ಮುಂಬೈ: ಬಾಲಿವುಡ್ ಹಿರಿಯ ನಾಯಕ ಬಿಗ್ ಬಿ ಅಮಿತಾಬ್ ಬಚ್ಚನ್ ಸೊಸೆಯ ಬಗ್ಗೆ ತಮ್ಮ ಮನದಾಳದ ಮಾತನ್ನು ಟ್ವಿಟ್ಟರ್ ನಲ್ಲಿ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಅಮಿತಾ ಬಚ್ಚನ್ ಟ್ವೀಟ್ ಮಹಿಳೆಯರ ಮನ ಗೆದ್ದಿದ್ದು, ನಿಮ್ಮ ಸೊಸೆ ಐಶ್ವರ್ಯ ಅದೃಷ್ಟವಂತೆ ಎಂಬಿತ್ಯಾದಿ ಕಮೆಂಟ್ ಮೂಲಕ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.
ಅಮಿತಾಬ್ ಬಚ್ಚನ್ ಟ್ವೀಟ್:
ಜನರು ”ಇವಳು ನಮ್ಮ ಮನೆಯ ಸೊಸೆ” ಎಂದು ಸಾಮಾನ್ಯವಾಗಿ ಹೇಳುತ್ತಾರೆ. ಆದರೆ ”ಈ ಮನೆ ನಮ್ಮ ಸೊಸೆಯದ್ದು” ಎಂದು ಯಾಕೆ ಹೇಳಲ್ಲ ಅಂತಾ ಅಮಿತಾಬ್ ಬಚ್ಚನ್ ಅರ್ಥಪೂರ್ಣವಾದ ಎರಡು ಸಾಲುಗಳನ್ನು ಟ್ವಿಟ್ಟರ್ ನಲ್ಲಿ ಬರೆದುಕೊಂಡಿದ್ದಾರೆ.
T 3522 – लोग अक्सर कहते हैं : "और ये है , हमारी घर की बहू "
ये नहीं कहते की : "और ये घर हमारी बहू का है " !
— Amitabh Bachchan (@SrBachchan) October 18, 2019
ಮನೆಗೆ ಬರುವ ಸೊಸೆಯನ್ನು ಬೇರೆಯವರಂತೆ ಕಾಣಬೇಡಿ. ಹೊಸ ಕುಟುಂಬ ಮತ್ತು ಮನೆ ಆಕೆಯದ್ದು ಎಂದು ಭಾವ ಸೊಸೆಗೆ ಬರಬೇಕು ಎಂಬ ಭಾವರ್ಥದಲ್ಲಿ ಅಮಿತಾಬ್ ಕೆಲವು ಸಾಲುಗಳು ಬರೆದುಕೊಂಡಿದ್ದಾರೆ. ಅನಾರೋಗ್ಯ ಹಿನ್ನೆಲೆಯಲ್ಲಿ ಅಮಿತಾಬ್ ಬಚ್ಚನ್ ಮಂಗಳವಾರ ಮುಂಬೈನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದರು. ಇದರಿಂದ ಅಭಿಮಾನಿಗಳಲ್ಲಿ ಆತಂಕ ಮನೆ ಮಾಡಿತ್ತು. ರೋಟಿನ್ ಚೆಕಪ್ ಗಾಗಿ ಬಚ್ಚನ್ ಆಸ್ಪತ್ರೆಗೆ ದಾಖಲಾಗಿದ್ದರು. ಅಮಿತಾಬ್ ಆರೋಗ್ಯದಿಂದ ಇದ್ದಾರೆ ಎಂದು ವರದಿಯಾಗಿತ್ತು.
ಶುಕ್ರವಾರ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆದ ಬಳಿಕ ಪತ್ನಿ ಜಯಾ ಬಚ್ಚನ್ ರ ಕರ್ವಾ ಚೌತ ವ್ರತದಲ್ಲಿ ಭಾಗಿಯಾಗಿದ್ದರು. 77 ವರ್ಷದ ಅಮಿತಾಬ್ ಬಚ್ಚನ್ ಕೈಯಲ್ಲಿ ಇಂದಿಗೂ ಸಾಲು ಸಾಲು ಸಿನಿಮಾಗಳಿವೆ. ಬಾಲಿವುಡ್ ಮಾತ್ರವಲ್ಲದೇ ಕಾಲಿವುಡ್ ಮತ್ತು ಟಾಲಿವುಡ್ ನಲ್ಲಿಯೂ ಬಿಗ್ ಬಿ ಸದ್ದು ಮಾಡುತ್ತಿದ್ದಾರೆ. ಸದ್ಯ ಕಿರುತೆರೆಯಲ್ಲಿ ಅಮಿತಾಬ್ ಬಚ್ಚನ್ ಕಾರ್ಯಕ್ರಮ ನಿರೂಪಣೆ ಮಾಡುತ್ತಿದ್ದಾರೆ.