ವಿಡಿಯೋ: ಎಲ್ಲರೆದುರೇ ಮಹಿಳೆಯಿಂದ ವಕೀಲನಿಗೆ ಚಪ್ಪಲಿಯಲ್ಲಿ ಹೊಡೆತ

ಬೆಂಗಳೂರು: ಮೈ ಮುಟ್ಟಿ ಅಸಭ್ಯವಾಗಿ ವರ್ತಿಸಿದ ವಕೀಲನಿಗೆ ಮಹಿಳೆ ಚಪ್ಪಲಿಯಿಂದ ಹೊಡೆದ ಘಟನೆ ಬೆಂಗಳೂರು ಹೊರವಲಯದ ಹೊಸಕೋಟೆಯಲ್ಲಿ ನಡೆದಿದೆ.

ಜಯಮಾಲಾ ತನ್ನ ಸಂಬಂಧಿಯೊಬ್ಬರ ಕೇಸನ್ನು ಕೋರ್ಟ್ ನಲ್ಲಿ ವಾದಿಸುವಂತೆ ವಕೀಲ ರಾಮಾಂಜಿನಪ್ಪಗೆ ಹಣ ನೀಡಿದ್ರು. ಆದ್ರೆ ಈ ಕೇಸಿನ ಸಂಬಂಧ ವಿರೋಧಿ ಬಳಿಯೂ ಹಣ ಪಡೆದಿದ್ದ ವಿಚಾರ ತಿಳಿದು ಜಯಮಾಲಾ ಇಂದು ವಕೀಲ ರಾಮಾಂಜಿನಪ್ಪಾ ಮನೆಗೆ ಬಳಿ ತೆರಳಿದ್ರು.

ಈ ಸಂದರ್ಭದಲ್ಲಿ ರಾಮಾಂಜಿನಪ್ಪ ಜಯಮಾಲಾ ಮೈ ಕೈ ಮುಟ್ಟಿ ಅಸಭ್ಯವಾಗಿ ವರ್ತಿಸಿದ್ದಾನೆ. ಇದರಿಂದ ರೊಚ್ಚಿಗೆದ್ದ ಜಯಮಾಲಾ ಸಾರ್ವಜನಿಕವಾಗಿ ವಕೀಲನಿಗೆ ಚಪ್ಪಲಿಯಿಂದ ಹೊಡೆದಿದ್ದಾರೆ.  ಈ ಘಟನೆಯನ್ನು ಸ್ಥಳದಲ್ಲಿದ್ದವರೊಬ್ಬರು ವಿಡಿಯೋ ಮಾಡಿದ್ದು, ಈ ವಿಡಿಯೋ ಇದೀಗ ಪಬ್ಲಿಕ್ ಟಿವಿಗೆ ಲಭಿಸಿದೆ.

ಈ ಘಟನೆ ಸಂಬಂಧ ತಿರುಮಶೆಟ್ಟಿಹಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಗಾಯಾಳು ಜಯಮಾಲಾ ಆಸ್ಪತ್ರೆಗೆ ದಾಖಲಾಗಿದ್ದಾರೆ.

https://www.youtube.com/watch?v=4wak_8eztaM&feature=youtu.be