೂಡ ತನ್ನ ತಂದೆ – ತಾಯಿ ಜೊತೆ ಆಗಮಿಸಿದ್ದಾಗ ಕ್ಯಾಮೆರಾಗಳಿಗೆ ಪೋಸ್ ನೀಡಲು ಅಲ್ಲಿದ ಛಾಯಾಗ್ರಾಹಕರು ಹೇಳಿದ್ದಾರೆ.

ಆರಾಧ್ಯ ತನ್ನ ತಂದೆ-ತಾಯಿ ಜೊತೆ ಫೋಟೋಗೆ ಪೋಸ್ ಕೊಡುವಾಗ ತನ್ನ ಕಣ್ಣನ್ನು ತಿರುಗಿಸುತ್ತಿದ್ದಳು. ಅಲ್ಲದೇ ಕ್ಯಾಮೆರಾಮೆನ್‍ಗಳು ತನ್ನತ್ತ ನೋಡಲು ಆಕೆಗೆ ಹೇಳಿದ್ದಾಗ ಆರಾಧ್ಯ ಒಂದೇ ಸಮ್ಮನೇ ಎಡಗಡೆ ಹಾಗೂ ಬಲಗಡೆ ತಿರುಗುತ್ತಾ ತುಂಟಾಟ ಮಾಡುತ್ತಾ ಫೋಟೋಗೆ ಪೋಸ್ ನೀಡಿದ್ದಾಳೆ.

ಫೋಟೋ ಪೋಸ್ ನೀಡಿದ ಬಳಿಕ ಆರಾಧ್ಯ ಅಭಿಷೇಕ್ ಹಾಗೂ ಐಶ್ವರ್ಯ ರೈ ಬಚ್ಚನ್ ಜೊತೆ ಹೋಗುವಾಗ ಸಾಕು ಮಾಡಿ ಎಂದು ಜೋರಾಗಿ ಕ್ಯಾಮೆರಾಮೆನ್‍ಗಳಿಗೆ ಹೇಳಿದ್ದಾಳೆ. ಈ ವೇಳೆ ಅಭಿಷೇಕ್, ಐಶ್ವರ್ಯ ಹಾಗೂ ಅಲ್ಲಿದ್ದ ಛಾಯಾಗ್ರಾಹಕರು ಜೋರಾಗಿ ನಕ್ಕಿದ್ದಾರೆ. ಆರಾಧ್ಯ ಸಾಕು ಮಾಡಿ ಎಂದು ಹೇಳಿದ ವಿಡಿಯೋ ಈಗ ವೈರಲ್ ಆಗಿದೆ.

ಆಕಾಶ್ ಅಂಬಾನಿ ಹಾಗೂ ಶ್ಲೋಕ ಮೆಹ್ತಾ ಭಾನುವಾರ ಮುಂಬೈನ ಬಾಂದ್ರಾ- ಕುರ್ಲಾ ಕಾಂಪ್ಲೆಕ್ಸ್ ನಲ್ಲಿರುವ ಜಿಯೋ ವರ್ಲ್ಡ್ ಸೆಂಟರ್​ನಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇವರ ಮದುವೆಗೆ ಬಾಲಿವುಡ್ ಕಲಾವಿದರು ಸೇರಿದಂತೆ ಉದ್ಯಮಿಗಳು, ರಾಜಕೀಯ ವ್ಯಕ್ತಿಗಳು ಹಾಗೂ ಕ್ರೀಡಾ ಆಟಗಾರರು ಆಗಮಿಸಿದ್ದರು.

 

View this post on Instagram

 

#abhishekbachan #aishwaryaraibachchan and #aradhyabachchan at #akashambani #shlokamehta wedding ❤️#bigfatindianwedding #desibride #weddingoftheyear @viralbhayani

A post shared by Viral Bhayani (@viralbhayani) on Mar 10, 2019 at 8:50am PDT

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv ಮತ್ತು Live  ವೀಕ್ಷಿಸಲು  ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್  ಮಾಡಿ: play.google.com/publictv