ಸವಿಯಿರಿ ಆರೋಗ್ಯಕರ ಬಾಳೆಹಣ್ಣಿನ ಖೀರ್

Last updated: July 22, 2023 8:04 am

1 Min Read

ಬಾಳೆಹಣ್ಣಿನಲ್ಲಿ ವಿಟಮಿನ್ ಬಿ6, ವಿಟಮಿನ್ ಸಿ, ಪೊಟ್ಯಾಸಿಯಂ, ಕಬ್ಬಿನಾಂಶ ಮುಂತಾದ ಪೌಷ್ಟಿಕಾಂಶಗಳಿದ್ದು, ದಿನನಿತ್ಯದ ಆಹಾರದಲ್ಲಿ ಬಾಳೆಹಣ್ಣನ್ನು ಸೇವಿಸುವುದರಿಂದ ನಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದು. ಇಂದು ಬಾಳೆಹಣ್ಣಿನ ಖೀರ್ ಯಾವ ರೀತಿ ತಯಾರಿಸಬಹುದು ಎಂಬುದರ ಕುರಿತು ನಾವು ನಿಮಗೆ ತಿಳಿಸಿಕೊಡುತ್ತೇವೆ. ಹಾಗಿದ್ರೆ ಬಾಳೆಹಣ್ಣಿನ ಖೀರ್ ಹೇಗೆ ಮಾಡುವುದು ಎಂಬುದನ್ನು ತಿಳಿದುಕೊಳ್ಳೋಣ. ಇದನ್ನೂ ಓದಿ: ಮನೆಯಲ್ಲೇ ಮಾಡಿ ಸಿಂಪಲ್ ಮೆಕ್ಸಿಕನ್ ರೈಸ್

ಬೇಕಾಗುವ ಸಾಮಗ್ರಿಗಳು:
ಹಾಲು – 2 ಕಪ್
ಕಿವುಚಿದ ಬಾಳೆಹಣ್ಣು – 1 ಕಪ್
ಹೆಚ್ಚಿದ ಬಾಳೆಹಣ್ಣು – ಸ್ವಲ್ಪ
ಏಲಕ್ಕಿ ಪೌಡರ್ – ಅರ್ಧ ಚಮಚ
ಕೇಸರಿ – ಸ್ವಲ್ಪ
ಬೆಲ್ಲದ ಪೌಡರ್ – ರುಚಿಗೆ ತಕ್ಕಷ್ಟು
ಹೆಚ್ಚಿದ ನಟ್ಸ್ಗಳು (ನಿಮಗೆ ಇಷ್ಟವಾದದ್ದು) – ಅರ್ಧ ಕಪ್

ಮಾಡುವ ವಿಧಾನ:
* ಮೊದಲಿಗೆ ಒಂದು ಪಾತ್ರೆಯಲ್ಲಿ ಹಾಲನ್ನು ಬಿಸಿಗಿಟ್ಟು ಕುದಿಸಿಕೊಳ್ಳಿ.
* ಬಳಿಕ ಇದಕ್ಕೆ ಕೇಸರಿ, ಏಲಕ್ಕಿ ಪೌಡರ್ ಮತ್ತು ಸಣ್ಣಗೆ ಹೆಚ್ಚಿದ ನಟ್ಸ್ಗಳನ್ನು ಸೇರಿಸಿಕೊಳ್ಳಿ.
* ನಂತರ ಕೇಸರಿ ಬಣ್ಣ ಬಿಡುವವರೆಗೂ ಗ್ಯಾಸ್ ಅನ್ನು ಸಣ್ಣ ಉರಿಯಲ್ಲಿ ಇಟ್ಟುಕೊಳ್ಳಬೇಕು.
* ಈಗ ಒಂದು ಬೌಲ್‌ನಲ್ಲಿ ಕಿವುಚಿದ ಬಾಳೆಹಣ್ಣನ್ನು ತೆಗೆದುಕೊಂಡು ಅದಕ್ಕೆ ಕುದಿಸಿ, ನಟ್ಸ್ ಸೇರಿಸಿದ ಹಾಲನ್ನು ಹಾಕಿಕೊಳ್ಳಿ.
* ಈಗ ಹೆಚ್ಚಿದ ಬಾಳೆಹಣ್ಣಿನಿಂದ ಖೀರ್ ಅನ್ನು ಅಲಂಕರಿಸಿ ಮನೆಯವರಿಗೆ ಸವಿಯಲು ಕೊಡಿ. ಇದನ್ನೂ ಓದಿ: ಟ್ರೈ ಮಾಡಿ ಟೇಸ್ಟಿ ಬನಾನ ಕಟ್ಲೆಟ್

Web Stories