ಹಳಿಗೆ ಹಾರಿ ವ್ಯಕ್ತಿಯಿಂದ ಆತ್ಮಹತ್ಯೆಗೆ ಯತ್ನ – ಕೋಲ್ಕತ್ತಾ ಮೆಟ್ರೋ ಸಂಚಾರದಲ್ಲಿ ವ್ಯತ್ಯಯ

ಕೋಲ್ಕತ್ತಾ: ಮೆಟ್ರೋ (Kolkata Metro) ಹಳಿಗೆ ಹಾರಿ ವ್ಯಕ್ತಿಯೊಬ್ಬ ಆತ್ಮಹತ್ಯೆಗೆ ಯತ್ನಿಸಿರುವ ಘಟನೆ ಕೋಲ್ಕತ್ತಾದ (Kolkata) ದಕ್ಷಿಣೇಶ್ವರ-ನ್ಯೂ ಗರಿಯಾ ಕಾರಿಡಾರ್‌ನ ಸೋವಾಬಜಾರ್ ಸುತಾನತಿ ನಿಲ್ದಾಣದಲ್ಲಿ ನಡೆದಿದೆ.

30 ವರ್ಷದ ವ್ಯಕ್ತಿಯೋರ್ವ ಇಂದು (ನ.08) ಮಧ್ಯಾಹ್ನ 12.45ರ ಸುಮಾರಿಗೆ ರೈಲು ಸಮೀಪಿಸುತ್ತಿರುವಾಗ ಹಳಿಗೆ ಹಾರಿದ್ದು, ತಕ್ಷಣವೇ ಆತನನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು.ಇದನ್ನೂ ಓದಿ: ರೆಡ್ಡಿ ಬ್ರದರ್ಸ್, ರಾಮುಲುರಿಂದ ಬಳ್ಳಾರಿ ಲೂಟಿ: ಸಿದ್ದರಾಮಯ್ಯ

ಘಟನೆಯ ಬಳಿಕ 40 ನಿಮಿಷಗಳ ಕಾಲ ಮೆಟ್ರೋ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಿದ್ದು, ದಕ್ಷಿಣೇಶ್ವರ-ಡಮ್‌ಡಮ್ ಮತ್ತು ಸೆಂಟ್ರಲ್-ಕವಿ ಸುಭಾಸ್ ನಿಲ್ದಾಣಗಳ ನಡುವೆ ಮೆಟ್ರೋ ಸೇವೆಗೆ ಅಡ್ಡಿಯುಂಟಾಯಿತು.

ಘಟನೆ ವೇಳೆ ಸ್ಥಗಿತಗೊಂಡ ಮೆಟ್ರೋ ಮಧ್ಯಾಹ್ನ 1:27ರ ಸುಮಾರಿಗೆ ಎಂದಿನಂತೆ ಕಾರ್ಯಾರಂಭಿಸಿದವು.ಇದನ್ನೂ ಓದಿ: ಪುರುಷ ಟೈಲರ್‌ಗಳು ಮಹಿಳೆಯರ ಬಟ್ಟೆ ಸ್ಟಿಚ್ ಮಾಡಲು ಅಳತೆ ತೆಗೆದುಕೊಳ್ಳುವಂತಿಲ್ಲ – ಯುಪಿ ಮಹಿಳಾ ಆಯೋಗದಿಂದ ಸರ್ಕಾರಕ್ಕೆ ಪ್ರಸ್ತಾವನೆ