ಸ್ಯಾಂಡಲ್ವುಡ್ (Sandalwood) ನಟಿ, ನಿರೂಪಕಿ ಅನುಶ್ರೀ (Anushree) ಅವರು ಸದಾ ಒಂದಲ್ಲಾ ಒಂದು ವಿಚಾರವಾಗಿ ಸುದ್ದಿಯಲ್ಲಿರುತ್ತಾರೆ. ಸದಾ ಅವರಿಗೆ ಎದುರಾಗಿವ ಪ್ರಶ್ನೆ ಅಂದರೆ ಮದುವೆ ವಿಚಾರ. ಯಾವಾಗ ಮದುವೆಯಾಗುತ್ತೀರಾ ಎಂಬ ಅನುಶ್ರೀಗೆ ಎದುರಾಗುತ್ತಲೇ ಇರುತ್ತದೆ. ಈಗ ಮತ್ತೆ ಸೋಷಿಯಲ್ ಮೀಡಿಯಾದಲ್ಲಿ ಲೈವ್ ಮಾಡುವಾಗ ಮದುವೆ (Wedding) ಮ್ಯಾಟರ್ ಅನ್ನೇ ಅಭಿಮಾನಿಗಳು ಕೇಳಿದ್ದಾರೆ. ಅದಕ್ಕೆ ನಟಿ ಕೂಡ ರಿಯಾಕ್ಟ್ ಮಾಡಿದ್ದಾರೆ.
Advertisement
ಕಿರುತೆರೆಯ ಡ್ಯಾನ್ಸ್ ಶೋವೊಂದರಲ್ಲಿ ಸ್ಪರ್ಧಿಯಾಗಿ ಗೆದ್ದು ಅನುಶ್ರೀ ಬೀಗಿದ್ದರು. ಬಳಿಕ ನಟಿ, ನಿರೂಪಕಿಯಾಗಿ ಕರ್ನಾಟಕದ ಮನೆ ಮಾತಾದರು. ವಾಹಿನಿಯ ರಿಯಾಲಿಟಿ ಶೋ, ಸಿನಿಮಾ ಸಂಬಂಧಿತ ಕಾರ್ಯಕ್ರಮಗಳಲ್ಲಿ ಅನುಶ್ರೀ ನಿರೂಪಣೆಯ ಮೂಲಕ ಮೋಡಿ ಮಾಡುತ್ತಲೇ ಇರುತ್ತಾರೆ.
Advertisement
Advertisement
ಸಾಕಷ್ಟು ವರ್ಷಗಳಿಂದ ಚಿತ್ರರಂಗದಲ್ಲಿರುವ ನಟಿಗೆ 36 ವರ್ಷ ವಯಸ್ಸಾಗಿದ್ದು, ಸದಾ ಅವರಿಗೆ ಮದುವೆಯ ಬಗ್ಗೆಯೇ ಪ್ರಶ್ನೆ ಕೇಳಿ ಬರುತ್ತದೆ. 40ರ ಅಸುಪಾಸಿನಲ್ಲಿರುವ ಈ ನಟಿ ಕೆಲ ತಿಂಗಳುಗಳ ಹಿಂದೆ, ನನ್ನ ಮದುವೆ ವಿಚಾರ ದೈವ ಕೊರಗಜ್ಜನಿಗೆ (Koragajja) ಬಿಡುತ್ತೇನೆ ಎಂದು ಅನುಶ್ರೀ ಹೇಳಿದ್ದರು. ಈಗ ಮತ್ತೆ ಅದೇ ಪ್ರಸಂಗ ನಟಿಗೆ ಎದುರಾಗಿದೆ. ಅಭಿಮಾನಿಗಳು ಬಿಟ್ಟು ಬಿಡದೇ ಅನುಶ್ರೀ ಅವರನ್ನ ಕಾಡುತ್ತಿದ್ದಾರೆ. ಇದನ್ನೂ ಓದಿ:ಜುಲೈ 12ಕ್ಕೆ ಸೆಂಚುರಿ ಸ್ಟಾರ್ ಬರ್ತ್‌ಡೇಗೆ ಸಿದ್ಧತೆ ಹೇಗಿದೆ ಗೊತ್ತಾ?
Advertisement
ಬಹಳ ದಿನಗಳ ಬಳಿಕ ಅನುಶ್ರೀ ಇನ್ಸ್ಟಾಗ್ರಾಂನಲ್ಲಿ ಲೈವ್‌ಗೆ ಬಂದಾಗಲೂ ಇದೇ ಮದುವೆ ಪ್ರಶ್ನೆ ಕೇಳಿದ್ದಾರೆ. ಅಬ್ಬಾ ಮತ್ತೆ ಅದೇ ಪ್ರಶ್ನೆ, ಯಾವಾಗ ಮದ್ವೆಯಾಗ್ತೀರಿ ಅನ್ನೋದು? ಈ ಪ್ರಶ್ನೆ ನೋಡಿದ ನಟಿ ಜೋರಾಗಿ ನಕ್ಕು ನನ್ನ ಅಮ್ಮಂಗೂ ಇದೇ ಪ್ರಶ್ನೆಯಾಗಿ ಹೋಗಿದೆ, ಯಾರಪ್ಪಾ ನನ್ನ ಮಗಳ ಹಿಂದೆ ಮದುವೆಗಾಗಿ ಬಿದ್ದಿರೋದು ಅಂತ ಅಮ್ಮನೂ ಕೇಳ್ತಿದ್ದಾರೆ ಎಂದರು. ಇದೇ ಲೈವ್ ಕಾರ್ಯಕ್ರಮದಲ್ಲಿ ತೇಜಸ್ವಿನಿ ಎನ್ನುವ ನವ ವಿವಾಹಿತೆ ಜೊತೆ ಅನುಶ್ರೀ ಮಾತನಾಡಿದರು. ತೇಜಸ್ವಿನಿ ಅವರು ಕೂಡ ಅನುಶ್ರೀ ಅವರ ಮದುವೆಯ ಬಗ್ಗೆ ಪ್ರಸ್ತಾಪಿಸಿದಾಗ, ಅನುಶ್ರೀಯವರು ಸರಿ ನನಗೆ ಎಂತಹ ಹುಡುಗ ಸಿಗ್ಬೇಕು ಎಂದು ನಿಮಗೆ ಅನಿಸುತ್ತದೆ ಎಂದರು. ಆಗ ತೇಜಸ್ವಿನಿಯವರು ನಿಮ್ಮ ಹಾಗೆ ಪಟಪಟ ಎಂದು ಮಾತನಾಡುವ ಹುಡುಗ ಸಿಗಲಿ ಎನ್ನುವುದು ನನ್ನ ಹಾರೈಕೆ ಎಂದರು. ಅದಕ್ಕೆ ಅನುಶ್ರೀ ಪಟಪಟ ಮಾತನಾಡಿದರೆ ಸಾಕಾ? ಚೆನ್ನಾಗಿ ನೋಡ್ಕೋಳೋದು ಬೇಡ್ವಾ ಎಂದು ಅನುಶ್ರೀ ತಮಾಷೆ ಮಾಡಿದ್ದಾರೆ. ಒಟ್ಟಿನಲ್ಲಿ ಅನುಶ್ರೀ ಮದ್ವೆಯಾಗುವವರೆಗೂ ಫ್ಯಾನ್ಸ್ ಬಿಡಲ್ಲ ಎಂದು ಕಾಣಿಸುತ್ತಿದೆ.
