ಎಎಸ್‍ಐ ಕಾರನ್ನೇ ಕದ್ದ ಕಳ್ಳರು

ಮೈಸೂರು: ಮನೆ ಮುಂದೆ ನಿಲ್ಲಿಸಿದ್ದ ಎಎಸ್‍ಐ ಕಾರ್ ನ್ನು ಕಳ್ಳರು ಕದ್ದಿದ್ದಾರೆ.

ಮೈಸೂರು ಸಿಸಿಬಿ ವಿಭಾಗದಲ್ಲಿ ಎಎಸ್‍ಐ ಆಗಿರುವ ಅಲೆಕ್ಸ್ ಅವರಿಗೆ ಸೇರಿದ ಸ್ಕ್ರಾರ್ಪಿಯೋ ಕಾರ್ ಕಳ್ಳತನವಾಗಿದೆ. ಮೈಸೂರಿನ ಎನ್.ಆರ್.ಮೋಹಲ್ಲ ನಿವಾಸಿಯಾಗಿರುವ ಅಲೆಕ್ಸ್ ತಮ್ಮ ಮನೆ ಮುಂದೆ ಕೆಎ-05 ಎಂಎಫ್ -1972 ನಂಬರ್ ನ ಕಪ್ಪುಬಣ್ಣದ ಕಾರು ನಿಲ್ಲಿಸಿದ್ದರು. ರಾತ್ರಿ ವೇಳೆ ಮನೆ ಮುಂದೆ ನಿಲ್ಲಿಸಿದ್ದ ವೇಳೆ ಕಳ್ಳರು ಕಾರು ಕದ್ದೊಯ್ದಿದ್ದಾರೆ.

ಈ ಸಂಬಂಧ ಅಲೆಕ್ಸ್ ಎನ್.ಆರ್.ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ದೂರು ದಾಖಲಿಸಿಕೊಂಡ ಪೊಲೀಸರು ತಮ್ಮದೇ ಸಿಬ್ಬಂದಿಯ ಕಾರು ಹುಡುಕಲು ಕಾರ್ಯಚರಣೆ ಆರಂಭಿಸಿದ್ದಾರೆ.