ಹಾಸನ: ಬೇಲೂರು (Belur) ತಾಲೂಕಿನ ಬಿಕ್ಕೋಡು ಗ್ರಾಮದಲ್ಲಿ ಒಂಟಿ ಸಲಗವೊಂದು (Elephant) ವಾಹನಗಳ ನಡುವೆ ಹಾಗೂ ಜನರ ಸಮೀಪದಲ್ಲೇ ಯಾರಿಗೂ ತೊಂದರೆ ಕೊಡದೆ ಸಾಕಾನೆಯಂತೆ ಓಡಾಡಿದೆ.
ಗ್ರಾಮದೊಳಗೆ ಎಂಟ್ರಿ ಕೊಟ್ಟ ಭೀಮನನ್ನು ಇಟಿಎಫ್ (ETF) ಸಿಬ್ಬಂದಿ ಮೈಕ್‍ನಲ್ಲಿ ಅನೌನ್ಸ್ ಮಾಡುತ್ತ ಎಸ್ಕಾರ್ಟ್‌ ಮಾಡಿದ್ದಾರೆ. ಈ ವೇಳೆ ಕಾಡಾನೆ ಸಾಕಾನೆಯಂತೆಯೇ ಯಾವುದೇ ಗೊಂದಲಕ್ಕೊಳಗಾಗದೇ ಹೆಜ್ಜೆ ಹಾಕಿದೆ. ಸುತ್ತಮುತ್ತ ಜನರು ಇರುವುದನ್ನು ಕಂಡು, ಸೊಂಡಿಲಿನಲ್ಲಿ ತನ್ನದೇ ಶೈಲಿಯಲ್ಲಿ ಸನ್ನೆ ಮಾಡಿ ಪೋಸ್‌ ಕೊಡುತ್ತಾ, ಜನರತ್ತ ನೋಡಿ ಕಾಡಿನ ಕಡೆ ಹೆಜ್ಜೆ ಹಾಕಿದೆ. ಇದನ್ನೂ ಓದಿ: ಶೃಂಗೇರಿಯಲ್ಲಿ ಕಾಡಾನೆ ದಾಳಿಗೆ ಇಬ್ಬರು ರೈತರು ಬಲಿ
ಇಟಿಎಫ್ ಸಿಬ್ಬಂದಿ ಎಸ್ಕಾರ್ಟ್‌ ಮಾಡುವ ವಿಡಿಯೋ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಅಲ್ಲದೇ ಜನರನ್ನು ಕಂಡು ಸೊಂಡಲು ಎತ್ತಿ ಸಾಗುತ್ತಿರುವುದು ಸಹ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಇದನ್ನೂ ಓದಿ: ಚಾ.ನಗರ| ತರಕಾರಿ, ಕಬ್ಬಿಗಾಗಿ ಲಾರಿ ಸರ್ಚ್ ಮಾಡಿದ ಕಾಡಾನೆ
