ಢಾಕಾ: ಬಾಂಗ್ಲಾದೇಶದ ಸ್ಪೀಕರ್ (Bangladesh Speaker) ಸ್ಥಾನಕ್ಕೆ ಶಿರಿನ್‌ ಶರ್ಮಿನ್‌ ಚೌಧರಿ (Shirin Sharmin Chaudhury) ರಾಜೀನಾಮೆ ನೀಡಿದ್ದಾರೆ.
ಪ್ರಧಾನಿ ಶೇಖ್ ಹಸೀನಾ ಅವರನ್ನು ಪದಚ್ಯುತಗೊಳಿಸಿದ ನಂತರ ಅಧ್ಯಕ್ಷ ಮೊಹಮ್ಮದ್ ಶಹಾಬುದ್ದೀನ್ ಸಂಸತ್ತನ್ನು ವಿಸರ್ಜಿಸಿದ ಸುಮಾರು ನಾಲ್ಕು ವಾರಗಳ ಬಳಿಕ ಬಾಂಗ್ಲಾದೇಶ ಸಂಸತ್ತಿನ ಸ್ಪೀಕರ್ ರಾಜೀನಾಮೆ ಕೊಟ್ಟಿದ್ದಾರೆ. ಚೌಧರಿ ನೇರವಾಗಿ ಅಧ್ಯಕ್ಷರಿಗೆ ರಾಜೀನಾಮೆ ಸಲ್ಲಿಸಿದರು. ಇದನ್ನೂ ಓದಿ: ಮುಡಾ ಹಿಂದಿನ ಆಯುಕ್ತರ ಅಮಾನತು ಆದೇಶವೇ ಸರ್ಕಾರಕ್ಕೆ ಸುಸೈಡ್ ನೋಟ್: ಶಾಸಕ ಶ್ರೀವತ್ಸ
ಸರ್ಕಾರ ವಿರೋಧಿ ಪ್ರತಿಭಟನೆಯ ಸಂದರ್ಭದಲ್ಲಿ ಆಭರಣದ ಕೆಲಸಗಾರನ ಸಾವಿನ ಕೊಲೆ ಪ್ರಕರಣದ ಆರೋಪದ ನಡುವೆ ಚೌಧರಿ ರಾಜೀನಾಮೆ ಬಂದಿದೆ. ಉಪ ಸ್ಪೀಕರ್ ಶಂಸುಲ್ ಹಕ್ ಟುಕು ಈಗಾಗಲೇ ಜೈಲಿನಲ್ಲಿದ್ದಾರೆ, ಇತ್ತೀಚಿನ ಬಂಧನದ ನಂತರ ಇದೇ ರೀತಿಯ ಆರೋಪಗಳನ್ನು ಎದುರಿಸುತ್ತಿದ್ದಾರೆ.
ನೊಬೆಲ್ ಪ್ರಶಸ್ತಿ ವಿಜೇತ ಮುಹಮ್ಮದ್ ಯೂನಸ್ ನೇತೃತ್ವದ ಮಧ್ಯಂತರ ಸರ್ಕಾರ ಬಾಂಗ್ಲಾದೇಶದಲ್ಲಿ ಆಡಳಿತದಲ್ಲಿದೆ. ಹಲವಾರು ಅವಾಮಿ ಲೀಗ್ ನಾಯಕರು ಈಗ ಭ್ರಷ್ಟಾಚಾರ ಮತ್ತು ಕೊಲೆ ಆರೋಪಗಳ ಮೇಲೆ ಜೈಲಿನಲ್ಲಿದ್ದಾರೆ. ಇದನ್ನೂ ಓದಿ: ಆನ್‌ಲೈನ್‌ ಟ್ರೇಡಿಂಗ್‌ ಹೆಸರಲ್ಲಿ ವಂಚನೆ – ಬೆಂಗಳೂರಲ್ಲಿ ಇ.ಡಿಯಿಂದ ನಾಲ್ವರ ಬಂಧನ
